ᐅᖃᓚᐅᑎᓯᐅᑏᑦ

You are here

ᓄᓇᓖᑦ ᐳᕙᓪᓗᓇᖅᑐᖃᕐᒪᖔᑕ ᖃᐅᔨᓴᖅᑕᐅᔪᑦ ᕿᑭᖅᑕᕐᔪᐊᕐᒥᐅᑦ

ᕕᕝᕗᐊᓕ 02, 2018

ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᓇᓗᓇᐃᔭᐅᑦ

 

ᓄᓇᓖᑦ ᐳᕙᓪᓗᓇᖅᑐᖃᕐᒪᖔᑕ ᖃᐅᔨᓴᖅᑕᐅᔪᑦ ᕿᑭᖅᑕᕐᔪᐊᕐᒥᐅᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᖃᐅᔨᒃᑲᐃᕗᑦ ᕿᑭᖅᑕᕐᔪᐊᕐᒥᐅᓂᑦ ᓄᓇᓖᑦ ᐃᓄᖏᑦ ᑕᒪᕐᒥᑦ ᖃᐅᔨᓴᖅᑕᐅᓛᕐᓂᖏᓐᓂᑦ ᐳᕙᓪᓗᓐᓇᖅ (TB) ᐱᓪᓗᒍ ᐊᒥᓱᕈᖅᐸᓪᓕᐊᑐᐃᓐᓇᖅᓯᒪᒻᒪᑕ ᐳᕙᓪᓗᑦᑐᑦ ᓄᓇᓕᓐᓂᑦ ᑕᒪᓐᓇ ᓄᖅᑲᖅᐹᓪᓕᖅᑎᑦᑎᒍᑕᐅᓇᓱᓪᓗᓂ. ᐃᓄᐃᑦ ᓄᓇᓖᑦ ᐃᓚᒋᔭᐅᑦᑎᐊᖁᔭᐅᕗᑦ ᐃᑲᔪᖅᑎᒌᓐᓂᒃᑯᑦ ᐳᕙᓪᓗᓐᓇᖅ ᓄᖑᑎᑕᐅᒋᐊᕋᑦᑎᓪᓗᒍ ᐊᒻᒪ ᐃᔭᒐᐃᑦ ᐊᑐᐃᓐᓇᐅᑎᑕᐅᔪᓐᓇᑦᑎᐊᖁᓪᓗᒋᑦ ᑕᒪᐃᓐᓄᑦ ᓄᓇᓕᓐᓄᑦ.

ᖃᐅᔨᓴᕐᓂᖅ ᐱᒋᐊᕐᕕᔅᓴᖃᖅᑐᖅ ᕖᕝᕕᐊᓕ 5, 2018ᒥᑦ ᕿᑭᖅᑕᕐᔪᐊᖅ ᐱᖑᐊᕐᕕᖓᓐᓂᑦ. ᐃᓄᐃᑦ ᓄᓇᓖᑦ ᖃᐅᔨᒃᑲᖅᑕᐅᒐᔭᖅᑐᑦ ᐃᓪᓗᒥᐅᖃᑎᒌᑦ, ᖃᐅᔨᓴᖅᑕᐅᒋᐊᖅᑐᕐᓗᑎᑦ ᐊᒻᒪ ᐊᐱᖅᓱᑏᑦ ᑎᑎᖅᑲᑦ ᑭᐅᒋᐊᖃᕋᔭᖅᑐᑦ, ᐅᕕᓂᖏᑎᒍᑦ ᕿᙳᓵᖅᑕᐅᓗᑎᑦ, ᓴᕝᕕᖓᒍᓪᓗ ᐊᔾᔨᓕᐅᖅᑕᐅᓗᑎᑦ ᐊᒻᒪ ᐊᐅᖏᖅᑕᐅᔪᓐᓇᕆᓪᓗᑎᑦ.

ᕿᑭᖅᑕᕐᔪᐊᕐᒥᑦ ᐋᓐᓂᐊᕕᖓ ᐊᑐᐃᓐᓇᕈᖅᓴᖅᑎᑕᐅᓯᒪᔪᑦ ᐊᒻᒪ ᐃᑲᔪᕆᐊᖅᓯᒪᔪᓂᑦ ᐃᖅᑲᓇᐃᔭᖅᑎᖃᖅᑎᑕᐅᔪᑦ, ᑖᒃᑯᐊ ᐳᕙᓪᓗᓇᖅᑐᓕᕆᔨᐅᔪᑦ ᐃᖅᑲᓇᐃᔭᕆᐊᖅᑎᑕᐅᓯᒪᔪᑦ ᖃᐅᔨᓴᕆᐊᕐᓗᑎᑦ. ᐃᓄᐃᑦ ᐳᕙᓪᓗᓇᖅᑐᖃᑐᐃᓐᓇᕆᐊᖃᕐᓂᕐᒧᑦ ᒪᓗᓐᓇᖃᑕ ᖃᐅᔨᓴᖅᑕᐅᖄᓚᐅᕐᓗᑎᑦ ᐱᖁᔭᐅᔪᑦ ᐊᐅᓚᓚᐅᖏᓐᓂᖏᓐᓂᑦ, ᑕᒪᓐᓇ ᓯᐊᒻᒪᖁᓇᒍ ᐋᓐᓂᐊᖑᔪᖅ, ᑭᓯᐊᓂ ᑕᐃᒪᐃᒃᑲᓗᐊᖅᑎᓪᓗᒍ ᐃᓱᒫᓗᓇᕈᑕᐅᒐᓗᐊᖅᑎᓪᓗᒍ ᐊᒥᓲᙱᑦᑐᑦ ᐱᑕᖃᑐᐃᓐᓇᕆᐊᓖᑦ. ᓄᓇᕗᒻᒥᐅᑦ ᐃᓱᒫᓗᙱᓪᓗᑎᑦ ᓄᓇᕗᒻᒥᑦ ᐊᐅᓪᓚᖃᑦᑕᕈᓐᓇᕆᐊᖃᕐᖓᑕ.

ᑕᒪᒃᑯᐊ ᒥᔅᓴᓄᑦ ᑐᑭᓯᒋᐊᒃᑲᓐᓂᕈᑎᔅᓴᓂᑦ ᖃᐅᔨᓴᕐᓂᕐᒧᑦ ᐱᓇᓱᐊᕈᓯᐅᓂᐊᖅᑐᓂᑦ ᐅᖃᐅᓯᖃᑦᑕᓂᐊᖅᑐᑦ ᕿᑭᖅᑕᕐᔪᐊᖅ ᓈᓚᐅᑎᖏᑎᒍᑦ, ᐊᒻᒪ ᓈᓚᐅᑎᖏᓐᓂᑦ ᑐᓴᕝᕙᒋᐊᖁᔭᐅᔪᑦ, ᐊᒻᒪᓘᓐᓃᑦ ᓇᒻᒥᓂᖅ ᐋᓐᓂᐊᕕᒻᒧᑦ ᖃᐅᔨᒋᐊᒃᑲᓐᓂᕈᓐᓇᖅᑐᑦ. ᑐᓴᕆᐊᒃᑲᓐᓂᕈᒪᒍᕕᑦ ᐳᕙᓪᓗᓐᓇᐅᑉ

ᒥᔅᓵᓄᑦ ᖃᐅᔨᓴᕐᓂᐅᔪᒥᑦ, ᐅᖃᓕᒫᕐᓗᒋᑦ ᐅᑯᐊ ᖃᕆᓴᐅᔭᒃᑯᑦ ᐳᕙᓪᓗᓇᐅᑉ ᒥᔅᓴᓄᑦ ᑐᑭᓯᔾᔪᑏᑦ

ᐊᒻᒪᓗ ᐅᕕᓂᒃᑯᑦ ᕿᙳᓵᖅᑕᐅᓂᐅᑉ ᒥᔅᓴᓄᑦ ᐅᖃᓕᒫᒐᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕌᓐ ᐅᐊᓯᖕᒃ
ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
(867) 975-5710
rwassink@gov.nu.ca