You are here

ᓄᓇᕐᔪᐊᕐᒥ ᓇᔾᔨᔾᔭᐃᒃᑯᑎᓄᑦ ᓯᖓᐃᔾᔭᐃᒃᑯᑎᓄᑦ ᐅᓪᓗᖅ 2022

ᓯᑎᐱᕆ 26, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕐᔪᐊᕐᒥ ᓇᔾᔨᔾᔭᐃᒃᑯᑎᓄᑦ ᓯᖓᐃᔾᔭᐃᒃᑯᑎᓄᑦ ᐅᓪᓗᖅ 2022

ᓄᓇᕐᔪᐊᕐᒥ ᓯᖓᐃᔾᔭᐃᒃᑯᑎᓕᕆᔪᑦ ᐅᓪᓗᖃᖅᑎᑕᐅᓲᖑᕗᑦ ᓯᑎᐱᕆ 26−ᐅᓕᕌᖓᑦ. ᑕᕝᕙᓂ ᐅᓪᓗᕐᒥᑦ ᐱᕕᔅᓴᖃᕐᕕᐅᕗᖅ ᐅᔾᔨᕆᔭᐅᓕᖅᑎᑦᑎᒃᑲᓐᓂᕐᕕᐅᓗᓂ ᐊᔾᔨᒌᙱᑦᑑᑕᐅᓂᖏᓐᓂᑦ ᓇᔾᔨᔭᐃᒃᑯᑏᑦ ᓯᖓᐃᔾᔭᐃᒃᑰᑎᑦ ᐊᑐᖅᑕᐅᔪᓐᓇᖅᑐᑦ ᐊᑐᐃᓐᓇᐅᔪᑦ ᐃᑲᔪᕈᑕᐅᔪᓐᓇᖅᑐᑦ ᐃᓄᓐᓄᑦ ᑐᑭᓯᓯᒪᓂᖃᑦᑎᐊᕐᓗᑎᑦ ᐃᓱᒪᓕᐅᕈᓐᓇᖁᓪᓗᒋᑦ ᓄᓕᐊᖃᑦᑕᕐᓂᕐᒧᑦ ᐊᒻᒪᓗ ᕿᑐᕐᖏᐅᕈᓐᓇᕐᓂᕆᔭᖓᑕ ᖃᓄᐃᑦᑑᓂᖓᓂᒃ.

ᐊᒥᓱᓂᑦ ᓇᓖᕌᒐᒃᓴᖅᑕᖃᖅᑐᑦ ᓇᔾᔨᔭᐃᒃᑯᑎᓂᑦ ᓯᖓᔾᔭᐃᒃᑯᑎᓂᑦ, ᐊᒻᒪᓗ ᐱᒻᒪᕆᐅᕗᖅ ᐃᓄᐃᑦ ᑐᑭᓯᓯᒪᓂᖃᕐᓗᑎᑦ ᓱᓕᔪᓂᑦ ᓂᕈᐊᕈᓐᓇᑦᑎᐊᖁᓪᓗᒋᑦ ᓇᔾᔨᔭᐃᒃᑯᑎᔅᓴᖏᓐᓂᑦ ᓯᖓᐃᔾᔭᐃᒃᑯᑎᔅᓴᖏᓐᓂᑦ ᐊᑑᑎᖃᑦᑎᐊᖅᑐᒥᑦ ᐃᓅᓯᕆᔭᖏᑕ ᖃᓄᐃᑦᑑᓂᖏᑦ ᒪᓕᓪᓗᒋᑦ.

ᐃᒡᕕᑦ ᐊᐃᑉᐸᐃᓪᓗ ᐅᑦᑐᒃᑯᑦ ᓄᓕᐊᕈᒪᓕᕈᔅᓯᒃ, ᓯᖓᐃᓕᙱᓐᓂᖅᓴᐅᔪᓐᓇᖅᐳᑎᑦ. ᐃᓚᖏᑦ ᐊᑐᖅᑕᐅᒐᔪᓐᓂᖅᓴᐅᔪᑦ ᓇᔾᔨᔭᐃᒃᑯᑏᑦ ᓯᖓᐃᔾᔭᐃᒃᑯᑏᑦ ᒪᑯᐊᖑᕗᑦ:

  • ᓯᓚᑖᓄᑦ ᐃᓗᐊᓂᓗ ᐅᓱᒧᑦ ᐴᖅ.
  • IUD (ᐃᓪᓕᐊᒧᑦ ᐴᖅᓯᒪᔪᖅ ᓇᔾᔨᔭᐃᒃᑯᑎ).
  • ᑲᐴᑏᑦ (ᑲᐱᔭᐅᓗᑎᑦ ᓇᔾᔨᔭᐃᒃᑯᑎᒥᑦ ᓯᖓᐃᔾᔭᐃᒃᑯᑎᒥᒃ ᑎᒥᐅᑉ ᐊᐅᓚᔾᔭᐃᔨᖓᓐᓂᒃ ᐃᓚᓯᒪᔪᓂᑦ).
  • ᓯᖓᐃᔾᔭᐃᒃᑯᑎᑦ ᐄᔭᒐᑦ.
  • ᓂᐱᑦᑕᐅᑎᑦ (ᐅᕕᓂᐅᑉ ᐃᑭᐊᖓᒎᖅᖢᑎᒃ ᓯᖓᐃᔾᔭᐃᒃᑯᑎᑦ).
  • ᓇᒡᒍᐊᕐᒥᒃᑐᑦ (ᐋᖅᑭᒃᓯᒪᔪᑦ (ᓯᖓᐃᓕᔾᔭᐃᒃᑯᑎᑦ ᐃᒡᓕᐊᒃᑯᑦ).

ᖃᐅᔨᒪᔭᕆᐊᖃᓪᓚᕆᒃᐳᒍᑦ ᐅᓲᑉ ᐴᖏᓐᓂ ᐊᑐᖅᑕᐅᑉᐸᑕ ᓯᖓᐃᓕᔾᔭᐃᒃᑯᑎᑐᐊᖑᙱᒻᒪᑕ ᓴᐳᑎᓯᒪᔪᓐᓇᖅᖢᓂ ᓯᖓᐃᓕᖅᑕᐃᓕᓂᕐᒧᓪᓗ ᐊᒻᒪ ᓄᓕᐊᕐᓂᒃᑯᑦ ᖁᐱᕆᔾᔭᐃᑯᑎᓄᑦ. ᐅᓲᑉ ᐴᖏᑦ ᐊᑭᖃᖏᑦᑐᒥᑦ ᐱᔭᐅᔪᓐᓴᖅᑐᖅ ᐋᓐᓂᐊᕐᕕᖕᒥᑦ ᐅᕝᕙᓘᓐᓃᑦ ᐅᖁᒪᐃᓐᓂᕐᓂᐊᕐᕕᖕᒥᑦ ᓄᓇᕗᓕᒫᒥᑦ.

ᓄᓇᕗᑦ ᐃᓄᖏᓐᓄᑦ ᐊᑭᖃᙱᑉᐳᑦ ᖃᓄᐃᑦᑐᕈᓘᔭᐃᑦ ᓯᖓᐃᔾᔭᐃᑯᑎᑦ ᐊᑭᓕᖅᑕᐅᕙᒃᖢᑎᒃ ᓇᓪᓕᐅᒃᑯᒫᓄᑦ ᐃᑲᔫᑎᓄᑦ. ᐅᖃᖃᑎᖃᕈᒪᒍᕕᑦ ᐃᓕᖕᓄᑦ ᐊᑲᐅᓂᖅᐹᒥᒃ ᐊᑐᕈᓐᓇᖅᑕᕐᓂᖅ ᐅᖃᓪᓚᖃᑎᖃᕆᐊᖅᑐᕆᑦ, ᐋᓐᓂᐊᕕᔅᓯᓐᓄᑦ. ᑐᓴᒃᑲᓐᓂᕈᒪᓐᓂᕈᕕᑦ ᐊᔾᔨᒌᙱᑦᑐᓂᒃ ᓯᖓᐃᔾᔭᑯᑎᓂᒃ, ᖃᕆᑕᐅᔭᒃᑯᑦ ᑕᑯᒋᐊᕈᓐᓇᖅᐳᑎᑦ ᐅᕗᙵᕐᓗᑎᑦ www.irespectmyself.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca