ᐅᖃᓚᐅᑎᓯᐅᑏᑦ

You are here

ᓄᓇᕐᔪᐊᕐᒥ ᑎᖑᒡᓗᖕᓇᕐᒧᑦ ᐅᓪᓗᖅ 2020

ᔪᓚᐃ 24, 2020

ᑭᒃᑯᓕᒫᓄᑦ ᑐᓴᒐᒃᓴᖅ

ᓄᓇᕐᔪᐊᕐᒥ ᑎᖑᒡᓗᖕᓇᕐᒧᑦ ᐅᓪᓗᖅ 2020

ᓄᓇᕐᔪᐊᓕᒫᒥᑦ ᑎᖑᒡᓗᖕᓂᕐᒧᑦ ᐅᓪᓗᖅ ᐊᕐᕌᒍᑕᒫᖅ ᐅᖃᐅᓯᐅᕙᒃᑐᖅ ᔫᓚᐃ 28−ᒃᑯᑦ ᐅᔾᔨᖅᓴᑦᑎᐊᒃᑲᓐᓂᖁᔨᓂᕐᒧᑦ ᖃᓂᒻᒪᒍᑕᐅᕙᒃᑐᖅ. ᐊᕐᕌᒎᔪᒥᑦ, ᓄᓇᕐᔪᐊᓕᒫᒥᑦ ᐱᓇᓱᓪᓚᕆᒃᑐᑦ ᐃᓱᓕᑦᑎᓂᕐᒥᑦ ᑎᖑᒡᓗᖕᓂᖅ ᖃᐅᔨᓗᒋᑦ ᑭᑰᓂᖏᑦ ᒥᓕᐊᓐᔅᓃᑦᑐᑦ ᐋᓐᓂᐊᖃᕐᑐᑦ ᖃᐅᔨᒪᖏᖢᑎᒃ. ᓄᕙᒡᔪᐊᕐᓇᖅ−19 ᐊᒥᓱᓄᑦ ᖃᓂᒻᒪᓐᓇᐅᔪᖅ ᓇᓗᓇᐃᔭᐃᓯᒪᔪᑦ ᐱᒻᒪᕆᐅᓂᖓ ᐱᓕᕆᖃᑎᒌᖕᓂᖅ ᐱᒧᓐᓃᖅᑎᑦᑎᓂᕐᒧᑦ ᐊᐃᑦᑐᕐᓗᑎᑦᑎᓂ ᑖᔅᓱᒧᖓ ᖃᓕᒻᒪᒍᑕᐅᖃᑦᑕᕐᑐᒧᑦ. ᑐᓴᒪᒃᑲᓐᓂᕈᒪᒍᕕᑦ ᓄᓇᕐᔪᐊᓕᒫᒥᑦ ᑎᖑᒡᓗᖕᓂᕐᒧᑦ ᐅᓪᓗᖅ, ᖃᐅᔨᒋᐊᕈᓐᓇᖅᐳᑎᑦ ᐅᕗᖓhttps://www.catie.ca/en/whd

ᑎᖑᒡᓗᒃᑐᑦ ᐳᕕᓕᕈᑕᐅᕙᒃᑐᖅ ᑎᖑᒃᑯᑦ ᐊᒻᒪᓗ, ᑲᒪᒋᔭᐅᑲᐅᑦᑐᖏᑉᐸᑦ, ᐱᐅᔪᓐᓃᖅᑎᑦᑎᔪᓐᓇᖅᐳᖅ ᐋᓐᓂᐊᖃᕐᑕᐃᓕᔾᔪᑏᑦ ᑎᖑᖕᒧᑦ. ᖃᐅᔨᔾᔪᑕᐅᔪᓐᓇᖅᑐᑦ ᑎᖑᒡᓗᒃᑐᓄᑦ ᐅᔾᔨᕆᔭᐅᙱᓴᐃᓐᓇᕈᓐᓇᖅᑐᑦ ᑭᓯᐊᓂ ᐃᒪᐃᑦᑐᓐᓇᖅᑐᑦ:

  • ᑕᖃᖓᓗᑎᒃ, ᓄᑭᑭᓪᓗᑎᒃ.
  • ᑳᑲᑕᙱᓪᓗᑎᒃ, ᓂᕐᕆᕐᓗᓕᕐᓗᑎᒃ.
  • ᖁᖅᓱᖅᑎᓪᓗᑎᒃ ᐅᕕᓂᖏᑦ ᐃᔨᖏᓪᓘᓐᓃᑦ.
  • ᐅᕕᓂᕐᓗᓕᕐᓗᑎᒃ.
  • ᐃᑎᕈᖏᑦ ᖁᖅᓱᕐᔪᐊᓕᓗᕐᑎᒃ.
  • ᐆᓇᑲᑕᒡᓗᑎᒃ/ᐆᑎᓐᓇᑲᑕᒡᓗᑎᒃ.

ᑎᑎᖑᒡᓗᖕᒪᖔᑦ ᖃᐅᔨᓴᖅᑕᐅᓲᑦ ᐊᐅᖏᖅᑕᐅᓪᓗᑎᒃ ᐋᓐᓂᐊᕕᖕᓂ. ᑲᐴᑎᑕᖃᖅᑐᖅ ᑎᖑᒡᓗᖕᓇᖅ B−ᒧᑦ ᐊᒻᒪ ᓄᓇᕗᒻᒥᐅᑦ ᑎᓕᐅᖅᑕᐅᕗᑦ ᕿᒥᕐᕈᖁᔭᐅᓪᓗᑎᒃ ᑲᐱᔭᐅᓂᕆᖃᑦᑕᖅᑕᖏᑦ ᖃᓄᐃᓕᖓᖕᒪᖔᑕ ᐃᓗᐊᖅᓴᐃᔨᒋᔭᖅ ᖃᐅᔨᖃᑎᒋᓗᒍ ᓄᓇᖏᓐᓂᒃ ᑲᐱᔭᐅᒋᐊᖃᕐᓂᓕᒫᖏᓪᓗ ᓈᒻᒪᒃᑐᒦᑎᑦᑕᐃᓐᓇᕆᓗᒋᑦ.

ᑎᖑᒡᓗᖕᓇᖅ B ᐊᒻᒪ C ᐊᔾᔨᒌᙱᒃᑲᓗᐊᖅᑎᓪᓗᒋᒃ ᐋᓐᓂᐊᕆᔭᐅᓲᓂᒃ ᐊᐃᑦᑐᕐᓘᑕᐅᔪᓐᓇᖅᐳᑦ ᐊᔾᔨᒌᐸᓗᒃᑯᑦ ᐃᒪᐃᓕᐅᕐᓂᒃᑯᑦ:

  • ᓴᐳᔾᔨᔾᔪᑎᒃᓴᓂᒃ ᐊᑐᙱᖦᖢᓂ ᖃᓂᒃᑯᑦ, ᐃᑎᒃᑯᑦ, ᐅᕝᕙᓘᓐᓃᑦ ᐅᑦᑐᒃᑯᑦ ᓄᓕᐊᕐᓂᒃᑯᑦ;
  • ᐋᖓᔮᕐᓇᖅᑐᓂᒃ ᐊᑐᖅᑕᐅᓲᓂᒃ ᐊᑐᖃᑎᖃᕐᓂᒃᑯᑦ;
  • ᓴᓗᒻᒪᖅᓴᖅᓯᒪᙱᑦᑐᓂᒃ ᑲᑭᓂᓕᖅᓱᖅᑕᐅᔪᓄᑦ ᐅᕝᕙᓘᓐᓃᑦ ᑎᒥᖏᑦᑎᒍᑦ ᐳᑐᔭᐅᔾᔪᑎᓄᑦ;
  • ᐊᐅᖕᒥᑦ ᐊᐅᖕᒧᑦ ᐊᒃᑐᖃᑦᑕᐅᑎᓂᖅ;
  • ᐃᒡᓗᒥᐅᖃᑎᒌᑦ:
  • ᐃᕐᓂᐊᖑᑎᓪᓗᒋᑦ.

ᐊᓯᖏᑦ ᐱᔪᓐᓃᖏᔾᔫᒥᔾᔪᑕᐅᔪᓐᓇᕐᑐᑦ ᑎᖑᒡᓗᖕᓂᕐᒧᑦ ᐊᒻᒪᓗ ᐊᓯᖏᑦ ᓄᓕᕇᖕᓂᕐᒧᑦ ᐊᐃᑦᑐᕐᓗᒃᑕᐅᓲᑦ ᐱᖃᓯᐅᑎᓗᒋᑦ:

  • ᐅᓲᑉ ᐴᖏᓐᓂᒃ ᐊᑐᖅᐸᒡᓗᓯ ᐅᕝᕙᓘᓐᓃᑦ ᓴᐳᔾᔨᔾᔪᑎᓂᒃ. ᐅᓲᑉ ᐴᖏᑦ ᐊᒻᒪ ᐱᐊᒃᓯᓕᕈᑏᑦ ᐊᑭᖃᙱᖦᖢᑎᒃ ᐱᔭᒃᓴᐅᔪᑦ ᐋᓐᓂᐊᕕᖕᓂᑦ ᐊᓯᖏᓐᓂᒡᓗ ᓄᓇᓕᖕᓂ ᐱᑖᕐᕕᖕᓂᑦ ᓄᓇᕗᒻᒥ.
  • ᖃᐅᔨᓴᖅᑕᐅᒐᔪᒡᓗᓯ ᓄᓕᐊᕐᓂᒃᑯᑦ ᖁᐱᕐᕆᓯᒪᙱᒃᑲᓗᐊᕐᒪᖔᑦ ᓄᓕᐊᖃᑎᖃᕆᐊᓚᐅᙱᓐᓂᔅᓯᓐᓂᒃ ᐊᐃᑉᐸᖅᑖᓵᔅᓯᓐᓂᒃ(ᑦ). ᖃᐅᔨᓴᖅᑕᐅᕙᒡᓗᓯ ᐃᕝᕕᓪᓘᓐᓃᑦ ᐊᐃᑉᐸᐃᓪᓘᓐᓃᑦ(ᐸᑎᓪᓘᓐᓃᑦ) ᓄᓕᐊᑲᑕᒃᑳᖓᔅᓯ ᐊᓯᔅᓯᓐᓂᒃ. ᖃᐅᔨᓴᖅᑕᐅᕙᒡᓗᓯ ᐅᓲᑉ ᐴᖓᓂ ᐊᑐᓚᐅᕋᓗᐊᕈᔅᓯ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᙵᐅᓗᑎᑦ https://www.irespectmyself.ca/iu.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca