ᐅᖃᓚᐅᑎᓯᐅᑏᑦ

You are here

ᓄᓇᕐᔪᐊᕐᒥᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐅᓪᓗᖓ

ᓯᑎᐱᕆ 03, 2014

ᑭᒃᑯᓕᒫᓄᑦ ᑐᓴᒐᒃᓴᖅ

ᓄᓇᕐᔪᐊᕐᒥᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐅᓪᓗᖓ

ᐱᒋᐊᕐᓗᓂ: ᓯᑎᐱᕆ 2, 2014

ᐃᓱᓕᓪᓗᓂ: ᓯᑎᐱᕆ 10, 2014

ᐃᖃᓗᐃᑦ, ᓄᓇᕗᑦ 45 ᑎᑦᑕᑯᓗᐃᑦ

ᓄᓇᕐᔪᐊᕐᒥᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐅᓪᓗᕆᓛᖅᑕᖓ ᓯᑎᐱᕆ 10ᒥ. ᓄᓇᕗᒻᒥᐅᑕᐅᔪᑦ ᑐᙵᓱᑎᑕᐅᕗᑦ ᐃᓚᐅᖃᑕᐅᓗᑎ ᑐᒃᑲᕆᐊᓕᒃᑯᑦ ᑲᐃᕙᑦᑎᓗᑎ ᓄᓇᕐᔪᐊᕐᒥᑦ ᑐᒃᑲᕆᐊᓕᓪᓗᑎ ᓲᕐᓗ ᑕᓪᓗᕈᑎᐅᑉ ᑕᑭᑎᒋᔭᖓᓂ ᓄᓇᕘᒥ!

ᑐᕌᕆᔭᐅᓪᓗᓂ ᑎᑭᐅᑎᓗᑎ 2,700 ᑭᓛᒥᑐᓂ ᑕᓪᓗᕈᑎᐅᑉ ᑕᑭᓂᕆᔭᖓᓂ ᓄᓇᕗᒻᒥ - ᒥᑦᑎᒪᑕᓕᖕᒥᑦ ᑕᐃᑯᖓ ᐊᒪᓐᑦᓴᓐ ᐃᒪᖓᓄᑦ ᖁᕐᓗᖅᑑᖅ ᐱᖓᓐᓇᑉᐸᓯᐊᓂ. ᑕᒪᓐᓇ ᖃᓄᐃᓕᐅᕈᑕᐅᔪᖅ ᖃᐅᔨᔭᐅᕚᓪᓕᖁᓪᓗᒍ ᐱᒻᒪᕆᐅᓂᖓ "ᑲᓲᒪᖃᑎᒌᑦᑎᐊᕐᓂᖅ" ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ.

ᓄᓇᓕᓐᓂ ᑕᐱᕇᒃᑐᑦ ᐃᑲᔪᖃᑕᐅᔪᑦ ᐋᖅᑭᒃᓱᐃᓂᕐᒥᑦ ᑐᒃᑲᕆᐊᓕᒃᑯᑦ ᐃᖏᕐᕋᓂᐊᖅᑐᓂ ᐱᓱᖃᑎᒌᓂᐊᖅᑐᓂᓪᓗ ᓄᓇᕘᓕᒫᒥᑦ. ᐅᓪᓘᑉ ᐃᓱᐊᓂ, ᓄᓇᓕᓐᓂ ᓯᕗᓕᖅᑎᐅᔪᑦ ᓄᐊᑦᑎᓂᐊᖅᑐᑦ ᖃᔅᓯᓂ ᑭᓛᒥᑐᓂ ᐃᓄᐃᑦ ᑐᒃᑲᕆᐊᓕᓚᐅᕐᒪᖔᑦ, ᐃᖃᐃᓕᓴᐅᑎᓄᓪᓘᓐᓃᑦ ᑐᒃᑲᕆᐊᓕᒃᑯᑦ ᐅᕝᕙᓘᓐᓃᑦ ᓄᓇᓕᖏᓐᓂ ᐱᓱᑦᑎᓪᓗᒋᑦ.

ᓄᓇᕘᒥ ᐊᕕᑦᑐᖅᓯᒪᔪᓂ ᓄᓇᓕᐅᔪᑦ ᓵᓚᖃᖅᑐᑦ ᐃᓕᓴᕆᔭᐅᓂᐊᖅᑐᑦ ᓄᓇᕗᑦ ᒐᕙᒪᒃᑯᑦ ᕙᐃᔅᐳᒃ-ᖓᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᐃᑭᐊᖅᑭᕕᖓᓂ.

ᑐᒃᑲᕆᐊᓕᖕᓂᐊᖅᑐᑦ ᐊᑐᖁᔭᐅᖏᓐᓇᐅᔭᖅᑐᑦ ᑎᓯᔪᓂ ᓇᓴᕐᓂᒃ, ᐊᑦᑕᕐᓇᖅᑐᒦᑦᑕᐃᓕᒪᓗᑎᓗ ᑐᒃᑲᕆᐊᓕᑦᑎᓪᓗᒋᑦ ᓄᓇᕐᔪᐊᕐᒥᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐅᓪᓗᖓᓂ. ᐱᓱᒃᑏᑦ ᐱᓱᖁᔭᐅᔪᑦ ᐊᖅᑯᑎᐅᑉ ᑭᒡᓕᖓᒍᑦ ᓄᓇᒃᑰᕈᑎᓄᑦ ᓵᖓᓗᑎᑦ.

ᑐᑭᓯᒋᐊᕈᑎᒃᓴᓄᑦ, ᐋᓐᓂᐊᕕᓯ ᖃᐅᔨᒋᐊᕐᕕᒋᓗᒍ ᐅᕝᕙᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓄᑦ gov.nu.ca/health .

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐋᑐᕆ ᓕᒥᐅ ᑐᓴᒐᒃᓴᓕᕆᔨ ᓂᐅᕕᐊᒃᓴᓂᒡᓗ ᖃᐅᔨᓴᖅᑎ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

867-975-5949

alemieux@gov.nu.ca