ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐊᐅᓪᓚᕈᑎᑦ ᓄᓇᑦᓯᐊᕐᒧᑦ ᐋᖅᑭᒋᐊᖅᑕᐅᓂᖏᑦ

ᔫᓂ 10, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᐊᐅᓪᓚᕈᑎᑦ ᓄᓇᑦᓯᐊᕐᒧᑦ ᐋᖅᑭᒋᐊᖅᑕᐅᓂᖏᑦ

ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ ᒪᒃᐱᖅᓯᒃᑲᓐᓂᓕᖅᑐᖅ ᓄᓇᕗᒻᒥ ᐊᐅᓪᓚᕐᕕᐅᒐᔪᒃᑐᓂᒃ ᓄᓇᑦᑎᐊᒥ ᐅᓪᓗᒥ.

ᖃᖓᑕᓲᒃᑯᑦ ᓄᒃᑕᖅᑎᓕᒫᑦ ᓄᓇᕗᒻᒧᑦ ᓄᓇᑦᑎᐊᒥᙶᖅᑐᑦ, ᓄᓇᑦᑎᐊᒥ ᐅᕝᕙᓘᓐᓃᑦ ᓄᓇᕗᒻᒥ ᐱᓇᓱᐊᕈᓰᒃ ᒪᕐᕉᒃ ᐊᓂᒍᖅᑑᖕᓂᒃ, ᓄᓇᕗᓕᐊᕈᓐᓇᖅᓯᔪᑦ ᐅᓪᓗᓄᑦ 14−ᓄᑦ ᐊᓂᑦᑕᐃᓕᙱᒃᑲᓗᐊᕐᓗᑎᒃ.

  • ᖃᖓᑕᓲᒃᑯᑦ ᐊᐅᓪᓚᖅᑎᑦ ᓄᓇᑦᓯᐊᕐᒦᑉᐸᒌᖅᑐᑦ ᒫᓐᓇ ᐊᓂᑦᑕᐃᓕᕕᖕᒦᑦᑐᑦ ᓄᓇᕗᒻᒧᑦ ᐊᐅᓪᓚᕐᕕᒃᓴᖓᑕ ᑐᖔᓂ ᐅᑎᕈᒪᔪᑦ, ᑖᔅᓱᒥᖓ ᐊᐅᓚᕐᕕᐅᔪᓐᓇᖅᑐᓄᑦ ᐊᐅᓪᓚᖅᓯᒪᓂᕐᒧᑦ ᓇᓗᓇᐃᖅᓯᔾᔪᑎ ᑕᑕᑎᕆᐊᓕᖕᒥᒃ ᐊᐅᓪᓚᖅᑎᑦᑎᒋᐊᖃᖅᐳᑦ ᐅᕗᖓ cphotravelrequests@gov.nu.ca. ᒪᑐᐊᖅᓯᒪᒋᐊᖃᕐᒥᔪᑦ ᐃᓄᒋᐊᒃᑐᒃᑯᕕᖕᓂ ᖃᐅᔨᒪᓇᓱᖁᔭᐅᕗᓪᓗ ᐃᓅᖃᑎᒥᓂᒃ ᐅᖓᓯᒌᒋᐊᖃᕐᓂᕐᒥᒃ ᐊᖏᕐᕋᒥᓄᑦ ᐅᑎᕋᓱᖕᓂᓕᒫᖏᓐᓄᑦ.
  • ᖃᖓᑕᓲᒃᑯᑦ ᓄᒃᑕᖅᑏᑦ ᓄᓇᕗᒥᙶᖅᑐᑦ ᓄᓇᑦᓯᐊᓕᐊᕐᓗᑎᒃ ᒪᓕᒋᐊᖃᖅᐳᑦ ᓄᓇᑦᓯᐊᕐᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᒪᓕᒋᐊᖃᖅᑎᑕᖏᓐᓄᑦ ᐊᒻᒪ ᐊᓂᑦᑕᐃᓕᒋᐊᖃᖅᐸᑕ ᐊᓂᑦᑕᐃᓕᕙᒡᓗᑎᒃ. ᑐᑭᓯᒃᑲᓐᓂᕈᒪᒍᔅᓯ, ᖃᐅᔨᒋᐊᕐᕕᒋᓗᒋᑦ ᓴᐳᔾᔨᔨᑦ ᓄᓇᑦᓯᐊᕐᒥ.
  • ᓄᓇᕗᒥᐅᑦ ᓄᓇᑦᓯᐊᕐᒧᐊᖅᑐᑦ ᑕᐃᑯᖓ ᓄᓇᑖᕆᐊᖅᑐᕐᓗᑎᑦ ᐱᔾᔪᑎᖃᖅᑐᑦ, ᐃᖅᑲᓇᐃᔭᕆᐊᕐᓗᑎᑦ, ᐃᓕᓐᓂᐊᕆᐊᕐᓗᑎᑦ ᐅᕝᕙᓘᓐᓃᑦ ᐃᓚᓕᐊᕐᓗᑎᑦ ᐊᒻᒪ ᓄᓇᕗᒻᒧ ᐅᑎᕈᒪᓛᖅᐸᑕ ᑖᔅᓱᒥᖓ ᐊᐅᓪᓚᕐᕕᐅᔪᓐᓇᖅᑐᓄᑦ ᐊᐅᓪᓚᖅᑐᓄᑦ ᓇᓗᓇᐃᖅᓯᔾᔪᑎ ᑕᑕᑎᕆᐊᓕᖕᒥᑦ ᐅᕗᖓᓗ ᐊᐅᓪᓚᖅᑎᓪᓗᒍ cphotravelrequests@gov.nu.ca.
  • ᓄᓇᕗᒥᐅᑦ ᓄᓇᑦᓯᐊᕐᒦᑉᐸᒌᖅᑐᑦ, ᓄᓇᑦᓯᐊᕐᒦᖏᓐᓇᕈᒪᔪᑦ ᖃᖓᑕᓲᒃᑯᑦ ᓄᒃᑕᖃᑕᐅᓂᓕᒫᖏᓐᓂᒃ, ᒪᓕᒋᐊᖃᕐᓂᐊᖅᐳᑦ ᓄᓇᑦᓯᐊᕐᒥ ᒐᕙᒪᒃᑯᓐᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑎᓕᓯᔾᔪᑕᐅᔪᓄᑦ. ᑐᑭᓯᒋᐊᒃᑲᓂᕈᒪᔪᑦ ᖃᐅᔨᒋᐊᕐᕕᖃᕈᓐᓇᖅᑐᑦ ᓴᐳᑎᓗᒍ ᓄᓇᑦᓯᐊᖅ ᐅᕗᖓ 8-1-1 ᐅᕝᕙᓘᓐᓃᑦ 1-833-378-8297.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca