ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥᐅᑦ ᖁᕕᐊᓲᑎᖃᖅᐳᑦ ᐊᓈᓇᒥᖕᓂᒃ ᐊᒫᒪᓲᑦ ᐱᓇᓱᐊᕈᓯᐊᓂ

ᐊᒃᑐᐸ 01, 2019

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥᐅᑦ ᖁᕕᐊᓲᑎᖃᖅᐳᑦ ᐊᓈᓇᒥᖕᓂᒃ ᐊᒫᒪᓲᑦ ᐱᓇᓱᐊᕈᓯᐊᓂ

ᓄᓇᕗᒻᒥ ᖁᕕᐊᓲᑎᖃᕐᓂᐊᕐᒪᑕ ᓄᓇᕐᔪᐊᒥ ᐊᓈᓇᒥᖕᓂᒃ ᐊᒫᒪᓲᓂᒃ ᐅᑐᐱᕆ ᐱᒋᐊᓕᓵᖅᑎᓪᓗᒍ ᐱᓇᓱᐊᕈᓯᖃᕐᓂᐊᖅᖢᓂ. ᓄᓇᕐᔪᐊᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᒥᖁᑖ ᐊᒻᒪ ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᑦ ᐃᓕᖅᑯᓯᖃᖁᔨᒐᓗᐊᖅᐳᑦ ᓄᑕᕋᓛᑦ ᐊᓈᓇᒥᖕᓂᒃ ᐊᒫᒪᒃᐸᒡᓗᑎᒃ ᓯᕗᓪᓖᑦ ᐱᓇᓱᐊᕈᓰᑦ ᐊᕐᕕᓂᓕᖕᓂᑦ.

ᐊᓈᓇᒥᖔᖅᑐᖅ ᐃᒻᒧᒃ:

  • ᑎᒥᒧᑦ ᐋᓐᓂᐊᖃᕐᓇᙱᓛᖑᕗᖅ ᐱᕈᖅᐸᓪᓕᐊᑦᑎᐊᕐᓇᓛᖑᓪᓗᓂᓗ.
  • ᓴᐳᔾᔨᔪᓐᓇᖅᐳᑦ ᓯᐅᓯᕆᕙᒃᑐᓂᑦ, ᐳᕙᒃᑯᑦ ᓄᕙᒡᔪᐊᓕᖅᐸᒃᑐᓂᑦ, ᐳᕙᒃᑯᑦ ᐃᒻᒪᒃᓯᒪᓕᖅᐸᒃᑐᓂᑦ, ᐊᕿᑦᑐᖅᓱᖅᐸᒃᑐᓂᑦ ᐊᒻᒪ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᓂᑦ.
  • ᐊᑭᑭᓐᓂᖅᓴᐅᕗᖅ ᐊᒻᒪ ᐃᖢᐊᕐᓂᖅᓴᐅᓪᓗᓂ.

ᓄᑕᕋᓛᒥᒃ ᐊᒫᒪᒃᑎᑦᑎᖃᑦᑕᕐᓂᖅ ᐊᔪᕈᓐᓃᖅᑕᐅᓲᖑᔪᖅ ᐊᔪᕐᓇᖅᓯᕙᒃᑲᓗᐊᖅᖢᓂ. ᑕᒪᑦᑕ ᐃᓚᒋᔭᐅᖃᑕᐅᔪᓐᓇᖅᑐᒍᑦ ᐊᓈᓇᐅᔪᑦ ᓄᑕᕋᓛᒥᓂᒃ ᐊᒫᒪᒃᑎᑦᑎᖃᑦᑕᖅᑎᓪᓗᒋᑦ. ᐃᖢᐊᖅᓴᐃᔩᑦ, ᐃᕐᓂᓱᒃᓰᔩᑦ, ᑲᓇᑕᒥ ᓄᑕᕋᒃᓴᓕᖕᓄᑦ ᓂᕿᑦᑎᐊᕙᓕᕆᔩᑦ ᐊᒻᒪ ᐊᓈᓇᐅᖃᑕᐅᔪᑦ ᓄᑕᕋᒥᖕᓂᒃ ᐊᒫᒪᒃᑎᑦᑎᓲᑦ ᐃᑲᔪᕈᓐᓇᖅᐳᑦ. ᖃᑕᙳᑎᒋᔭᐅᔪᑦ ᐃᑲᔪᖅᓯᕈᓐᓇᕐᒥᔪᑦ ᐊᒫᒪᒃᑎᑦᑎᔪᓂᒃ ᐱᔨᑦᑎᕋᖃᑦᑕᕐᓂᒃᑯᑦ ᐅᕝᕙᓘᓃᑦ ᓂᕿᑦᑎᐊᕙᖕᓂᒃ ᐊᑐᐃᓐᓇᐅᑎᑦᑎᓗᑎᒃ ᐅᕝᕙᓘᓃᑦ ᖃᔪᖅᑐᖅᑎᑦᑎᕙᒡᓗᑎᒃ ᓇᑦᑎᐅᑉ ᐆᔪᖓᓂᒃ.

ᐅᑭᐅᖑᔪᖅ, ᑲᓇᑕᒥ ᓄᑕᕋᒃᓴᓕᖕᓄᑦ ᓂᕿᑦᑎᐊᕙᓕᕆᔩᑦ ᓄᓇᕗᒻᒥ ᓄᓇᓖᓪᓗ ᓇᓂᑐᐃᓐᓇᖅ ᑲᓇᑕᒥ ᖁᕕᐊᓲᑎᖃᕐᒪᑕ ᓄᓇᕐᔪᐊᒥ ᐊᓈᓇᒥᖕᓂᒃ ᐊᒫᒪᒃᑎᑦᑎᕙᒃᑐᑦ ᐱᓇᓱᐊᕈᓯᐊᓂ ᐱᒡᒍᓴᐅᔾᔪᐊᖅᑎᑦᑎᓂᒃᑯᑦ. ᐱᒡᒍᓴᐅᔾᔪᐊᖅᑎᑦᑎᓕᖅᐸᑕ ᐊᓈᓇᐅᔪᑦ ᐅᓄᕐᓂᖅᐹᖑᔪᓐᓇᖅᑐᑦ, ᐊᒫᒪᒃᑎᑦᑎᖁᔭᐅᕗᑦ ᐊᑕᐅᑎᒃᑯᑦ ᐊᑕᐅᓯᕐᒦᓪᓗᑎᒃ.

ᑕᒪᕐᒥᑦᑎᐊᖅ ᓄᓇᓖᑦ ᑎᓕᐅᖅᑕᐅᕗᑦ ᐃᓚᐅᖁᔭᐅᓪᓗᑎᒃ ᑕᒪᑐᒧᖓ. ᑲᓇᑕᒥ ᓄᑕᕋᒃᓴᓕᖕᓄᑦ ᓂᕿᑦᑎᐊᕙᓕᕆᔩᑦ ᖃᖓ ᐱᒡᒍᓴᐅᔾᔪᐊᖅᑎᑦᑎᓂᐊᕐᒪᖔᑦ ᑐᑭᓯᒋᐊᕐᕕᐅᔪᓐᓇᖅᐳᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
AGriffin@gov.nu.ca