You are here

ᓄᓇᕗᑦ ᒐᕙᒪᒃᑯᖏᑦ ᐅᐸᓗᖓᐃᔭᖅᐸᓪᓕᐊᔪᑦ ᐋᓐᓂᐊᕖᑦ ᐃᓚᖏᑦ ᒪᑐᓯᒪᑐᐃᓐᓇᕆᐊᖃᕐᓂᖏᓐᓄᑦ ᕿᑲᕐᓇᐅᓂᖓᓂ

ᑎᓯᐱᕆ 02, 2022

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᑦ
ᓄᓇᕗᑦ ᒐᕙᒪᒃᑯᖏᑦ ᐅᐸᓗᖓᐃᔭᖅᐸᓪᓕᐊᔪᑦ ᐋᓐᓂᐊᕖᑦ ᐃᓚᖏᑦ ᒪᑐᓯᒪᑐᐃᓐᓇᕆᐊᖃᕐᓂᖏᓐᓄᑦ ᕿᑲᕐᓇᐅᓂᖓᓂ

ᓄᓇᕗᒻᒥᑦ ᓄᓇᓖᑦ ᐃᓚᖏᑦ ᓂᕆᐅᖁᔭᐅᕗᑦ ᐋᓐᓂᐊᕕᖏᑦ ᒪᑐᓯᒪᓚᐅᑲᖕᓂᐊᕐᒪᑕ ᐅᕝᕙᓘᓐᓃᑦ ᐱᔨᑦᑎᕋᖅᑕᐅᔾᔪᑎᑦ ᐃᓚᖏᑦ ᑲᑦᑐᕆᐊᖅᑕᐅᓯᒪᓂᐊᕐᒪᑕ ᕿᑲᕐᓇᐅᓂᖓᓂ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᖃᑎᖃᖅᐳᑦ ᒐᕙᒪᒃᑯᓐᓂ ᐊᒻᒪᓗ ᓄᓇᕗᒻᒥ ᐱᓕᕆᖃᑎᒌᓂᑦ ᓄᓇᕗᒻᒥᐅᑦ ᐋᓐᓂᐊᕕᖕᒥᑦ ᐱᔨᑦᑎᕋᖅᑕᐅᔾᔪᑎᓂᒃ ᐊᑐᐃᓐᓇᐅᖁᓪᓗᒋᑦ ᐃᖅᑲᓇᐃᔭᖅᑎᑭᒃᓴᕐᓂᕐᓗ ᑲᒪᒋᔭᐅᓗᑎᒃ.

ᒫᓐᓇᐅᔪᖅ ᓂᕆᐅᒋᔭᐅᔪᓂ ᑖᒃᑯᓇᓂ ᒪᑐᓯᒪᓚᐅᑲᒋᐊᓖᑦ 7−ᖑᔪᑦ ᐱᖓᓲᔪᕐᑐᖅ ᓄᓇᓕᖕᓂ:

ᓄᓇᓕᒃ ᐱᒋᐊᕐᕕᐊ ᐃᓱᐊ
ᐃᒃᐱᐊᕐᔪᒃ 4-ᔮᓐᓄᐊᓕ-23 10-ᔮᓐᓄᐊᓕ-23
ᐃᒡᓗᓕᒃ 20-ᔮᓐᓄᐊᓕ-23 ᕕᕝᕗᐊᕆ 28, 2023
ᑭᙵᐃᑦ 25-ᔮᓐᓄᐊᓕ-23 ᕕᕝᕗᐊᕆ 28, 2023
ᒥᑦᑎᒪᑕᓕᒃ 9-ᔮᓐᓄᐊᓕ-23 30-ᔮᓐᓄᐊᓕ-23
ᖃᐅᓱᐃᑦᑐᖅ 1-ᔮᓐᓄᐊᓕ-23 6-ᔮᓐᓄᐊᓕ-23
ᖃᐅᓱᐃᑦᑐᖅ 12-ᔮᓐᓄᐊᓕ-23 28-ᔮᓐᓄᐊᓕ-23

ᒪᑐᓯᒪᖃᑦᑕᕐᓃᑦ ᐱᔾᔪᑎᖃᖅᑎᑕᐅᓂᐊᖅᐳᑦ ᐊᔪᕐᓇᖅᑐᖅᓯᐅᖃᑦᑕᕐᓂᖏᓐᓂᒃ  ᐃᓇᖏᖅᑎᒃᓴᓂᒃ ᑲᓇᑕᓕᒫᒥ ᐃᓗᐊᖅᓴᐃᔨᑭᒃᓴᕐᓂᖏᓐᓄᑦ.  ᑭᐅᔾᔪᑕᐅᓪᓗᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᓗᖓᐃᔭᖅᓯᒪᔾᔪᑎᒥᑦ ᐋᖅᑭᒃᓱᐃᓯᒪᔪᑦ ᐸᕐᓇᐅᑎᒥᑦ ᑲᔪᓯᔪᓐᓇᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ ᐊᒃᑐᖅᑕᐅᔪᓂᑦ ᓄᓇᓕᖕᓂᑦ ᑖᒃᑯᐊ ᐊᒃᓱᕈᒻᒪᕆᒡᓗᑎᑦ ᐃᖅᑲᓇᐃᔭᖅᑎᒃᓴᐅᔪᓂᑦ ᕿᓃᓐᓇᖅᑎᓪᓗᒋᑦ ᐱᓕᕆᔪᒃᓴᓂᒃ.

ᓄᓇᓕᖕᓂᑦ ᑖᒃᑯᓂᖓ ᐋᓐᓂᐊᕐᕕᖏᑦ ᒪᑐᓯᒪᔭᐅᓂᐊᖅᑐᓂᑦ ᐅᕝᕙᓘᓐᓃᑦ ᐃᓚᐃᓐᓇᖏᓐᓂᑦ ᐱᔨᑦᑎᖅᑕᐅᓂᐊᖅᑐᓂᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖅᑎᑦᑎᓂᐊᖅᑐᑦ ᐃᑭᐊᖅᑭᕕᒃᑰᖓᓗᒋᑦ ᑕᑯᔭᐅᔪᑦ, ᐊᐅᓪᓚᖅᑎᑕᐅᓗᑎᑦ ᐊᒻᒪᓗ ᑖᒃᑯᓄᖓ ᑐᐊᕕᕐᓇᖅᑐᓕᕆᔨᓄᑦ ᐱᔨᑦᑎᕈᑕᐅᕙᒃᑐᓂᑦ ᑖᒃᑯᐊ ᐃᑲᔪᖅᑕᐅᔪᓐᓇᖁᓪᓗᒋᑦ ᐃᑲᔪᖅᑕᐅᔭᕆᐊᓖᑦ. ᐋᓐᓂᐊᕕᖏᓐᓄᑦ ᓱᓕ ᐅᖄᓚᖃᑦᑕᕐᓂᐊᖅᑐᑦ ᐊᒻᒪᓗ ᑐᕌᖅᑎᑕᐅᖃᑦᑕᕐᓗᑎᑦ ᐃᑭᐊᖅᑭᕕᒃᑰᖓᔪᒧᑦ ᐱᔨᑦᑎᕋᐅᑎᒧᑦ ᑐᓂᔭᐅᖃᑦᑕᕐᓂᐊᖅᑐᑦ. ᐅᖄᓚᔪᑦ ᑐᕌᑲᐅᑎᒋᑐᐃᓐᓇᕆᐊᓖᑦ ᐊᓯᐊᓄᑦ ᓄᓇᓕᖕᓄᑦ, ᐊᒻᒪᓗ ᐅᖄᓚᔪᑦ ᐃᓕᓯᑦᑕᐃᓕᖁᔭᐅᔪᑦ ᐅᑕᖅᑭᑎᑕᐅᒐᓗᐊᖅᐸᑕ ᐊᓯᐊᓄᑦ ᑐᕌᖅᑎᑕᐅᓇᓱᖕᓂᖓᓄᑦ.

ᒪᑐᓯᒪᓚᐅᑲᒃᑎᓪᓗᒋᑦ, ᑐᐊᕕᕐᓇᖅᑐᓕᕆᔩᑦ ᓄᓇᓕᖕᓃᖃᑦᑕᓛᖅᑐᑦ ᑐᐊᕕᕐᓇᖅᑐᖃᓕᖅᐸᑦ ᐱᓕᕆᔨᐅᖃᑦᑕᓛᖅᑐᑦ, ᐅᕝᕙᓘᓐᓃᑦ ᐃᓅᓯᕐᒧᑦ ᐊᒃᓱᕈᕐᓇᖅᑐᒃᑰᖅᑐᓄᑦ ᑲᒪᒋᔭᐅᔾᔪᑎᓄᑦ. ᐃᖅᑲᓇᐃᔭᖅᑏᑦ ᐃᑲᔪᖃᑦᑕᖅᑐᑦ ᐊᑐᐃᓐᓇᐅᔪᑦ ᐅᖄᓚᐅᑎᒃᑯᑦ ᐱᔨᑦᑎᕋᐅᑎᓄᑦ ᑕᒪᒃᑯᓄᖓ ᐃᓅᓕᓴᐅᑎᓄᑦ ᐊᒻᒪᓗ ᐊᐅᓪᓚᕆᐊᓕᖕᓄᑦ ᐋᓐᓂᐊᕕᓕᐊᖅᑐᓄᑦ. ᐄᔭᒐᖅᑖᕆᐊᖃᕐᓂᐊᕈᕕᑦ, ᒪᑐᓚᐅᙱᓐᓂᖏᓐᓂᒃ ᐱᕙᒌᖁᔭᐅᕗᑎᑦ ᐄᔭᒐᖅᑖᕆᔭᕆᐊᓕᒃᑎᑦ ᑭᖑᕙᖅᑎᑕᐅᖁᓇᒋᑦ.
ᐃᓚᖏᑦ ᐱᔨᑦᑎᕋᖅᑕᐅᔾᔪᑏᑦ ᓄᖅᑲᖓᑎᑕᐅᔪᑦ ᒪᑐᔭᐅᓯᒪᔪᓪᓘᓐᓃᑦ ᐊᓯᔾᔨᕈᓐᓇᖅᑐᑦ ᐃᖅᑲᓇᐃᔭᖅᑎᑖᑐᐊᖅᐸᑕ. ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᖃᑦᑕᕐᓂᐊᖅᐳᖅ ᑕᒪᒃᑯᐊ ᒪᓂᒪᓕᕌᖓᑕ.   

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca