ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᓴᖅᑭᑎᑦᑎᕗᑦ ᓄᑕᒥᒃ ᐊᓐᓂᐊᕆᒃᑯᑎᒧᑦ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᒥᒃ

ᐊᒃᑐᐸ 12, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᒃᑯᑦ ᓴᖅᑭᑎᑦᑎᕗᑦ ᓄᑕᒥᒃ ᐊᓐᓂᐊᕆᒃᑯᑎᒧᑦ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᒥᒃ

ᓄᓇᕗᑦ (ᐅᑐᐱᕆ 12, 2021) –ᓄᓇᕗᑦ ᒐᕙᒪᒃᑯᑦ ᐊᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᓄᑕᒥᒃ ᐊᓐᓂᐊᕆᒃᑯᑎᒧᑦ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᒥᒃ ᐅᕝᕙᓘᓐᓃᑦ PVC, ᐊᑐᐃᓐᓇᐅᓕᖅᐳᖅ ᓄᓇᕗᒻᒥᐅᓄᑦ. ᑕᓐᓇ ᐊᓐᓂᐊᕆᒃᑯᑎᒧᑦ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᖅ ᓄᓇᕗᒻᒥᐅᓂᒃ ᒪᓕᑦᑎᐊᖅᑎᑦᑎᓂᐊᖅᐳᖅ

ᒐᕙᒪᑐᖃᒃᑯᓐᓂ ᓇᓗᓇᐃᒃᑯᑕᖃᕆᐊᖃᕐᓂᐊᓕᖅᑐᓂᒃ ᑲᐱᔭᐅᓯᒪᓂᕐᒧᑦ ᑲᓇᑕᒥ ᐊᐅᓪᓚᖃᑦᑕᖅᑐᓄᑦ ᐊᒻᒪᓗ ᐊᑐᕈᓐᓇᕐᓂᕐᒧᑦ ᐱᔭᕆᐊᖃᓪᓚᕆᙱᑦᑐᓄᑦ ᐱᔨᑦᑎᕋᐅᑎᓂᒃ ᐱᔪᓐᓇᕐᓂᖃᕐᕕᐅᔪᓂ ᓄᕙᒡᔪᐊᒡᓇᖅ-19−ᒥ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᖃᕆᐊᓕᖕᓂᑦ.

ᒫᓐᓇᐅᔪᖅ, ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᒥᒃ ᓇᓗᓇᐃᒃᑯᑕᖅ ᐃᓇᖐᙲᑦᑐᖅ ᑎᑎᖅᑲᖅᑖᖑᖃᑦᑕᖅᑐᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑎᑎᕋᕐᕕᐊᓂᖔᖅᑐᓂᒃ ᓄᓇᕗᒻᒧᑦ ᑎᑭᑦᑐᓐᓇᕐᓂᕋᐃᔪᓂᒃ.

ᐊᓐᓂᐊᕆᒃᑯᑎᒧᑦ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᖅ ᑎᑎᕋᖃᓯᐅᔾᔨᓯᒪᕗᖅ ᐃᓄᑉ ᐊᑎᖓᓂ, ᐃᓄᕝᕕᖓᓂ, ᑲᐱᔭᐅᔾᔪᑎᖓᑕ ᒥᒃᓴᓄᑦ ᑎᑎᕋᖅᓯᒪᔪᓂᒃ ᐅᑯᓂᖓᓗ ᑲᐱᔭᐅᕝᕕᒋᓚᐅᖅᑕᓕᒪᖏᑕ ᐅᓪᓗᖏᓐᓂᒃ, ᐊᒻᒪᓗ QR ᓇᓗᓇᐃᒃᑯᑕᖓ ᑲᐱᔭᐅᔾᔪᑎᒋᔭᖓᓄᑦ ᓇᓗᓇᐃᖅᓯᔾᔪᑕᐅᔪᓐᓇᖅᖢᓂ.

ᑖᓐᓇ ᓇᓗᓇᐃᒃᑯᑕᖅ ᐊᐃᔭᐅᔪᓐᓇᖅᑐᖅ ᐅᐸᒍᑎᓗᑎᒃ ᑭᓯᐊᓂ ᓄᓇᓕᖕᓂ ᐋᓐᓂᐊᕕᖕᓄᑦ, ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᖕᒧᑦ ᐊᒻᒪᓗ ᐃᖃᓗᐃᑦ ᐋᓐᓂᐊᕐᕕᐊᓗᐊᓄᑦ. ᐊᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᓐᓂᐊᕆᒃᑯᑎᒧᑦ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑕᖅᑕᖅᑎᑦᑎᑲᑕᓚᕐᒥᔪᑦ ᐅᓇᓕᒃᓴᔭᕋᓚᑦ ᑲᑎᕝᕕᐊᓂ ᐃᖃᓗᖕᓂ, ᐅᑐᐱᕆ 14 ᐊᒻᒪ 15-ᒥ 1:00−ᒥ ᐱᒋᐊᕐᓗᑎᒃ 7:00−ᒧᐊᕋᓱᖕᓂᖓᓄᑦ.

ᐊᓐᓂᐊᕐᕕᑦ ᐃᓄᒋᐊᒃᓯᓗᐊᖁᓇᒋᑦ, ᐅᖃᓚᖃᑦᑕᕐᓂᐊᖅᐳᓯ ᐊᓐᓂᐊᕐᕕᔅᓯᓐᓄᑦ, ᐅᖁᒪᐃᓐᓂᕐᓂᐊᕐᕕᖕᒧᑦ ᐃᖃᓗᖕᓂ ᐅᕝᕙᓗᓐᓂᑦ ᕿᑭᖅᑕᓂ ᐊᓐᓂᐊᕕᐊᓗᖕᒧᑦ ᐊᐃᒃᖠᕈᓐᓇᖅᓯᒍᕕᓪᓗ ᐅᖃᓚᕝᕕᐅᓂᐊᖅᐳᑎᑦ ᓇᓗᓇᐃᒃᑯᑕᕐᓂᑦ. ᓇᓗᓇᐃᒃᑯᑕᖅᑕᖅᑎᑕᐅᖃᑕᕐᓂᐊᕆᕗᑦ ᑐᒡᓕᐊᓂ ᑲᐱᔭᐅᔪᑦ ᐅᕝᕙᓗᓐᓂᑦ ᐊᓐᓂᐊᕆᒃᑯᑎᒃᑲᓐᓂᕐᒧᑦ ᓄᕙᒡᔪᐊᒡᓇᖅ-19 ᑲᐳᑎᒧᑦ.

ᐊᑐᖁᔭᐅᔪᕐᓕ ᑐᒃᓯᕋᖅᐸᒌᖅᐸᒡᓗᑎᑦ ᐋᓐᓂᐊᕇᒃᑯᑎᒧᑦ ᑲᐱᔭᐅᓯᒪᓂᕐᓂᒃ ᓇᓗᓇᐃᒃᑯᑕᒥ ᐊᐅᓪᓚᓚᐅᙱᓐᓂᕐᓂᒃ ᐅᓪᓗᓂᒃ ᖃᔅᓯᓂᒃ ᑐᖔᒍᑦ ᑐᒃᓯᕋᖅᐸᒌᕐᓗᑎᑦ. ᓄᓇᕗᒻᒥᐅᑦ

ᐃᖅᑲᐃᑎᑕᐅᒋᕗᑦ ᐊᐅᓪᓚᕐᓂᐊᕌᖓᒥᒃ ᐅᐸᖕᓂᐊᖅᑕᖏᑕ ᓯᐊᒻᒪᒃᑎᑦᑎᑦᑕᐃᓕᒪᓂᕐᒧᑦ ᐊᑐᐊᒐᕆᔭᖏᓐᓂᒃ ᐊᒻᒪᓗ ᑲᐱᔭᐅᓯᒪᔾᔪᑎᖏᑕ ᓇᓗᓇᐃᒃᑯᑕᖏᓐᓂᒃ ᐱᓯᒪᕙᒌᖅᐸᒡᓗᑎᒃ. ᓄᓇᕗᑦ ᒐᕙᒪᒃᑯᖏᑦ ᓱᓕ ᐱᔭᕆᐊᖃᓪᓚᕆᙱᑦᑐᓄᑦ ᐊᐅᓪᓚᖃᑦᑕᖁᔨᙱᑦᑑᒐᓗᐊᑦ.
ᑲᐱᔭᐅᔪᒪᔪᓄᑦ ᒪᑐᐃᖓᐃᓐᓇᕐᓂᐊᖅᐳᖅ ᓄᓇᕗᓕᒫᒥᑦ. ᐅᖃᓗᒡᕕᒋᓗᒍ ᐋᓐᓂᐊᕕᓯ ᐃᓂᒃᓴᓕᐅᕐᓗᑎᑦ ᐃᓯᑐᐃᓐᓇᕐᓗᑎᓪᓘᓐᓃᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓄᑦ ᐱᓇᓱᐊᕈᓯᑕᒫᑦ ᒫᑐᓇᒧᑦ (ᐅᑭᐅᓕᖕᓄᑦ 18 ᐅᖓᑖᓄᓪᓗ) ᐱᖓᔪᐊᒃᑯᓪᓗ ᕙᐃᓱ (ᐅᑭᐅᓕᖕᓄᑦ 12-ᓂᑦ 17-ᒧᑦ). ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓗᓂ ᐱᐅᓂᖅᐹᖑᕗᖅ ᐃᓕᖕᓂᑦ, ᐃᓚᖕᓂᑦ ᐊᒻᒪᓗ ᓄᓇᓕᖕᓂ ᓴᐳᔾᔨᓯᒪᓇᓱᒡᓗᑎᑦ.

ᑭᓇᑐᐃᓐᓇᖅ ᓄᕙᕐᔪᐊᕐᓇᖅ-19−ᒧᑦ ᖃᓂᒻᒪᒃᐸᓪᓕᐊᒃᐸᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᖃᐅᔨᓴᖅᑕᐅᓂᕐᒧᑦ ᐃᓂᒃᓴᓕᐅᖁᓪᓗᒋᑦ ᐅᕝᕙᓘᓐᓃᑦ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᐋᓐᓂᐊᕕᔅᓯᓐᓂᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ, ᐊᒻᒪᓗ ᐊᖏᕐᕋᓐᓂᒃ ᐃᓄᑑᔭᕆᐊᖃᓕᕐᓗᑎᑦ ᐅᓪᓗᓄᑦ 14−ᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca