ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᓄᖅᑲᖅᑎᑦᑎᕗᖅ ᑭᒃᑯᑐᐃᓐᓇᓄᒃ ᓄᒃᑕᕐᓂᕆᔭᐅᕙᒃᑐᒥᒃ ᓄᓇᑦᑎᐊᒧᑦ.

ᒪᐃ 03, 2021

ᐱᕙᓪᓕᐊᔪᑦ ᓴᖅᑭᑕᑦ

ᓄᓇᕗᑦ ᓄᖅᑲᖅᑎᑦᑎᕗᖅ ᑭᒃᑯᑐᐃᓐᓇᓄᒃ ᓄᒃᑕᕐᓂᕆᔭᐅᕙᒃᑐᒥᒃ ᓄᓇᑦᑎᐊᒧᑦ

ᐃᖃᓗᐃᑦ, ᓄᓇᕗᑦ (ᒪᐃ 3, 2021) −ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖓᑦ ᓘᒃᑖᖅ ᒪᐃᑯᓪ ᐹᑐᓴᓐ ᓄᖅᑲᖅᑎᑦᑎᓯᒪᓕᖅᐳᑦ ᓄᓇᕗᒻᒥᐅᑦ ᓄᒃᑕᕐᓂᕆᕙᒃᑕᖓᓂᒃ ᓄᓇᑦᑎᐊᒧᑦ (NWT−ᒧᑦ) ᑕᒪᓐᓇᓗ ᒫᓐᓇᑲᐅᑎᒋ ᐊᑐᓯᒋᐊᕐᓂᐊᖅᖢᓂ.

“ᒪᓕᒃᖢᙱᑦ ᓄᑖᑦ ᐅᖃᐅᓯᐅᓯᒪᔪᑦ ᑕᒪᑐᒧᖓ ᓄᕙᒡᔪᐊᖕᓇᖅ 19−ᒧᑦ ᖃᓄᐃᓕᖓᓂᕆᔭᐅᔪᒧᑦ ᔭᓗᓇᐃᕝ−ᒥ, ᐅᓪᓗᒥ ᐱᒋᐊᕐᓗᓂ, ᒪᑐᓯᓂᐊᖅᐳᒍᑦ ᐃᓂᒋᔭᑦᑎᓐᓂᒃ ᑕᒪᑐᒪᓂ ᑭᒃᑯᑐᐃᓐᓇᓄᑦ ᓄᒃᑕᕐᓂᕆᔭᐅᕙᒃᑐᒥ ᓄᓇᑦᑎᐊᒥᐅᓄᑦ ,” ᑕᐃᒪᓐᓇ ᓘᒃᑖᖅ ᐹᑐᓴᓐ ᐅᖃᖅᖢᓂ “ᑭᓇᑐᐃᓐᓇᑦᑎᐊᖅ ᓄᒃᑕᖅᑐᖅ ᓄᓇᕗᒻᒧᑦ ᓄᓇᑦᑎᐊᒥᑦ, ᐃᓚᒋᔭᐅᓗᑎᒃ ᐋᓐᓂᐊᕕᓕᐊᖅᖢᑎᒃ ᐊᐅᓪᓚᖅᐸᒃᑐᑦ, ᐅᐸᒃᑕᐅᑦᑕᐃᓕᒪᔭᕆᐊᖃᖅᐳᑦ ᐃᓂᑖᕆᑎᑕᐅᓯᒪᔪᒥ ᔭᓗᓇᐃᒥ ᐅᓪᓗᓄᑦ 14−ᓄᑦ ᐅᑎᓚᐅᙱᓐᓂᕐᒥᓂ ᐊᕕᒃᓯᒪᓂᕆᔭᒥᓄᑦ. ᑭᑭᑕᐅᔪᓐᓇᖅᑐᑦ ᑕᒪᑐᒧᖓ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᕐᒧᑦ ᐃᓚᒋᔭᐅᕗᑦ ᓄᒃᑕᖅᑐ ᐊᑕᐅᓯᑦᑕᐃᓐᓇᒥᒃ ᖃᖓᑦᑕᐅᑎᖃᖅᖢᑎᒃ ᔭᓗᓇᐃᒃᑰᕐᓂᐊᕐᓗᑎᒃ, ᐊᑐᖅᑕᐅᔭᕆᐊᖃᓪᓚᕆᒃᐸᒃᑐᑦ ᐃᖅᑲᓇᐃᔭᖅᑏᑦ ᐊᔪᖅᑎᑕᐅᙱᓐᓂᕐᒧᑦ ᓄᒃᑕᖅᑐᑦᑕᕐᓂᕐᒧᑦ ᑎᑎᖅᑲᖁᑎᖃᕐᓗᑎᒃ, ᑕᐃᒃᑯᐊᓘᓐᓃᑦ ᐊᔪᖅᑎᑕᐅᙱᑦᑐᑦ ᐃᓚᙵᕐᓂᕐᒧᑦ ᑭᑭᑕᐅᔪᓐᓇᖅᑐᑦ.

ᑕᒪᕐᒥᑦᑎᐊᖅ ᓄᒃᑕᖅᑐᑦ ᔭᓗᓇᐃᒥᑦ ᐊᐅᓪᓚᖅᑐᕕᓃᑦ ᓄᓇᕗᒧᙵᐅᓗᑎᒃ ᐊᐃᕐᕆᓕ 28−ᒥ ᐅᖓᑕᓂᓘᓐᓃᑦ, ᑖᓐᓇᓘᓐᓃᑦ ᐊᓂᒍᖅᓯᒪᓕᖅᑎᓪᓗᒍ ᐅᐸᒃᑕᐅᑦᑕᐃᓕᒪᓯᑲᐅᑎᒋᔭᕆᐊᖃᖅᐳᑦᐅᓪᓗᓄᑦ 14−ᓄᑦ ᐅᓪᓗᐊᓂᑦ ᐊᖏᕐᕋᒥᓄᑦ ᐅᑎᕐᕕᒋᓚᐅᖅᑕᒥᓂ.

ᒪᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑎᑦᑎᓂᕐᒧᑦ ᑎᓕᓯᔾᔪᑕᐅᓯᒪᔪᑦ, ᐊᑕᐅᓯᕐᒥᒃ ᓄᒃᑕᖅᑎᒥᒃ ᐅᐸᒃᑕᐅᑦᑕᕐᓕᒪᔭᕆᐊᖃᖅᑐᖃᖅᐸᑦ, ᑕᒪᕐᒥᑦᑎᐊᖅ ᐃᓚᒋᔭᐅᔪᑦ ᑕᐃᑲᓂ ᐃᒡᓗᒥᐅᑕᐅᖃᑎᒌᓂᑦᑕᐅᒃ ᐅᐸᒃᑕᐅᑦᑕᐃᓕᒪᔭᕆᐊᖃᕆᕗᑦ. ᑕᒪᓐᓇ ᐃᓚᖃᖅᐳᖅ ᐃᒡᓗᒥᐅᑕᐅᖃᑎᒌᓂᒃ ᑭᑭᑕᐅᓯᒪᔪᖃᖅᑐᑦ ᐊᑐᖅᑕᐅᔭᕆᐊᖃᒻᒪᕆᒃᑐᒥᒃ ᐃᖅᑲᓇᐃᔭᖅᑎᒥᒃ ᑕᐃᒃᑯᐊᓘᓐᓃᑦ ᐱᖃᑎᖃᖅᑐᑦ ᐃᓄᖕᒥᒃ ᖃᖓᑦᑎᐊᓵᖅ ᓄᒃᑕᓚᐅᖅᑐᒥᑦ ᐃᖃᓗᖕᓂᑦ ᓄᓇᑦᑎᐊᒥᓪᓘᓐᓃᑦ. ᑕᐃᒃᑯᐊ ᐅᐸᒃᑕᐅᑦᑕᐃᓕᒪᔪᑦ ᐊᖏᕐᕋᖅᓯᒪᔭᕆᐊᖃᖅᐳᑦ 14−ᓄᑦ ᐅᓪᓗᓄᑦ ᓂᕆᔭᒃᓴᖏᓐᓂᒡᓗ ᐊᒡᔭᖅᓯᕕᐅᕙᒡᓗᑎᒃ, ᐅᕝᕙᓘᓐᓃᑦ ᓂᐅᕕᕆᐊᕈᓐᓇᖅᐳᑦ ᓂᕿᓂᒃ ᐊᑕᐅᓯᐊᕐᓗᒍ ᐱᓇᓱᐊᕈᓯᕐᒥ ᐊᒡᔭᖅᓯᕕᐅᖃᑦᑕᕈᓐᓇᙱᑉᐸᑕ.

ᑕᒪᕐᒥᑦᑎᐊᖅ ᐊᑐᖅᑕᐅᓪᓚᕆᒋᐊᖃᙱᑦᑐᑦ ᓄᒃᑕᕐᓂᕆᔭᐅᔪᑦ, ᐃᓚᒋᔭᐅᓪᓗᑎᒃ ᖃᖓᑕᓂᒃᑯᑦ ᐊᒻᒪᓗ ᓄᓇᒃᑯᑦ, ᑲᔪᓰᓐᓇᖅᑎᑕᐅᕗᖅ ᐊᑐᖁᔭᐅᙱᒻᒪᕆᒃᐸᒃᖢᓂ.

ᑭᓇᑐᐃᓐᓇᑦᑎᐊᖅ ᐅᒃᐱᕆᔭᖃᖅᑐᖅ ᓵᑦᑎᐊᕐᒥᐅᑕᖃᖅᓯᒪᓂᕐᒥᓂᒃ ᓄᕙᒡᔪᐊᕐᓇᖅ-19−ᒥᒃ ᐅᖄᓚᓪᓗᐊᖅᐳᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601 10−ᒥᑦ ᐅᓪᓛᒥᑦ 6−ᒧᑦ ᐅᓐᓄᖕᒧᑦ ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᑎᒍᑦ, ᐅᕝᕙᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓄᑦ ᐅᖄᓚᓯᑲᐅᑎᒋᓗᑎᒃ, ᐊᒻᒪᓗ ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᒃ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ. ᑐᑭᓯᒋᐊᒃᑲᓐᓂᕈᒪᒍᕕᑦ ᓄᕙᒡᔪᐊᕐᓇᖅ-19−ᒥᑦ ᒥᒃᓵᓄᑦ ᓄᓇᕗᒻᒥᑦ, ᐅᕗᙵᐅᓗᑎᑦ www.gov.nu.ca/health/information/covid-19-novel-coronavirus

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᓐᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca