ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᓄᖅᑲᖅᑎᑦᑎᕗᖅ ᑭᒃᑯᑐᐃᓐᓇᓄᒃ ᓄᒃᑕᕐᓂᕆᔭᐅᕙᒃᑐᒥᒃ ᓄᓇᑦᑎᐊᒧᑦ

ᐊᒐᓯ 17, 2021

ᐱᕙᓪᓕᐊᔪᑦ ᓴᖅᑭᑕᑦ

ᓄᓇᕗᑦ ᓄᖅᑲᖅᑎᑦᑎᕗᖅ ᑭᒃᑯᑐᐃᓐᓇᓄᒃ ᓄᒃᑕᕐᓂᕆᔭᐅᕙᒃᑐᒥᒃ ᓄᓇᑦᑎᐊᒧᑦ

ᐃᖃᓗᐃᑦ, ᓄᓇᕗᑦ (ᔫᓂ 17, 2021) − ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᓘᒃᑖᖅ. ᐋᓐ Hᐅᐊᖕ, ᓄᖅᑲᖅᑎᑦᑎᓯᒪᓕᖅᐳᑦ ᓄᓇᕗᒻᒥᐅᑦ ᓄᒃᑕᕐᓂᕆᕙᒃᑕᖓᓂᒃ ᓄᓇᑦᑎᐊᒧᑦ ᑕᒪᓐᓇᓗ ᒫᓐᓇᑲᐅᑎᒋ ᐊᑐᓯᒋᐊᕐᓂᐊᖅᖢᓂ.

“ᒪᓕᒃᖢᒍ ᐊᑦᑕᕐᓇᖅᓯᒃᑲᓐᓂᕐᓂᖓ ᓄᕙᒃᔪᐊᕐᓇᖅ−19 ᓄᓇᑦᓯᐊᒥ, ᒪᑐᓂᐊᖅᑕᕗᑦ ᓄᓇᓕᑦᑎᓐᓅᖓᔪᖅ ᐊᐅᓪᓚᕐᕕᐅᒐᔪᒃᑐᑦ ᓄᓇᕗᒻᒧᑦ ᐱᒋᐊᕐᓗᓂ ᐅᓪᓗᒥ,” ᐅᖃᖅᑐᖅ ᓘᒃᑖᖅ. Hᐅᐊᖕ “ᐃᓄᑦ ᑕᒪᒃᑮᖕᓄᑦ ᐋᓐᓂᐊᓕᕇᒃᑯᓯᓕᖅᑕᐅᓯᒪᙱᑦᑐᑦ ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ− ᐊᖏᖅᓯᒪᔭᖓᓄᑦ ᓄᕙᒃᔪᐊᕐᓇᖅ−19 ᐋᓐᓂᐊᓕᕇᒃᑯᑎ ᐊᓂᑦᑕᐃᓕᔭᕆᐊᖃᕆᐊᓕᑦ ᐅᐸᒃᓯᒪᔭᖏᓐᓂ ᐊᓂᑦᑕᐃᓕᕝᕕᖕᒥ ᑐᔪᕐᒥᕕᖕᒥ ᔭᓗᓇᐃᒥ ᐅᓪᓗᓄᑦ 14−ᓄᑦ ᐊᐅᓪᓚᓚᐅᙱᓐᓂᖏᓐᓂ ᐊᖏᕐᕋᖏᓐᓄᑦ ᓄᓇᕗᒻᒧᑦ.”

ᑭᑭᑕᐅᔪᓐᓇᖅᑐᑦ ᑕᒪᑐᒧᖓ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᕐᒧᑦ ᐃᓚᒋᔭᐅᕗᑦ ᓄᒃᑕᖅᑐ ᐊᑕᐅᓯᑦᑕᐃᓐᓇᒥᒃ ᖃᖓᑦᑕᐅᑎᖃᖅᖢᑎᒃ ᔭᓗᓇᐃᒃᑰᕐᓂᐊᕐᓗᑎᒃ, ᐊᑐᖅᑕᐅᔭᕆᐊᖃᓪᓚᕆᒃᐸᒃᑐᑦ ᐃᖅᑲᓇᐃᔭᖅᑏᑦ ᐊᔪᖅᑎᑕᐅᙱᓐᓂᕐᒧᑦ ᓄᒃᑕᖅᑐᑦᑕᕐᓂᕐᒧᑦ ᑎᑎᖅᑲᖁᑎᖃᕐᓗᑎᒃ, ᑕᐃᒃᑯᐊᓘᓐᓃᑦ ᐊᔪᖅᑎᑕᐅᙱᑦᑐᑦ ᐃᓚᙵᕐᓂᕐᒧᑦ ᑭᑭᑕᐅᔪᓐᓇᖅᑐᑦ.

ᐱᓇᔪᒐᓱᒃᓗᓂ ᑭᑭᑕᐅᔾᔪᑎᒥᒃ ᓄᓇᕗᒻᒦᖏᓪᓗᓂ ᐊᓂᑦᑕᐃᓕᓂᕐᒧᑦ ᐃᓂᑖᕋᓱᒃᓗᓂᓘᓐᓃᑦ ᐊᓂᑦᑕᐃᓕᓂᕐᒧᑦ ᔭᓗᓇᐃᒥ ᐅᕗᙵᕐᓗᑎᑦ https://gov.nu.ca/health/information/travel-and-isolation ᓇᓗᓇᐃᔭᖅᓯᒪᔪᓄᑦ ᖃᓄᖅ ᐱᓇᔪᒍᓐᓇᕐᒪᖔᖅᐱᑦ.

ᒪᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑎᑦᑎᓂᕐᒧᑦ ᑎᓕᓯᔾᔪᑕᐅᓯᒪᔪᑦ, ᐊᑕᐅᓯᕐᒥᒃ ᓄᒃᑕᖅᑎᒥᒃ ᐅᐸᒃᑕᐅᑦᑕᕐᓕᒪᔭᕆᐊᖃᖅᑐᖃᖅᐸᑦ, ᑕᒪᕐᒥᑦᑎᐊᖅ ᐃᓚᒋᔭᐅᔪᑦ ᑕᐃᑲᓂ ᐃᒡᓗᒥᐅᑕᐅᖃᑎᒌᓂᑦᑕᐅᒃ ᐅᐸᒃᑕᐅᑦᑕᐃᓕᒪᔭᕆᐊᖃᕆᕗᑦ. ᑕᐃᒃᑯᐊ ᐊᓂᑦᑕᐃᓕᔪᑦ ᐊᖏᕐᕋᖅᓯᒪᔭᕆᐊᓕᑦ ᐅᓪᓗᓄᑦ 14-ᓄᑦ, ᒪᓕᒋᐊᖃᖅᑐᑦ ᑕᒪᐃᓐᓂᒃ ᓄᓇᕗᒻᒥ ᐊᓂᑦᑕᐃᓕᔭᕆᐊᖃᕐᓂᕐᒧᑦ ᒪᓕᒋᐊᓕᖕᓂᒃ ᓂᕆᔭᒃᓯᖏᓐᓂᒃᓗ ᐋᑎᔭᐅᖃᑦᑕᕆᐊᖃᖅᑐᑦ. ᐊᓯᐊᒍᖔᖅ ᐊᑕᐅᓯᖅ ᐊᓂᑦᑕᐃᓕᖃᑕᐅᔪᖅ ᐃᒡᓗᒥᐅᖃᑎᒌᓂᒃ ᓂᐅᕕᕆᐊᕈᓐᓇᖅᑐᖅ ᓂᕿᓂᒃ ᐊᑕᐅᓯᐊᕐᓗᓂ ᐱᓇᓱᐊᕈᓯᕐᒥ ᐋᑦᑎᔭᐅᔪᓐᓇᙱᑉᐸᑕ.

ᑭᓇᑐᐃᓐᓇᑦᑎᐊᖅ ᐅᒃᐱᕆᔭᖃᖅᑐᖅ ᓵᑦᑎᐊᕐᒥᐅᑕᖃᖅᓯᒪᓂᕐᒥᓂᒃ ᓄᕙᒡᔪᐊᕐᓇᖅ-19−ᒥᒃ ᐅᖄᓚᓪᓗᐊᖅᐳᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-888-975-8601 9−ᒥᑦ ᐅᓪᓛᒥᑦ 5:30−ᒧᑦ ᐅᓐᓄᖕᒧᑦ ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᑎᒍᑦ, ᐅᕝᕙᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᖕᒥᓄᑦ ᐅᖄᓚᓯᑲᐅᑎᒋᓗᑎᒃ, ᐊᒻᒪᓗ ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᑎᒃ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᒋᑦ ᓇᒻᒥᓂᖅ. ᑐᓴᖅᑕᐅᔪᖅᓴᒃᑲᓐᓂᕐᓂᒃ ᓄᕙᒡᔪᐊᕐᓇᖅ-19−ᒧᑦ ᓄᓇᕗᒻᒥ, ᐅᕗᙵᐅᓗᑎᑦ, ᐋᓐᓂᐊᖃᖕᓇᙱᑦᑐᓕᕆᔨᒃᑯ | ᓄᓇᕗᑦ ᒐᕙᒪᖓ (gov.nu.ca).

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᓐᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca