ᓄᓇᕗᑦ ᖁᕕᐊᓲᑎᖃᖅᐳᖅ ᐃᓅᓯᕐᒥᑦ ᐃᓴᒃᓯᒪᓂᖅ ᐅᓪᓗᖓ ᐊᒻᒪ ᓄᓇᕐᔪᐊᕐᒥᑦ ᐃᒻᒥᓃᖅᑕᐃᓕᑎᑦᑎᓂᕐᒧᑦ ᐅᓪᓗᖓ

ᓯᑎᐱᕆ 10 ᐃᓅᓯᕐᒥᑦ ᐃᓴᒃᓯᒪᒋᑦ ᐅᓪᓗᖓ/ᓄᓇᕐᔪᐊᕐᒥᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐅᓪᓗᖓ, ᓄᓇᕗᒻᒥᐅᑦ ᑲᑎᖃᑎᒋᓗᒋᑦ ᐊᒻᒪ ᐱᓕᒻᒪᒃᓴᕐᓂᖅ ᐱᐅᔪᓂᒃ ᕿᓄᐃᓵᕆᐅᖅᓴᕐᓂᕐᒧᑦ ᐊᒻᒪ ᐃᒻᒥᓂᒃ ᑲᒪᒋᑦᑎᐊᕈᓐᓇᕐᓂᕐᒥᒃ.

ᑕᒪᑐᒪᓂ ᐅᑭᐅᒥᑦ ᐱᓕᕆᐊᖑᓂᐊᖅᑐᖅ ᓂᕆᐅᖕᓂᖃᑦᑎᐊᕐᓂᕐᒥᑦ ᖃᓄᐃᓕᐅᕈᑎᖃᕐᓂᖅ, ᓴᙱᓪᓗᓂ ᐱᓕᕆᐊᖑᖁᔭᐅᕗᖅ ᐃᖃᐃᓯᔾᔪᑕᐅᓪᓗᓂᓗ ᐃᑲᔪᖅᑕᐅᓂᖅ ᐊᑐᐃᓐᓇᐅᖕᒪᑦ ᐃᒻᒥᓃᕈᒪᓂᕐᒥᑦ ᐃᓱᒪᒍᕕᑦ. ᐱᓕᕆᐊᖑᔪᒥᑦ, ᐱᔪᒥᓴᐃᔪᓐᓇᖅᑐᒍᑦ ᓂᕆᐅᒋᔭᖃᕐᓂᕐᒥᑦ ᐊᒻᒪ ᓴᙱᒃᑎᒋᐊᕐᓗᒋᑦᐱᔪᓐᓃᖅᑎᑦᑎᓂᖅ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᔪᑦ ᓄᓇᔪᒻᒥᐅᓂᒃ ᖃᓄᐃᙱᑦᑎᐊᕐᓴᖅᑐᓂᒃ ᐱᓕᕆᖃᑕᐅᖁᓪᓗᒋᑦ ᐃᑲᔫᑎᓕᖕᓂᑦ ᐃᓱᒪᒥᒍᑦ ᐃᔪᕈᑎᓕᖕᓄᑦ ᐊᒻᒪ ᖃᓄᐃᙱᑦᑎᐊᕈᓯᕐᓂᒃ. ᑖᒃᑯᓇᓂ ᐅᓪᓗᓂᑦ ᐊᑐᖅᑕᑎᓐᓂᑦ ᓇᓗᓇᖅᑐᒦᖃᑦᑕᑎᓪᓗᑕ, ᐱᓯᒪᑦᑎᐊᕆᐊᖃᕐᓂᕐᒥᑦ ᖃᓄᐃᙱᑦᑎᐊᕋᓱᖕᓂᕆᔭᑦᑎᓐᓂᑦ ᐱᒻᒪᕆᐅᖕᒪᑦ ᑎᒥᒃᑯᑦ ᖃᓄᐃᑦᑎᐊᕈᑎᒋᓗᒍ. ᐅᕙᑦᑎᓐᓂᒃ ᑲᒪᒋᑦᑎᐊᕐᓂᖅ ᐊᒻᒪᓗ ᕿᓄᐃᓵᕈᓐᓇᕐᓂᖅ ᒪᑭᑕᑦᑎᐊᕐᓇᖅᐳᖅ ᐃᓱᒪᒧᓪᓗ ᖃᓄᐃᙱᑦᑎᐊᕐᓇᖅᖢᓂ. ᐱᖃᓐᓇᕆᔭᑦ ᐱᓕᕆᖃᑎᒋᕙᒡᓗᒋᑦ, ᐊᐅᓪᓛᖅᓯᒪᖃᑎᒋᕙᒡᓗᒋᑦ, ᐃᓚᐅᕝᕕᒋᕙᒡᓗᒋᑦ ᐱᖅᑯᓯᒃᑯᑦ ᐱᓕᕆᐊᑦ ᓲᕐᓗ ᒥᖅᓱᖅᑐᑦ, ᐊᖑᓇᓱᒃᑐᑦ, ᐅᕝᕙᓘᓐᓃᑦ ᓴᓇᐅᒐᓕᕆᔪᑦ, ᓂᕿᑦᑎᐊᕙᖕᓂᒃ ᓂᕆᔪᑦ, ᐊᒻᒪᓗ ᐃᑲᔪᖅᑕᐅᔪᒪᕙᒡᓗᑎᑦ ᐃᑲᔪᖅᑕᐅᔭᕆᐊᖃᕌᖓᕕᑦ.

ᐃᓄᑑᙱᑦᑐᑎᑦ. ᐃᑲᔪᖅᑎᑕᖃᐃᓐᓇᐅᔭᖅᑐᖅ. ᐃᑲᔪᖅᑕᐅᔭᕆᐊᖃᕈᕕᑦ ᐅᕝᕙᓘᓐᓃᑦ ᖃᐅᔨᒪᖃᖃᕈᕕᑦ ᐃᑲᔪᖅᑕᐅᔭᕆᐊᓕᖕᒥᑦ, ᐅᖃᓗᖃᑎᖃᕆᑦ ᐱᖃᓐᓇᕆᔭᕐᓄᑦ, ᐃᓚᒋᔭᕐᓄᑦ, ᐃᓕᓴᐃᔨ, ᐃᓅᓯᓕᕆᔨ ᐅᕝᕙᓘᓐᓃᑦ ᐃᓐᓇᕐᒥᑦ, ᐊᒻᒪ ᐅᖃᐅᓯᕆᓗᒋᑦ ᐃᑉᐱᒋᔭᑎᑦ. ᐊᑭᖃᙱᑦᑐᖅ, ᑐᓴᖅᑕᐅᔾᔮᙱᑦᑐᓂᑦ ᐃᓱᒪᒧᑦ ᐅᐃᕆᓯᒪᓂᕐᒧᓪᓗ ᐃᑲᔪᖅᑎᖃᖅᐳᑦ ᐋᓐᓂᐊᕕᖕᓂᑦ.

ᓄᓇᕗᑦ ᒐᕙᒪᒃᑯᖏᑦ ᓄᓇᓕᖕᓂᑦ, ᐊᕕᒃᑐᖅᓯᒪᔪᓂᑦ, ᓯᓚᑖᓃᑦᑐᓂᒡᓗ−ᓄᓇᕘᒥᑦ ᐱᔨᑦᑎᕋᖃᑦᑕᖅᐳᑦ ᐃᓱᒪᓕᕆᓂᕐᒨᖓᔪᓂᒃ. ᐊᒥᓲᕗᑦ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᐅᔪᓐᓇᖅᑐᑦ ᐊᒻᒪ ᒪᒥᓴᕈᑕᐅᔪᓐᓇᖅᑐᑦ. ᐃᕝᕕᓪᓘᓐᓃᑦ ᑭᓇᒥᒡᓘᓐᓃᑦ ᖃᐅᔨᒪᔭᕐᓂᒃ ᐊᒃᓱᕈᖅᑐᖃᖅᐸᑦ, ᐳᐃᒍᖅᑕᐃᓕᒋᑦ ᐃᓄᑑᙱᓐᓂᕐᓂ.

ᑲᙳᓇᖅᑐᒃᑯᑦ ᐃᑲᔪᖅᑕᐅᔪᒪᒍᕕᑦ, ᐅᕗᖓ ᐅᖃᓗᒍᓐᓇᖅᐳᑎᑦ:

ᐃᓅᓯᓕᕆᔨ

ᒪᒥᓴᕐᓂᖅ ᐅᖃᓪᓚᖕᓂᒃᑯᑦ.
- ᖃᕆᑕᐅᔭᒃᑯᑦ ᐃᓅᓯᓕᕆᓂᕐᒧᑦ ᐱᔨᑦᑎᕋᖅᑎᒃᑯᑦ ᐃᓄᖕᓄᑦ ᓄᓇᕗᓕᒫᒥᑦ.
- ᐋᓐᓂᐊᕕᔅᓯᓐᓄᐊᕈᓐᓇᖅᐳᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐃᕐᖐᓐᓈᖅᑕᐅᒃᑯᓪᓘᓐᓃᑦ ᐅᑯᓄᖓ ᑎᑎᕋᕐᓗᓯ healing@gov.nu.ca ᐊᑭᖃᙱᑦᑐᒧᓪᓘᓐᓃᑦ ᐅᖄᓚᓗᑎᑦ ᐅᕗᖓ 1-888-648-0070 ᐅᕝᕙᓘᓐᓃᑦ (867) 975-5367.
ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ.
- ᐅᖄᓚᔪᖃᕐᓗᓂ ᐅᕗᖓ 1-866-804-2782.
- ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: embracelife@inuusiq.com
- ᑕᑯᔭᖅᑐᕐᓗᒍ ᐃᑭᐊᖅᑭᕕᒃ ᐅᓇ, www.inuusiq.com ᑐᓴᖅᑕᐅᒃᑲᓐᓂᒐᒃᓴᓄᑦ ᐃᑲᔪᖅᑐᖅᑕᐅᓂᕐᒧᓪᓗ.
ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᓚᒌᑦ ᐃᑲᔪᖅᑎᖏᑦ.
- 1-800-663-1142

ᐃᑲᔪᖅᑕᐅᔪᒪᔪᓄᑦ ᐅᖄᓚᕝᕕᒃ ᖃᕆᑕᐅᔭᒃᑯᓪᓗ ᐅᖄᓚᕝᕕᒃᓴᖅ

ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓘᑎᖓᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ).
- ᐅᖄᓚᓗᑎᑦ ᐅᕗᒐ, 867-979-3333 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ, 1-800-265-3333
ᐊᒃᓱᕈᕐᓇᖅᑐᒃᑰᖅᑐᓄᑦ ᐱᔨᑦᑎᕋᐅᑎᑦ ᑲᓇᑕᒥ:
- ᐅᖄᓚᓗᑎᒃ ᑎᑎᕋᕐᕕᒋᓗᒋᓪᓘᓐᓃᑦ ᐅᖄᓚᐅᑎᕋᓛᒃᑯᑦ ᐅᕗᖓ, 1-833-456-4566.
- ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᒪᓂᒪᕗᖅ ᐅᕙᓂ, www.crisisservicescanada.ca.
Youthspace.ca.
- ᐅᖄᓚᓗᑎᑦ 1-833-456-4566−ᒧᑦ − ᑎᑎᕋᕐᓗᑎᑦ 778-783-0177−ᒧᑦ.
- ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᒪᓂᒪᕗᖅ ᐅᕙᓂ, www.youthspace.ca.
- ᐃᕐᖐᓐᓈᖅᑕᐅᒃᑯᑦ ᐃᓅᓯᓕᕆᔭᐅᓐᓇᖅᑐᑦ ᐅᕗᖓ ᐅᖃᓗᒡᓗᑎᑦ 1-866-478-8357.
ᓄᑕᖅᑲᑦ ᐃᑲᔪᖅᑕᐅᕕᖓᓄᑦ ᐅᖄᓚᕝᕕᒃᓴᖅ
- ᐅᖃᓗᒡᓗᑎᑦ 1-800-668-6868−ᒧᑦ.
- ᑕᕝᕙᑲᐅᑎᒋ ᐅᖃᖃᑎᖃᕐᓂᖅ ᒪᓂᒪᕗᖅ ᐅᕙᓂ, kidshelpphone.ca
- ᓇᕿᑦᑕᕐᓗᒍ 'CONNECT' ᐅᕗᖓ, 686868 ᑕᕝᕙᑲᐅᑎᒋ ᐅᖃᖃᑎᖃᕋᔭᕋᕕᑦ.