ᐅᖃᓚᐅᑎᓯᐅᑏᑦ

You are here

ᓄᓇᕘᒻᒥᙶᖅᑐᖅ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᖁᖓ ᒪᓕᒐᙳᖅᑎᓪᓗᒍ

ᔭᓐᓄᐊᓕ 07, 2020

ᐱᕙᓪᓕᐊᔪᑦ ᓴᖅᑭᑕᖅ

ᓄᓇᕘᒻᒥᙶᖅᑐᖅ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᖁᖓ ᒪᓕᒐᙳᖅᑎᓪᓗᒍ

ᐃᖃᓗᐃᑦ, ᓄᓇᕗᑦ (ᔮᓐᓄᐊᕆ 7, 2020−ᒥᑦ) − ᓄᓇᕗᒻᒥᑦ ᓄᑖᖅ ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᖁᔭᖓ ᓴᖅᑭᑕᐅᓚᐅᖅᐳᑦ ᐊᑐᓕᓚᐅᖅᖢᓂᓗ ᔮᓐᓂᐊᕆ 1-ᒥᑦ, ᑭᖑᕝᕕᖅᑕᐅᓗᓂ ᑲᔪᓯᑎᑕᐅᓚᓪᓗᓂ ᓄᓇᑦᑎᐊᕐᒥᙶᖅᖢᓂ. ᑖᓐᓇ ᓄᑖᖅ ᐊᑲᐅᓯᑎᑕᐅᔾᔫᒥᕗᖅ ᐱᖁᔭᒃᓴᖅ ᐅᓪᓗᒥᒨᖓᓕᖅᑎᑕᐅᓗᓂ ᓄᓇᕗᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᓕᓴᕆᔭᐅᓪᓗᓂᓗ ᐊᔾᔨᐅᙱᓐᓂᖏ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂ.

“ᓄᓇᕗᒻᒥᙵᖅᑐᖅ ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᖁᔭᖓᓂ ᐊᑲᐅᓯᑎᑦᑎᔫᒥᓂᐊᖅᑐᖅ ᒐᕙᒪᑦᑕ ᓴᐳᒻᒥᔪᓐᓇᕐᓂᖓ ᓄᓇᕗᒻᒥᐅᓂ ᐋᓐᓂᐊᒧᑦ ᐊᓯᖏᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑐᓂ,” ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᔪᐊᔾ ᕼᐃᒃᔅ ᐅᖃᐅᖅᐳᖅ. “ᓄᑖᖅ ᐱᖁᔭᖅ ᐅᓪᓗᒥᒨᖓᓕᖅᑎᑦᑎᓯᒪᕗᖅ ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᖏᑦᑐᓕᕆᔭᑦᑎᓐᓄᑦ ᐱᖁᔭᒃᓴᖓᑦ ᐱᓕᕆᐊᖑᒐᓗᐊᕐᒪᙶᑦ, ᒪᓕᒃᑕᐅᒐᓗᐊᕐᒪᙶᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐱᖁᔭᒃᓴᐅᑉ ᐊᑐᖃᑦᑕᕐᓂᐊᖅᑕᖏᑦ.”

ᓄᓇᕗᒻᒥᑦ ᑭᒃᑐᐃᓐᓇᕐᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᖁᔭᖓᑦ ᐃᓕᓴᕆᔭᐅᕗᖅ ᐊᑐᖅᑕᐅᓯᐅᖑᔪᓂ ᑐᕌᖓᔪᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᓴᐳᑎᔭᐅᓯᒪᔪᓂ ᓯᕗᒻᒧᒃᐊᓴᖅᑕᐅᓯᖑᔪᓂ, ᐃᓄᐃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᖅᑕᐅᖃᑦᑕᖅᑐᓂ, ᑭᒃᑯᑐᐃᓐᓇᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᖅᑕᐅᖃᑦᑕᖅᑐᓂ, ᐋᓐᓂᐊᓂᒃ ᐊᒻᒪ ᐋᓐᓂᖅᑐᖃᖅᑎᓪᓗᒍ, ᑐᐊᕕᕐᓇᖅᑐᖃᖅᑎᓪᓗᒍ ᐱᕙᒌᖅᑕᐅᖃᑦᑕᖅᑐᑦ ᐊᒻᒪ ᑭᐅᔭᖃᑦᑕᖅᑐᓂ. ᓇᓗᓇᐃᖅᓯᖃᑦᑕᕆᕗᑦ ᐱᖁᔭᐅᔪᓂ ᓂᕿᒧᑦ ᐃᒥᕐᒧᓪᓗ ᐊᑦᑕᕐᓇᖅᑕᐃᓕᒪᓂᕐᒧᑦ, ᓴᓗᒻᒪᖅᓴᐅᑎᓂ, ᐅᓂᒃᑳᓕᐊᓂ ᐊᒻᒪ ᑭᐅᔭᕆᐊᓕᖕᓂᑦ ᑐᓴᐅᒪᑎᑦᑎᖃᑦᑕᖅᑐᓂ ᐋᓐᓂᐊᓂ ᓴᙱᓂᖅᑕᖁᓗᒍ ᖃᓄᐃᖏᑦᑎᐊᕐᓗᑎᑦ ᓴᐳᑎᔭᐅᓯᒪᓗᑎᑦ.

ᐱᖁᔭᖅ ᐃᓕᓴᖅᓯᓯᒪᕗᖅ ᐱᖁᔭᐅᔪᓂ, ᐱᔭᒃᓴᓂ ᐊᒻᒪ ᐱᔪᓐᓇᕐᓂᖏᑦ ᒥᓂᔅᑕᐅᑉ, ᐊᖓᔪᖅᑳᖓᑦ ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᖏᑦᑐᓕᕆᔨ (ᐊᖓᔪᖅᑳᖑᓚᐅᖅᓯᒪᔪᖅ ᐋᓐᓂᐊᖃᕐᓇᖏᑦᑐᓕᕆᔨ) ᐊᓯᖏᓪᓗ ᐃᖅᑲᓇᐃᔭᖅᑏᑦ ᐱᓕᕆᐊᖃᖅᐸᒃᑐᓂ ᓴᐳᑎᔭᐅᔪᓐᓇᕐᓗᑎᑦ ᖃᓄᐃᖏᑦᑎᐊᕐᓗᑎᑦ ᓄᓇᕗᒻᒥᐅᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5949
agriffin@gov.nu.ca