ᐅᖃᓚᐅᑎᓯᐅᑏᑦ

You are here

ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐊᒃᑐᐸ 16, 2017

ᐃᓄᖕᓄᑦ ᑐᓴᒐᒃᓴᖅ

ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐅᑐᐱᕆ ᑕᖅᑭᕆᔭᐅᕗᖅ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᖕᓂᖏᑦ ᓇᓗᓇᐃᖅᑕᐅᕗᖅ ᐊᔪᓕᑳᓪᓚᖕᓇᕐᓂᖓᓂᒃ, ᓇᓗᓇᐃᖅᑕᐅᔪᓐᓇᙱᓐᓂᖓᓂᒃ ᐃᓅᔪᓐᓃᕈᑕᐅᕙᒃᖢᓂ ᓄᑕᕋᓛᓄᑦ ᓱᓕ ᐅᑭᐅᖃᙱᑦᑐᓄᑦ ᓯᓂᒃᑎᓪᓗᒋᑦ ᓄᓇᕗᒻᒥᓗ ᐅᓄᕐᓂᖅᐹᖑᓪᓗᑎᒃ ᓄᑕᕋᓛᑦ ᐃᓅᔪᓐᓃᖅᐸᒃᑐᑦ ᑲᓇᑕᒥ, ᑕᓪᓕᒪᐃᖅᓱᑲᓴᑦᑎᐊᖅᖢᑎᒃ ᐅᓄᕐᓂᖅᓴᐅᕗᑦ ᑲᓇᑕᓕᒫᒥ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖑᓕᓵᖅᑐᓂᒃ ᐊᒻᒪ ᑲᒪᔨᐅᔪᓂᒃ ᑎᓕᐅᕆᕗᑦ ᐊᑦᑕᕐᓇᙱᑦᑐᒦᑎᑦᑎᓗᑎᒃ ᓯᓂᒃᑎᑦᑎᖃᑦᑕᖁᔭᐅᓪᓗᑎᒃ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒪᐅᑕᐅᕙᒃᑐᑦ ᐅᓄᕈᓐᓃᖅᐹᓪᓕᖁᓪᓗᒋᑦ ᐊᓯᖏᓪᓗ ᓯᓂᒃᑎᓪᓗᒋᑦ ᓄᑕᕋᓛᓄᑦ ᐃᓅᔪᓐᓃᕈᑕᐅᕙᒃᑐᑦ.

ᐅᑯᐊ ᓄᑕᕋᓛᓂᒃ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᓂᒃ ᐊᑦᑕᕐᓇᖅᑐᒦᙱᓐᓂᖅᓴᐅᔾᔪᑕᐅᔪᓐᓇᖅᑐᑦ:

  • ᓄᑕᕋᓛᖅ ᓯᓂᒃᑎᓪᓗᒍ ᓇᓪᓚᖓᑏᓐᓇᐅᔭᕐᓗᒍ;
  • ᐃᒡᓗᕈᓯᕐᒥᐅᑕᖃᑎᒋᕙᒡᓗᒍ, ᑐᑎᒃᐸᙱᓪᓗᒍ;
  • ᐃᕕᐊᖏᒃᑯᑦ ᐊᒫᒪᒃᑎᑉᐸᒡᓗᒍ;
  • ᐃᒡᓗᔅᓯᓐᓂ ᓯᒡᒐᓕᐊᖅᑐᖅᐸᙱᓪᓗᓯ ᓯᖓᐃᑎᓪᓗᑎᑦ ᐊᒻᒪ ᐃᕐᓂᓯᒪᓕᖅᑎᓪᓗᑎᑦ ᐊᒻᒪ;
  • ᐃᒡᓕᐅᖅᓯᒪᑦᑎᐊᖅᐸᒡᓗᓯ;

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᐃᓐᓇᐅᑎᑦᑏᓐᓇᕐᓂᐊᖅᐳᑦ ᓄᓇᕗᒻᒥ ᓄᑕᕋᓛᑦ ᐃᒡᓕᑯᓗᖏᓐᓂᒃ ᐃᓅᓵᖅᑐᓕᒫᓄᑦ ᓄᓇᕗᒻᒥ. ᐊᑦᑕᕐᓇᙱᑦᑐᑦ ᐃᒡᓕᑯᓗᐃᑦ ᑭᓱᕈᓘᔭᖃᐅᖅᐳᑦ ᓄᑕᕋᓛᓄᑦ

ᑐᕌᖓᔪᓂᒃ ᓲᕐᓗ ᓯᓂᒍᑎᑯᓗᖕᓂᒃ ᐴᖑᓪᓗᑎᒃ, ᐊᓐᓄᕌᓂᒃ ᐊᒻᒪ ᐃᕐᒥᐅᑎᓂᒃ, ᐊᓈᓇᐅᔪᑦ ᐃᕐᓂᓵᖅᑐᑦ ᐊᑐᖅᐸᒃᑕᖏᓐᓂᒃ, ᐊᒻᒪ ᐅᖃᓕᒫᒐᕐᓂᒃ ᐴᖅᓯᒪᔪᓂᒃ ᐃᓕᓐᓂᐊᖅᑐᓕᕆᔨᒃᑯᓐᓂ ᑐᓂᔭᐅᔪᓂᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᖑᔪᒧᑦ. ᐊᖓᔪᖅᑳᑦ ᑎᓕᐅᖅᑕᐅᕗᑦ ᑎᑎᕋᖃᑦᑕᖁᔭᐅᓪᓗᑎᒃ ᓄᓇᕗᒻᒥ ᓄᑕᕋᓛᑦ ᐃᒡᓕᒃᓴᖓᓄᑦ ᓯᖓᐃᑎᓪᓗᒍ ᑕᑯᔭᐅᕝᕕᒃᓴᖓᒍᑦ ᐃᖢᐊᖅᓴᐃᔨᒧᑦ ᐃᑲᔪᖅᑕᐅᓗᑎᒃ ᐅᕝᕙᓘᓐᓃᑦ ᐃᕐᓂᓱᒃᓰᔨᒧᑦ ᐋᓐᓂᐊᕐᕕᖏᓐᓂ ᐅᖁᒪᐃᓐᓂᕐᓂᐊᕐᕕᖕᒥᓪᓘᓐᓃᑦ.

ᐊᑦᑕᕐᓇᙱᑦᑐᒦᓪᓗᓂ ᓯᓂᒃᑎᑦᑎᓂᕐᒧᑦ ᐊᑐᖅᓯᒪᔪᓂᒃ ᑎᑎᕋᖅᓯᒪᔪᖃᖅᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕌᓐ ᐅᐊᓯᖕᒃ
ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5710
rwassink@gov.nu.ca