ᐅᖃᓚᐅᑎᓯᐅᑏᑦ

You are here

ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐊᒃᑐᐸ 04, 2019

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐅᒃᑑᕙ ᑕᖅᑭᕆᔭᐅᕗᖅ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ. SIDS ᐃᒪᓐᓇ ᓇᓗᓇᐃᖅᑕᐅᕗᖅ ᓂᕆᐅᓇᙱᑦᑐᒥᑦ ᓇᓗᓇᐃᖅᑕᐅᔪᓐᓇᙱᑦᑐᒥᑦ ᓯᓂᒃᑎᓪᓗᒍ ᐃᓅᔪᓐᓃᖅᑐᖅ ᓄᑕᕋᓛᖅ ᓱᓕ ᐊᕐᕌᒍᑖᓚᐅᙱᑎᓪᓗᒍ. ᓄᑕᕋᓛᑦ ᓄᓇᕗᒻᒥ ᐃᓅᕙᒃᑐᑦ ᐊᑦᑕᕐᓇᖅᑐᒦᓐᓂᖅᓴᐅᕗᑦ ᐊᓯᖏᓐᓂᒃ ᑲᓇᑕᒦᑦᑐᓂᒃ ᐃᓅᔪᓐᓃᖅᐸᒃᑐᓂᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᓕᒫᓂᒃ ᐊᒻᒪ ᑲᒪᔨᐅᔪᓂᒃ ᑎᓕᐅᕆᕗᑦ ᐊᑦᑕᕐᓇᙱᑦᑐᒦᑎᑦᑎᓗᑎᒃ ᓯᓂᒃᑎᑦᑎᖃᑦᑕᖁᔭᐅᓪᓗᑎᒃ ᓄᑕᕋᓛᑦ ᐊᓂᕐᓂᖃᙱᑎᓪᓗᒋᑦ ᐃᖅᑯᒪᐅᑕᐅᕙᒃᑐᑦ ᐅᓄᕈᓐᓃᖅᐹᓪᓕᖁᓪᓗᒋᑦ ᐊᓯᖏᓪᓗ ᓯᓂᒃᑎᓪᓗᒋᑦ ᓄᑕᕋᓛᓄᑦ ᐃᓅᔪᓐᓃᕈᑕᐅᕙᒃᑐᑦ.

ᐅᑯᐊ ᐊᑦᑕᕐᓇᙱᑦᑐᒦᔾᔪᑕᐅᔪᓐᓇᕐᓂᖅᓴᐃᑦ ᓄᑕᕋᓛᓂᒃ ᐊᓂᕐᓂᖃᙱᑎᓪᓗᒋᑦ ᐃᖅᑯᒻᒪᐅᑕᐅᕙᒃᑐᓂᒃ:

  • ᓄᑕᕋᓛᖅ ᓂᕐᕋᓚᖓᑏᓐᓇᐅᔭᕐᓗᒍ ᓯᓂᒃᑎᓪᓗᒍ;
  • ᐃᒡᓗᕈᓯᕐᒥᐅᑕᖃᑎᒋᕙᒡᓗᒍ, ᑐᑎᒃᐸᙱᓪᓗᒍ;
  • ᐃᕕᐊᖏᒃᑯᑦ ᐊᒫᒪᒃᑎᑉᐸᒡᓗᒍ;
  • ᓱᐴᖅᑐᕐᕕᐅᙱᓪᓗᓂ ᐃᓂᒋᔭᖓ; ᐊᒻᒪ
  • ᐃᒡᓕᐅᑦᑎᐊᖅᓯᒪᕙᒡᓗᓂ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᐃᓐᓇᐅᑎᑦᑎᓂᐊᖅᐳᑦ ᓄᓇᕗᒻᒥ ᓄᑕᕋᓛᑦ ᐃᒡᓕᑯᓗᖏᓐᓂᒃ ᐃᓅᓵᖅᑐᓕᒫᓄᑦ ᓄᓇᕗᒻᒥ. ᐊᒻᒪᓗᑦᑕᐅᖅ ᓄᑕᕋᓛᑦ ᐊᑦᑕᕐᓇᙱᑦᑐᒥᒃ ᐃᒡᓕᑯᓗᒃᑖᖅᑎᑕᐅᒃᐸᑕ, ᐅᑯᓂᖓᑦᑕᐅᖅ ᐃᓗᓕᖃᕐᓂᐊᕆᕗᖅ ᓄᑕᕋᓛᒧᑦ ᑲᒪᒋᔭᐅᔪᒧᑦ ᓲᕐᓗ ᓯᓂᒍᑎᑯᓗᒃ ᐴᖃᑦᑕᒃ, ᐊᓐᓄᕌᑦ ᐊᒻᒪ ᐅᐊᓴᐅᑎᕈᔪᐃᑦ, ᐊᓈᓇᐅᑉ ᐱᒃᓴᖏᑦ ᐃᕐᓂᓵᖅᑎᓪᓗᒍ ᐊᒻᒪ ᐅᖃᓕᒫᒐᑦ. ᐊᖓᔪᖅᑳᑦ ᑎᓕᐅᖅᑕᐅᕗᑦ ᑎᑎᕋᖃᑦᑕᖁᔭᐅᓪᓗᑎᒃ ᓄᓇᕗᒻᒥ ᓄᑕᕋᓛᑦ ᐃᒡᓕᒃᓴᖓᓄᑦ ᓯᖓᐃᑎᓪᓗᒍ ᑕᑯᔭᐅᕝᕕᒃᓴᖓᒍᑦ ᐃᖢᐊᖅᓴᐃᔨᒧᑦ ᐃᑲᔪᖅᑕᐅᓗᑎᒃ ᐅᕝᕙᓘᓐᓃᑦ ᐃᕐᓂᓱᒃᓰᔨᒧᑦ ᐋᓐᓂᐊᕐᕕᖏᓐᓂ ᐅᖁᒪᐃᓐᓂᕐᓂᐊᕐᕕᖕᒥᓪᓘᓐᓃᑦ.

ᐊᑦᑕᕐᓇᙱᑦᑐᒥ ᓯᓂᒃᑎᑦᑎᓂᕐᒧᑦ ᑎᑎᕋᖅᓯᒪᔪᑦ ᐊᑐᐃᓐᓇᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
agriffin@gov.nu.ca