ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19 ᐋᓐᓂᐊᓕᖅᑐᖃᖅᑐᖅ ᒥᑦᑎᒪᑕᓕᖕᒥ

ᓄᕕᐱᕆ 12, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᕙᒡᔪᐊᕐᓇᖅ-19 ᐋᓐᓂᐊᓕᖅᑐᖃᖅᑐᖅ ᒥᑦᑎᒪᑕᓕᖕᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 12, 2021) − ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᑎᔪᖅ ᓄᕙᕐᔪᐊᕐᓇᖅ-19−ᒥᑦ ᐱᖃᕐᓂᕋᖅᑕᐅᔪᒥᑦ ᒥᑦᑎᒪᑕᓕᖕᒥ.

“ᑖᓐᓇ ᐃᓄᒃ ᓄᕙᒡᔪᐊᕐᓇᖃᓕᖅᐸᓪᓕᐊᔪᕕᓂᖅ ᓄᕕᐱᕆ 5−ᒥ, ᐃᕐᒌᓐᓇᕐᓗ ᐃᓄᑑᓯᑲᐅᑎᒋᓚᐅᖅᑐᖅ ᖃᐅᔨᓴᖅᑕᐅᓚᐅᖅᖢᓂ. ᖃᐅᔨᓴᖅᑕᐅᔾᔪᑎᖓ ᐊᓱᐃᓛᒃ ᐋᓐᓂᐊᖃᕐᓂᖓᓂᒃ ᓇᓗᓇᐃᖅᑕᐅᓚᐅᖅᐳᖅ ᐃᓪᓗᒥ,” ᐅᖃᓚᐅᖅᑐᖅ ᓘᒃᑖᖅ ᐹᑐᓴᓐ. “ᐊᐃᑦᑐᕐᓗᐃᑦᑕᐃᓕᒪᓂᖅ ᖁᕝᕙᓯᖕᓂᖓᓄᑦ, ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᒃᓱᕈᕐᓇᕆᔭᐅᒃᑲᓐᓂᕆᐊᖃᖅᐳᖅ ᓄᓇᓕᖕᒥᐅᓄᑦ, ᓇᒦᓚᐅᕐᒪᖔᑦ ᑭᒃᑯᓐᓂᓗ ᖃᓂᒃᓴᓚᐅᕐᒪᖔᖅ ᖃᐅᔨᓴᖅᑕᐅᓂᖓ ᑲᔪᓯᔪᑦ ᒫᓐᓇᑯᑦ. ᐃᓕᓐᓂᐊᕐᕖᑦ ᐸᐃᕆᕝᕖᓪᓗ ᒪᑐᐃᖓᐃᓐᓇᕈᓐᓇᖅᐳᑦ ᐃᓕᓐᓂᐊᖏᓐᓇᖁᓪᓗᒋᑦ.”

ᒫᓐᓇᑲᐅᑎᒋ ᐱᒋᐊᕐᓗᓂ:

  • ᒪᑐᐊᑦ ᐊᑐᖅᑕᐅᔭᕆᐊᖃᓪᓚᕆᒃᐳᑦ ᑕᒪᐃᓐᓂᑦᑎᐊᖅ ᐃᓄᒋᐊᓄᑦ ᑭᒃᑯᑐᐃᓐᓇᓄ ᐃᓂᒋᔭᐅᓲᓂ. 
  • ᓯᓚᒥ ᑲᑎᙵᖃᑦᑕᖅᑐᑦ 25-ᖑᔭᕆᐊᖃᖅᐳᑦ ᐃᓄᐃᑦ.
  • ᐃᓘᑉ ᐃᓗᐊᓂ ᑲᑎᙵᔪᑦ ᖁᓕᐅᔭᕆᐊᓕᑦ ᐃᓄᐃᑦ ᐊᑕᐅᑦᑎᒥ, ᐃᒡᓗᒥᐅᖃᑎᒌᓪᓗ ᐃᓚᐅᓗᑎᒃ.
  • ᐃᓘᑉ ᐃᓗᐊᓂ ᑲᑎᙵᔪᑦ, ᐃᓚᒋᔭᐅᔪᑦ ᐅᑯᐊ, ᐱᙳᐊᕐᕕᒻᒥᑦ, ᐃᖃᐃᓕᓴᕐᕕᒻᒥ, ᐅᖃᓕᒫᒐᖃᕐᕕᒻᒥᑦ, ᑕᑯᔭᒐᖃᕐᕕᓐᓂᑦ ᑭᓪᓕᖃᖅᑎᑕᐅᓕᖅᑐᑦ 25ᓄᑦ ᐅᕝᕙᓗ 25%ᒥᑦ ᐃᓐᓄᒍᓐᓇᕐᓂᕆᔭᖏᓐᓂ.
  • ᑐᑦᓯᐊᕐᕖᑦ ᑭᓪᓕᖃᖅᑎᑕᐅᔪᑦ ᐃᓐᓄᒍᓐᓇᕐᓂᖓᑕ 50ᓂᑦ ᐅᕝᕙᓗ 25 ᐳᓴᓐᑎᒥ, ᐃᙱᕆᐊᖃᖏᑦᑐᑦ.
  • ᓯᐊᕐᕆᔮᕐᕕᐅᔪᑦ ᑭᓪᓕᖃᖅᑎᑕᐅᔪᑦ ᐃᓐᓄᒍᓐᓇᕐᓂᖏᑦ 25−ᓄᑦ ᐅᕝᕙᓘᓐᓃᑦ 25 ᐳᓴᓐᑎ ᐊᒻᒪᓗ 25 ᐃᓄᐃᑦ ᑕᐅᑐᕋᓐᓈᕆᐊᕈᓐᓇᖅᑐᑦ.
  • ᓄᔭᓕᕆᕝᕕᑦ ᓇᖕᒥᓂᕐᒧᑦ ᐱᔨᑦᑎᕋᕐᕕᑦ ᓲᕐᓗ ᐱᐅᓴᖅᑕᐅᕖᑦ ᐅᒃᑯᐃᒃᑲᓐᓂᕈᓐᓇᕐᓯᔪ. ᐊᓯᖏᑦ ᐱᓇᓱᐊᕐᕕᐅᔪᑦ ᒪᒃᐲᖓᔪᓐᓇᕐᒥᔪᑦ ᒪᑐᓯᒪᔭᕆᐊᖃᓚᐅᕐᓂᕈᑎᒃ.
  • ᓂᕆᔭᖅᑐᕐᕖᑦ ᐱᔨᑦᑎᕋᕐᕕᐅᔪᓪᓗ ᓂᕿᓄᑦ ᑭᓯᐊᓂ ᐊᓐᓂᓯᔭᐅᔪᓂᒃ ᓂᕿᑖᕐᕕᐅᔪᓐᓇᑲᓚᐅᖅᑐᑦ, ᖁᓕᑦ ᐅᖓᑖᓄᐊᕆᐊᖃᙱᑦᑐᑦ ᑐᑭᓕᕇᖑᓗᑎᒃ ᐅᑕᖅᑭᔪᑦ ᐊᒻᒪ ᐅᖓᓯᒌᒃᑕᕆᐊᖃᕆᓪᓗᑎᒃ.
  • ᑲᑎᙵᔪᓂᑦ ᐃᓅᓯᓕᕆᔭᐅᕙᒃᑐᑦ ᖁᓕᑦ ᐃᓄᐃᑦ ᐅᖓᑖᓃᑦᑕᕆᐊᖃᙱᑉᐳᑦ.
  • ᑲᒪᒋᔭᐅᖏᓐᓇᕆᐊᖃᖅᑐᒃᑯᕖᑦ ᐊᒻᒪᓗ ᐃᓐᓇᕐᓄᑦ ᓇᔪᒐᐅᔪᑦ ᒪᑐᐃᖓᔪᓐᓇᖅᓯᔪᑦ ᐊᑕᐅᓯᕐᒥᑦ ᐳᓛᖅᑎᖃᕈᓐᓇᕐᓗᑎᑦ ᐊᑐᓂᒃ, ᒪᑐᐊᖅᓯᒪᐃᓐᓇᕆᐊᖃᖅᑐᑦ.
  • ᓯᓚᒥ ᐱᙳᐊᕐᕖᓪᓗ ᒪᑐᐃᕈᓐᓇᖅᓯᔪᑦ, ᐃᓪᓗᕐᔪᐊᑦ ᓱᓕ ᒪᑐᓯᒪᔭᕆᐊᓖᑦ.

ᑭᓇᑐᐃᓐᓇᖅ ᓄᕙᕐᔪᐊᕐᓇᖅ-19−ᒥᑦ ᖃᓂᒻᒪᒃᐸᓪᓕᐊᒃᐸᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ. ᓇᖕᒥᓂᖅ ᐋᓐᓂᐊᕕᓕᐊᖅᑕᐃᓕᒋᑦ.

ᓄᕙᕐᔪᐊᕐᓇᖅ-19 ᑲᐴᑎᑦ ᐊᑐᐃᓐᓇᐅᙱᓐᓇᖅᑐᑦ ᓄᓇᕗᒻᒥᐅᓕᒫᓄᑦ 12-ᒥ ᐅᖓᑖᓄᓪᓗ ᐅᑭᐅᓕᖕᓄᑦ. ᐋᓐᓂᐊᕐᕕᓯᓐᓄᑦ ᖃᐅᔨᒋᐊᕐᓗᑎᑦ ᐃᓂᒃᓴᓕᐅᕈᒪᒍᕕᑦ. ᐃᖃᓄᐃᑦ ᐅᖁᒪᐃᓐᓂᕐᓂᐊᕕᖓ ᑲᐱᔭᐅᔭᖅᑐᕈᓐᓇᖅᐳᑦ ᐃᓯᑐᐃᓐᓇᕐᓗᑎᒃ ᕙᐃᓱᒧ (Pfizer) (ᐊᕌᒍᓖᑦ 12-ᒥ 17-ᒧ) ᐱᖓᑦᓯᕐᒥᑦ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ ᐅᓐᓄᓴᒃᑯᑦ ᐃᓯᑐᐃᓐᓇᕐᓗᓂ ᒪᑑᓇᒧ (Moderna) (18-ᓂ ᐅᖓᑖᓄ ᐊᕌᒍᓖᑦ) ᑲᐱᔭᐅᖃᑦᑕᖅᐳᑦ ᓇᒡᒐᔾᔭᐅᒥ ᑕᓪᓕᕐᒥᒧᑦ 9:30-ᒥ ᐅᓪᓛᒃᑯᑦ 11:30-ᒧᑦ ᐊᒻᒪᓗ 1:15 ᐅᓐᓄᓴᒃᑯᑦ 4:30-ᒧᑦ. 

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ                                                                 
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ                                               
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca