ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19−ᒥᒃ ᓇᓗᓇᐃᖅᑕᐅᓯᒪᓪᓚᕆᒃᑐᖃᖅᐳᖅ ᑲᖏᖅᖠᓂᕐᒥᑦ

ᓯᑎᐱᕆ 03, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᕙᒡᔪᐊᕐᓇᖅ-19−ᒥᒃ ᓇᓗᓇᐃᖅᑕᐅᓯᒪᓪᓚᕆᒃᑐᖃᖅᐳᖅ ᑲᖏᖅᖠᓂᕐᒥᑦ

ᑲᖏᕐᖠᓂᖅ, ᓄᓇᕗᑦ (ᓯᑎᐱᕆ 3, 2021) – ᓘᒃᑖᖅ ᕉᓵᓐ ᓯᕕᐅᕐ, ᓄᓇᕗᒻᒥ ᓘᑦᑕᑦ ᐊᖓᔪᖅᑳᖓ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ, ᓇᓗᓇᐃᖅᓯᓯᒪᓕᖅᐳᖅ ᐱᑕᖃᓕᕐᒪᑦ ᓄᕙᒡᔪᐊᕐᓇᖅ-19−ᒥᒃ ᑲᖏᖅᖠᓂᕐᒥᑦ.

“ᑕᐃᓐᓇ ᐃᓄᒃ ᐅᑎᓚᐅᖅᑐᖅ ᑲᖏᕐᖠᓂᕐᒧᑦ ᐊᐅᒍᓯ 19−ᖑᑎᓪᓗᒍ ᓯᓚᑖᓂᙶᕐᖢᓂ ᓄᓇᕗᑦ ᐋᓐᓂᐊᕈᑕᐅᖃᑦᑕᖅᑐᖃᕐᖢᓂᓗ ᐊᐅᓪᓚᓚᐅᙱᑎᓪᓗᒍ,” ᐅᖃᖅᑐᖅ ᓘᒃᑖᖅ ᓯᕗᐅᕐ. “ᑕᐃᓐᓇ ᐃᓄᒃ ᓇᓗᓇᐃᖅᑕᐅᓪᓗᓂ ᓄᕙᒃᔪᐊᕐᓇᖅ−19-ᖃᕐᓂᖓᓂᒃ ᖃᐅᔨᓴᕐᕕᖕᒥ ᑲᖏᕐᖠᓂᕐᒥ ᐃᒃᐸᒃᓴᖅ ᐅᓐᓄᒃᑯᑦ ᑐᐊᕕᕐᓇᖅᑐᒃᑯᓪᓗ ᐊᐅᓪᓚᖅᑎᑕᐅᓪᓗᓂ ᐋᓐᓂᐊᕕᖕᒧᑦ ᖃᓪᓗᓈᓄᑦ ᑲᓇᑕᒥ. ᐃᒡᓗᒥᐅᖃᑎᓕᒫᖏᓐᓂ ᖃᓂᒋᔭᕕᓂᖏᑦ ᐊᓂᑦᑕᐃᓕᓕᖅᑐᑦ ᐊᖏᕐᕋᖏᓐᓂ.”

ᖃᓂᒋᓚᐅᖅᑕᕕᓂᖏᓐᓂ ᖃᐅᔨᓇᓱᐃᓐᓇᖅᑐᑦ ᐊᑦᑕᕐᓇᕐᓂᖓᓗ ᓄᓇᓕᖕᒧᑦ ᐊᑦᑎᒐᓱᒋᔭᐅᔪᖅ ᒫᓐᓇᐅᔪᖅ. ᑖᓐᓇ ᐱᖃᖅᑐᖅ ᐊᒃᑐᐊᓂᖃᙱᑦᑐᖅ ᐱᑕᖃᓚᐅᕐᓂᖓᓂᒃ ᐊᓇᖅᑕᕈᑎᓄᑦ ᖃᐅᔨᓇᓚᐅᖅᑐᒧᑦ ᐅᖃᐅᓯᐅᓚᐅᖅᑐᖅ ᐱᓇᓱᐊᕈᓯᐅᓚᐅᖅᑐᒥᒃ ᓄᓇᓕᖕᒥ. ᐅᔾᔨᖅᓱᑦᑎᐊᖁᔨᓪᓗᑕ, ᒫᓐᓇ ᒪᑐᐊᖅᓯᒪᔭᕆᐊᖃᓕᖅᐳᑦ ᐃᓄᒋᐊᒃᑐᒃᑯᕕᖕᓂ ᑲᖏᖅᖠᓂᕐᒥ. ᐊᓯᖏᓐᓂᒃ ᐊᓯᔾᔨᖅᑐᖃᔾᔮᙱᑦᑐᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐆᒃᑑᑎᓂᒃ ᒫᓐᓇᐅᔪᖅ.

“ᑲᖏᕐᖠᓂᖅ ᐊᖏᔪᒥᒃ ᐳᓴᓐᑎᖃᖅᐳᖅ ᐃᓚᐅᖃᑕᐅᔪᓐᓇᖅᑐᓂᒃ ᐅᓄᖏᓐᓂ ᑕᒪᒃᑮᓄᑦ ᐋᓐᓂᐊᓕᕇᒃᑯᓯᓕᖅᑕᐅᓯᒪᔪᓂᑦ, ᐃᑲᔪᕈᓐᓇᖅᑐᖅ ᓴᐳᒻᒥᓗᒍ ᐃᓄᖏᑦ ᓄᕙᒃᔪᐊᕐᓇᖅ−19-ᒥ. ᑭᒃᑯᑐᐃᓐᓇᑦᑎᐊᑦ ᑎᓕᐅᖅᐸᒃᑲ ᐊᔪᙱᑦᑐᑦ ᑲᐱᔭᐅᖁᓪᓗᒋᑦ. ᐃᑲᔪᕐᓂᐊᖅᑐᖅ ᓴᐳᒻᒦᓗᓂ ᐃᓄᖕᓂᒃ ᐋᓐᓂᐊᕐᔪᐊᕐᓂᕐᒧᑦ ᐋᓐᓂᐊᕕᖕᒥᓗ ᐅᓂᒃᓯᒪᓂᕐᒧᑦ,” ᐅᖃᖅᑐᖅ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᓗᐊᓐ ᑯᓱᒐᖅ.

ᑭᓇᑐᐃᓐᓇᖅ ᐱᕙᓪᓕᐊᓂᖃᖅᐸᑦ ᓄᕙᕐᔪᐊᕐᓇᖅ-19ᖃᕐᓂᕐᒧᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᒻᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ ᓄᓇᓕᓐᓂ ᐋᓐᓂᐊᕕᖓᓄᑦ. ᐋᓐᓂᐊᕕᓕᐊᖅᑕᐃᓕᒋᑦ ᓇᒻᒥᓂᖅ.

ᑲᐱᔭᐅᓐᓇᖅ ᐊᑐᐃᓐᓇᐅᙱᓐᓇᖅᑐᖅ ᓄᓇᕗᒻᒥ. ᐅᖃᓗᒃᕕᒋᓗᒍ ᐋᓐᓂᐊᕕᓯ ᐃᓂᒃᓴᓕᐅᕐᓗᑎᑦ ᐃᓯᑐᐃᓐᓇᕐᓗᑎᓪᓘᓐᓃᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓄᑦ ᐱᓇᓱᐊᕈᓯᑕᒫᑦ ᒫᑐᓇᒧᑦ (ᐅᑭᐅᓕᖕᓄᑦ 18 ᐅᖓᑖᓗᓪᓗ) ᐱᖓᔪᐊᒃᑯᓪᓗ ᕖᓱ (ᐅᑭᐅᓕᖕᓄᑦ 12-ᓂᑦ 17-ᒧᑦ).

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca