ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19−ᒥᒃ ᐱᑕᖃᓪᓚᕆᖕᓂᖓᓂᒃ ᓇᓗᓇᐃᖅᑕᐅᔪᖃᖅᐳᖅ ᐃᖃᓗᖕᓂ

ᐄᐳᕈ 14, 2021

ᐱᕙᓪᓕᐊᔪᑦ ᐅᖃᐅᓯᐅᔪᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᕙᒡᔪᐊᕐᓇᖅ-19−ᒥᒃ ᐱᑕᖃᓪᓚᕆᖕᓂᖓᓂᒃ ᓇᓗᓇᐃᖅᑕᐅᔪᖃᖅᐳᖅ ᐃᖃᓗᖕᓂ

ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 14, 2021) − ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᓘᒃᑕᑦ ᐊᖓᔪᖅᑳᖓ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ, ᓇᓗᓇᐃᖅᓯᓚᐅᖅᐳᖅ ᓄᕙᒡᔪᐊᕐᓇᖅ-19-ᑖᖅᑐᖃᕐᓂᖓᓂᒃ ᐃᖃᓗᖕᓂ.

ᑕᐃᓐᓇ ᐃᓄᒃ ᒫᓐᓇ ᐅᐸᒃᑕᐅᑦᑕᐃᓕᒪᑎᑕᐅᓕᖅᐳᖅ ᖃᓄᐃᙱᖦᖢᓂᓗ. ᐊᒃᑐᖅᑕᐅᓯᒪᑐᐃᓐᓇᕆᐊᓖᑦ ᖃᐅᔨᓴᖅᑕᐅᓯᑲᐅᑎᒋᕗᑦ ᓄᓇᓕᖕᓂ ᐱᓕᕆᓕᖅᐳᓪᓗ ᓇᓗᓇᐃᖅᓯᑲᐅᑦᑐᕋᓱᒃᖢᑎᒃ ᐊᑦᑕᕐᓇᕐᓂᖅᐹᒦᑦᑐᓂᒃ ᐊᒃᑐᖅᑕᐅᓯᒪᑐᐃᓐᓇᕆᐊᓕᖕᓂᒃ," ᓘᒃᑖᖅ ᐹᑐᓴᓐ ᐅᖃᖅᑐᖅ.  "ᐃᖃᓗᖕᒥᐅᑦ ᐊᖏᕐᕋᖅᓯᒪᐃᓐᓇᖁᔭᕗᑦ ᐊᔪᕐᓇᙱᓐᓂᓕᒫᖓᓂ ᐊᒻᒪ ᓄᓇᖅᑲᑎᒥᓂᒃ ᐅᐸᒍᑎᓗᐊᑲᑕᖁᔭᐅᙱᑦᑐᑦ, ᖃᑕᙳᑎᒥᖕᓂᓪᓗ ᐃᒡᓗᒥᐅᖃᑎᒋᙱᑕᒥᓂᒃ".

7-ᒥ ᐅᓪᓛᒃᑯᑦ ᐱᒋᐊᕐᓗᓂ ᕿᑎᖅᑰᑦ, ᐊᐃᕐᕆᓕ 15−ᒥ, ᐃᖃᓗᖕᓂ, ᐱᔭᕆᐊᖃᓪᓚᕆᙱᑦᑐᑦ ᓇᖕᒥᓂᕆᔭᐅᔪᑦ ᑕᒪᕐᒥᒃ ᐊᒻᒪ ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᔭᕆᐊᖃᖅᐳᑦ.  ᐃᒡᓘᑉ ᐃᓗᐊᓂ ᐃᒡᓗᒥᐅᖃᑎᒌᑐᐊᑦ ᑲᑎᖃᑦᑕᕆᐊᖃᓕᖅᐳᑦ ᑕᓪᓕᒪᒃᑲᓐᓂᕐᓂᓪᓗ ᑐᐊᕕᕐᓇᖅᑐᖃᖅᐸᑦ ᑭᓯᐊᓂ, ᓯᓚᒥ ᑕᓪᓕᒪᐃᓐᓇᐃᑦ ᑲᑎᖃᑦᑕᕆᐊᖃᓕᖅᐳᑦ. ᐃᓄᒋᐊᒃᑐᑦ ᑲᑎᙵᖃᑦᑕᕆᐊᖃᕈᓐᓃᖅᐳᑦ. ᐃᖃᓗᖕᓂ ᐃᓕᓐᓂᐊᕐᕕᓕᒫᑦ ᒪᑐᓯᒪᓂᐊᓕᖅᐳᑦ ᑕᒪᑐᒪᓂ ᐱᓇᓱᐊᕈᓯᕐᒥ. ᒪᑐᐊᖅᓯᒪᔭᕆᐊᖃᓪᓚᕆᓕᖅᐳᑦ ᐃᖃᓗᖕᓂ.

ᐃᖃᓗᖕᓂᙶᓚᐅᖅᑐᑦ ᐊᐃᕐᕆᓕ 13-ᒥᑦ ᐅᖓᑖᓂᓪᓗ ᐃᒡᓗᒥᓂᒃ ᐊᓂᑦᑕᐃᓕᔭᕆᐊᖃᓯᑲᐅᑎᒋᖁᔭᐅᕗᑦ ᐅᓪᓗᓄᑦ 14-ᓄᑦ ᐊᖏᕐᕋᖅᓯᒪᓕᑐᐊᖅᐸᑕ. ᐊᐅᓪᓚᕆᐊᖃᓪᓚᕆᙱᑦᑐᑦ ᐊᐅᓪᓚᖁᔭᐅᙱᑦᑎᐊᓕᖅᐳᑦ.

ᐊᓯᓕᒫᖏᓐᓂᒃ ᕿᑭᖅᑖᓗᖕᒥ ᓄᓇᓕᖏᓐᓂ ᑲᖏᖅᖠᓂᕐᒥᓗ, ᓇᖕᒥᓂᖃᖅᑏᑦ ᓱᓕ ᒪᑐᐃᖓᔪᓐᓇᖅᑐᑦ ᑭᓯᐊᓂ ᐊᑐᓕᖅᑎᑦᑎᔭᕆᐊᖃᓪᓚᕆᒃᐳᑦ ᐃᓅᖃᑎᒌᑦ ᖃᓂᒌᓗᐊᕆᐊᖃᙱᓪᓗᑎᒃ. ᑖᒃᑯᓇᓂ ᓄᓇᓕᖕᓂ, ᐃᒡᓘᑉ ᐃᓗᐊᓂ ᐃᒡᓗᒥᐅᖃᑎᒌᑐᐊᑦ ᑲᑎᖃᑦᑕᕆᐊᖃᓕᖅᐳᑦ ᖁᓕᓪᓗ ᑕᓪᓕᒪᒃᑲᓐᓃᓪᓗ ᐃᓄᐃᑦ, ᓯᓚᒥᓗ 100 ᐃᓄᐃᑦ ᑲᑎᖃᑦᑕᕆᐊᕆᐊᖃᖅᐳᑦ. ᐃᒡᓘᑉ ᐃᓗᐊᓂ ᑲᑎᖃᑦᑕᖅᑐᑦ 50-ᐅᔭᕆᐊᖃᖅᐳᑦ ᐅᕝᕙᓘᓐᓃᑦ 50-ᐳᓴᓐ ᐃᓐᓄᒍᓐᓇᕐᓂᖓ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᖅ. ᐃᓕᓐᓂᐊᕐᕕᓕᒫᑦ ᐊᑐᕆᐊᓕᒃ ᑐᒡᓕᐊᓄᐊᕐᓂᐊᓕᖅᐳᑦ.

"ᐃᖃᓗᖕᒥᐅᑦ ᐅᐃᒪᔮᖁᙱᑉᐸᒃᑲ ᒪᓕᑦᑎᐊᖏᓐᓇᖁᔭᐅᓪᓚᕆᒃᐳᓪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ," ᓯᕗᓕᖅᑎ ᔫ ᓴᕕᑲᑖᖅ ᐅᖃᖅᑐᖅ. "ᖁᔭᓕᕗᖓ ᓄᓇᕗᒻᒥ ᓄᕙᒡᔪᐊᓕᔾᔭᐃᒃᑯᑎᒧᑦ ᑲᐱᔭᐅᑲᑕᒃᐸᓪᓕᐊᓕᕐᒪᑕ. 3400 ᐅᖓᑖᓂ ᐃᖃᓗᖕᒥᐅᑦ ᓯᕗᓪᓕᖅᐹᒥ Moderna ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᐳᑦ 2000 ᐅᖓᑖᓂᓗ ᑕᒪᐃᓐᓂᒃ ᑲᕆᔭᐅᓯᒪᓕᖅᖢᑎᒃ. ᒫᓐᓇ ᐊᖏᕐᕋᖅᓯᒪᐃᓐᓇᕆᐊᖃᓕᖅᐳᒍᑦ ᐊᔪᕐᓇᙱᓐᓂᓕᒫᖓᓂ ᐱᓕᕆᖃᑕᐅᓗᑕᓗ ᐊᐃᑦᑐᕐᓗᐃᑐᐃᓐᓇᕆᐊᓖᑦ ᑲᑦᑐᙵᑎᓐᓂᖅᓴᐅᓇᓱᒡᓗᒋᑦ. ᐊᑦᑕᕐᓇᖅᑐᒦᑦᑕᐃᓕᒋᑦ."

ᑭᓇᑐᐃᓐᓇᑦᑎᐊᖅ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᓗ ᐅᓐᓄᒃᑯᑦ ᐊᑯᓐᓂᖓᓂ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᒥᓂ ᐅᓪᓗᓄᑦ 14-ᓄᑦ.  ᓇᖕᒥᓂᖅ ᐋᓐᓂᐊᕕᓕᐊᖅᑕᐃᓕᓗᑎᑦ.

ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᕐᓂᐊᖅᐳᖅ ᐱᕙᓪᓕᐊᔪᓕᕆᔨᑦ ᑲᑎᒪᖃᑎᖃᓕᖅᐸᑕ ᖃᐅᒃᐸᑦ 11−ᒥ ᐅᓪᓛᒃᑯᑦ.
 

###
 

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca