ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19ᒥᑦ ᐱᑕᖃᕐᓂᖓᓂᒃ ᓇᓗᓇᐃᖅᑕᐅᔪᖅᑲᑦᑐᖅ ᑭᓈᓗᓕᕆᕕᖓᑎᒍᑦ ᑲᖏᖅᖠᓂᕐᒥᑦ

ᐊᒐᓯ 27, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᕙᒡᔪᐊᕐᓇᖅ-19ᒥᑦ ᐱᑕᖃᕐᓂᖓᓂᒃ ᓇᓗᓇᐃᖅᑕᐅᔪᖅᑲᑦᑐᖅ ᑭᓈᓗᓕᕆᕕᖓᑎᒍᑦ ᑲᖏᖅᖠᓂᕐᒥᑦ

ᑲᖏᖅᖠᓂᖅ, ᓄᓇᕗᑦ (ᐊᐅᒍᓯ 27, 2021) − ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒃ ᓇᓗᓇᐃᖅᓯᕗᖅ ᓯᕗᓪᓕᖅᐹᕐᒥᑦ ᓄᕙᒡᔪᐊᕐᓇᖅ-19ᒥᑦ ᐱᑕᖃᕐᓂᖓᓂᒃ ᑭᓈᓗᓕᕆᖓᓐᓂᒃ ᖃᐅᔨᔭᐅᔪᖅ ᑲᖏᖅᖠᓂᕐᒥ.

"ᒫᓐᓇ, ᓇᓗᓇᐃᖅᑕᐅᓯᒪᔪᖃᙱᑦᑐᖅ ᐋᓐᓂᐊᓕᖅᓯᒪᔪᖃᕐᓂᖓᓂᒃ ᓄᕙᕐᔪᐊᕐᓇᖅ-19ᒧᑦ ᑲᖏᖅᖠᓂᕐᒥ," ᓗᑦᑖᖅ ᐅᖃᖅᑐᖅ. ᕉᓵᓐ ᓯᕗᐊ, ᓄᓇᕗᒻᒥ ᐃᓇᖐᓯᒪᔪᖅ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ. "ᑖᔅᓱᒪ ᓂᕆᐅᓇᙱᑦᑐᒃᑯᑦ ᖃᐅᔨᒃᑲᐃᔾᔪᑎᒃᑯᑦ ᓇᓗᓇᐃᖅᑕᐅᔪᖅ ᐃᓄᓐᓂᑦ ᓄᕙᕐᔪᐊᕐᓇᖅ-19ᒥᑦ ᐱᑕᖃᕐᓂᖓᓂᒃ ᓄᓇᓕᒻᒥ ᐅᕝᕙᓘᓐᓃᑦ ᐊᖅᑯᓵᖅᓯᒪᔪᖃᓚᐅᕐᓂᖓᓂᒃ ᑲᖏᖅᖠᓂᒃᑯᑦ ᐊᒻᒪᓗ ᑖᒃᑯᐊ ᖃᐅᔾᔩᑦᑑᓯᒪᑐᐃᓐᓇᕆᐊᓖᑦ ᐋᓐᓂᐊᓕᖅᓯᒪᒋᐊᖏᓐᓂᒃ."

ᑖᓐᓇ ᖃᐅᔨᒃᑲᐃᔾᔪᑎᐅᓯᒪᔪᖅ ᓇᓗᓇᐃᖅᑕᐅᓯᒪᔪᖅ ᐊᑐᖅᑕᐅᓪᓗᓂ ᖃᐅᔨᓴᕋᒃᓴᑦ ᐱᔭᐅᓯᒪᔪᑦ ᐊᐅᒍᓯ 17, 18, ᐊᒻᒪᓗ 19 ᐅᓪᓗᖏᓐᓂ. ᑭᓈᓗᓕᕆᕕᒻᒥᑦ ᖃᐅᔨᓴᕋᒃᓴᑦ ᐱᔭᐅᖃᑦᑕᖅᑐᑦ ᐊᐅᓪᓚᖅᑎᑕᐅᖃᑦᑕᖅᑐᑦ ᑲᓇᑕᓕᒫᒥᑦ ᖁᐱᕐᕈᐊᕐᔪᓐᓂᑦ ᖃᐅᔨᓴᕐᕕᒻᒧᑦ ᐅᐃᓂᐸᐃᒻᒥ ᖃᐅᔨᓴᖅᑕᐅᓪᓗᑎᑦ ᐊᒻᒪᓗ ᖃᐅᔨᓴᔭᐅᖃᑦᑕᖅᑐᑦ ᖃᓄᐃᓯᒪᒻᒪᖔᑕ ᐅᓪᓗᐃᑦ ᖁᓖᑦ ᓈᓯᒪᓕᖅᑎᓪᓗᒋᑦ ᖃᐅᔨᒃᑲᐅᑕᐅᓪᓗᑎᑦ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ ᖃᐅᔨᓴᖅᐸᓪᓕᐊᔪᑦ ᓇᐅᖅᓯᑐᕐᓗᑎᑦ ᖃᓄᐃᓂᐅᔪᒥᑦ ᐊᒻᒪᓗ ᖃᐅᔨᓴᕈᑎᔅᓴᖏᑦ ᐃᓚᒋᐊᖅᑕᐅᓯᒪᔪᑦ ᑕᒪᓐᓇ ᐱᓪᓗᒍ.

ᓯᐊᒻᒪᙱᓐᓂᖅᓴᐅᖁᓪᓗᒍ ᓄᕙᕐᔪᐊᕐᓇᖅ-19 ᓄᓇᓕᒻᒥᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᑲᖏᖅᖠᓂᕐᒥᐅᓂᑦ ᐃᒫᒃ ᐱᖁᔨᕗᑦ:

  • ᐊᖏᕐᕋᓯᒪᓗᓯ ᐊᒻᒪᓗ ᓄᕙᕐᔪᐊᕐᓇᖅ-19 ᒥᔅᓵᓄᑦ ᐅᖄᓚᖃᑦᑕᕐᕕᐅᔪᖅ 1-888-975-8601ᒧᑦ ᐅᖄᓚᕝᕕᐅᓗᓂ ᐃᓂᔅᓴᓕᐅᖅᑕᐅᓂᐊᕋᕕᑦ ᖃᐅᔨᓴᖅᑕᓂᔅᓴᓐᓂᑦ, ᐋᓐᓂᐊᒍᕕᑦ;
  • ᒪᑐᐊᖅᓯᒪᕙᒃᓗᑎᒃ ᐃᓯᖅᓯᒪᑎᓪᓗᑎᑦ ᐃᓄᒋᐊᒃᑐᒃᑯᕕᐅᕙᒃᑐᓂᑦ;
  • ᒪᓕᑦᑎᐊᖏᓐᓇᕐᓗᒋᑦ ᒫᓐᓇ ᐋᖅᑭᓱᖅᑕᐅᓯᒪᔪᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᑦᑕᐅᔭᕆᐊᓖᑦ ᐊᖏᕐᕋᒥ ᑲᑎᙵᓂᐊᖅᑐᓄᑦ, ᐅᒡᓚᖅᑎᖃᕈᓐᓇᕐᓂᐅᔪᑦ ᐃᓪᓗᒥᐅᖃᑎᒌᖑᔪᑦ 15ᓂᑦ ᐃᓚᒃᑲᓐᓂᕐᓗᒋᑦ.

ᓄᓇᕗᒻᒥᐅᑉ ᑕᒪᕐᒃᒥ ᐃᖅᑲᐃᑎᑕᐅᒋᐊᖅᐳᑦ ᐋᓐᓂᐊᕈᑕᐅᖃᑦᑕᖅᑐᓂᑦ ᐃᑉᐱᓐᓂᐊᒍᕕᑦ, ᖃᐅᔨᓴᖅᑕᐅᓗᑎᑦ ᐊᒻᒪᓗ ᒪᓕᓪᓗᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐅᖃᐅᓯᐅᓯᒪᔪᑦ − ᒪᑐᐊᖅᓯᒪᓗᑎᑦ, ᐅᖓᓯᒌᒃᑕᕐᓗᓯ ᐊᒻᒪᓗ ᐊᒡᒐᑎᑦ ᐃᕐᒥᖃᑦᑕᕐᓗᒋᑦ.
ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓗᓂ ᐱᐅᓂᖅᐹᖑᕗᖅ ᐃᒻᒥᓂᒃ ᓴᐳᒻᒥᑦᑎᓂᕐᒥᑦ, ᐃᓚᓐᓂᓪᓗ ᐊᒻᒪᓗ ᓄᓇᓕᒋᔭᓐᓂᒃ. ᐋᓐᓂᐊᓕᕇᒃᑯᑏᑦ ᑲᐴᑏᑦ ᐊᑦᑕᕐᓇᖏᓐᓂᖅᐸᐅᕗᑦ ᐊᒻᒪᓗ ᐊᑑᑎᖃᑦᑎᐊᖅᑐᑦ ᐊᑐᐃᓐᓇᓪᓗᑎᑦ ᓄᓇᕗᒻᒥᐅᓕᒫᓄᑦ ᐅᑭᐅᓕᓐᓄᑦ 12ᓂᑦ ᐅᖓᑖᓂᓪᓗ. ᐋᓐᓂᐊᕐᕕᔅᓯᓐᓄ ᐅᖄᓚᓗᑎᑦ ᐃᓂᒃᓴᓕᐅᕐᓗᑎᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca