You are here
ᐸᖕᓂᖅᑑᒥᐅᑦ ᐅᔾᔨᕈᓱᖁᔭᐅᕗᑦ ᕿᒻᒥᕐᓂᑦ ᐃᓕᖅᑯᓯᖅᓱᖏᑦᑐᓂᑦ
ᖃᓄᐃᖏᑦᓯᐊᓂᕐᒧᑦ ᐅᖃᐅᔾᔪᐃᓂᖅ
ᐸᖕᓂᖅᑑᒥᐅᑦ ᐅᔾᔨᕈᓱᖁᔭᐅᕗᑦ ᕿᒻᒥᕐᓂᑦ ᐃᓕᖅᑯᓯᖅᓱᖏᑦᑐᓂᑦ
ᒪᐃ 11, 2015
ᐸᖕᓂᖅᑑᖅ, ᓄᓇᕗᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᖃᐅᔨᒃᑲᐃᒍᒪᔪᑦ ᐸᖕᓂᖅᑑᒥᐅᓂᑦ ᑎᕆᒐᓐᓂᐊᖅ ᓯᖏᖅᓯᓂᖃᕐᓂᖓᓄᑦ ᓇᓗᓇᐃᖅᑕᐃᓚᐅᖅᑐᖅ ᖃᐅᔨᓴᕐᓂᒃᑯᑦ ᐱᓇᓱᐊᕈᓯᐅᓚᐅᖅᑐᒥᑦ. ᑭᖑᓂᖓᓂᑦ, ᕿᒻᒥᖅ ᐅᔾᔨᕆᔭᐅᓚᐅᖅᑐᖅ ᐃᓕᖅᑯᓯᖅᑐᑦᓯᐊᕈᓃᓚᐅᕐᓂᖓᓄᑦ ᓈᑦᓰᖑᔭᐅᑉ ᐅᓐᓄᖓᓂᑦ. ᕿᒻᒥᖅ ᑐᖁᑕᐅᓚᐅᖅᑐᖅ ᐅᓪᓛᖓᓂᑦ ᒪᐃ 11 ᐊᐅᓪᓚᖅᑎᑕᐅᓂᐊᖅᓱᓂᓗ ᓯᖏᖅᓯᓂᕐᒧᑦ ᖃᐅᔨᓴᖅᑕᐅᓂᕐᒧᑦ.
ᓄᓇᓕᓐᓂᒥᐅᑦ ᐃᖅᑲᐃᑎᑕᐅᒋᐊᖅᑐᑦ ᐃᓅᖃᑎᑦᓯ ᕿᒻᒥᖏᓐᓃᕋᔭᖏᓪᓗᓯ. ᕿᒻᒥᓂᑦ ᓇᒻᒥᓂᖁᑎᓖᑦ ᐊᐱᕆᔭᐅᔪᑦ ᐅᔾᔨᖅᓱᖅᔫᒥᖁᔭᐅᑦᓱᑎᒃ, ᖃᐅᔨᓴᕐᓗᑎᒃ ᖃᐅᔨᒃᑲᐃᖁᔭᐅᑦᓱᑎᓪᓗ ᕿᒻᒥᕐᒥᑦ ᐃᓕᖅᑯᓯᖅᓱᖏᑦᑐᒥᑦ ᓄᓇᓕᓐᓂᑦ ᕿᒻᒥᓕᕆᔨᓂᑦ.
ᕿᒻᒦᑦ, ᑎᕆᒐᓐᓂᐊᑦ ᐊᒪᕈᐃᓪᓗ ᐊᐃᑦᑐᕐᓗᑦᓯᔪᓐᓇᖅᑐᑦ ᓯᖏᖅᓯᓂᕐᒥᑦ ᐃᓄᓐᓄᑦ. ᑮᓇᐅᔭᕈᕕᑦ ᕿᑦᓱᑦᑕᐅᓂᕈᕕᓪᓘᓐᓃᑦ ᑎᕆᒐᓐᓂᐊᕐᒧᑦ, ᐊᒪᕈᕐᒧᑦ ᐊᓯᐊᓄᓪᓘᓐᓃᑦ ᓂᕐᕈᑎᒧᑦ, ᐋᓐᓂᐊᕕᓕᐊᖑᐊᑕᖅᓯᓐᓇᕆᑦ ᖃᓄᐃᓐᓂᐅᔪᖅ ᖃᐅᒃᑳᐅᑎᒍᑎᒋᑦᓴᐅᑎᒋᓗᒍ. ᐱᔪᓐᓃᖅᑎᑕᐅᑦᓴᐅᑎᒋᒋᐊᓕᒃ.
ᑕᑯᓐᓂᕈᕕᑦ ᑎᓕᕆᒐᓐᓂᐊᕐᒥᑦ ᐊᒪᕈᒻᒥᓪᓘᓐᓃᑦ ᓄᓇᓕᓐᓃᑦᑐᓂᑦ, ᕿᒻᒥᓪᓘᓐᓃᑦ ᖃᓂᒋᔭᖃᕐᓂᖅᐸᑦ ᑎᕆᒐᓐᓂᐊᕐᒥᑦ ᐊᒪᕈᒻᒥᓘᓐᓃᑦ, ᐅᖄᓚᕕᒋᑦᓴᐅᑎᒋᒍᒃ ᐆᒪᔪᖅᓂᐊᖅᑎ ᐅᕗᖓ 867-473-8937, ᒪᓕᒐᓕᕆᔨᕋᓛᖅ ᐅᕗᖓ 867-473-4811 ᐊᕕᑦᓯᒪᓂᕐᒧᓪᓘᓐᓃᑦ ᐊᕙᑎᒧᑦ ᖃᓄᐃᖏᑦᓯᐊᕐᓂᕐᒧᑦ ᐱᓕᕆᔨ ᐅᕗᖓ 867-473-2676.
ᓯᖏᖅᓯᓂᕐᒥᑦ ᐋᓐᓂᐊᓕᕇᒃᑯᑏᑦ (ᑲᐱᔭᐅᓃᑦ) ᕿᒻᒥᓄᑦ ᐊᑐᐃᓐᓇᐅᔪᑦ ᕿᒻᒥᓕᕆᔨᒥᑦ.
###
ᑐᓴᐅᒪᔪᓕᕆᔨᒃᑯᓐᓂᑦ ᖃᐅᔨᒋᐊᕐᕕᑦᓴᖅ:
ᕌᓐ ᕙᔅᓯᒃ
ᐊᐅᓚᑦᓯᔨᐅᑲᐃᓐᓇᖅᑐᖅ, ᑐᓴᐅᒪᖃᑦᑕᐅᑎᓕᕆᔨᒃᑯᑦ ᑭᒃᑯᑐᐃᓐᓇᕐᓂᓗ ᐱᓕᕆᖃᑎᒌᓐᓂᖅ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5710
