ᐅᖃᓚᐅᑎᓯᐅᑏᑦ

You are here

ᐱᖁᔨᒃᑲᓐᓂᕈᑎ ᐋᓐᓂᐊᓕᕇᒃᑯᑎᓕᖅᑕᐅᑎᑦᑎᓇᓱᖕᓂᕐᓂ ᕿᑭᖅᑖᓗᒃ ᓄᓇᓕᖏᓐᓄᑦ

ᐊᒐᓯ 08, 2016

ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᖃᐅᔾᔨᒋᐊᕈᑎ

ᐱᖁᔨᒃᑲᓐᓂᕈᑎ ᐋᓐᓂᐊᓕᕇᒃᑯᑎᓕᖅᑕᐅᑎᑦᑎᓇᓱᖕᓂᕐᓂ ᕿᑭᖅᑖᓗᒃ ᓄᓇᓕᖏᓐᓄᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᔪᓯᔪᑦ ᐋᓐᓂᐊᓕᕇᒃᑯᓯᓕᖅᑕᐅᓃᑦ ᐅᓪᓗᒥᒨᖓᓗᑎᒃ, ᐱᑎᑦᑎᕙᒃᖢᑎᒃᓗ ᐃᓄᖕᓂᑦ ᖃᐅᔨᒪᓇᕈᑎᖃᖅᑐᓂ ᒪᓕᒃᑐᓂᒃ ᖁᐃᖅᓱᑰᔨᓐᓇᖅᑐᒥᒃ.

ᐃᑲᔪᕋᓱᒃᓗᒍ ᓄᖅᑲᖅᑎᓪᓗᒍ ᓯᐊᒻᒪᒃᐸᓪᓕᐊᓂᖓ ᖁᐃᖅᓱᑰᔨᓐᓇᐅᑉ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᖁᔨᒃᑲᓐᓂᖅᑐᑦ ᐋᓐᓂᐊᓕᕇᒃᑯᓯᓕᖅᑕᐅᑎᑦᑎᓇᓱᖕᓂᕐᓂ ᕿᑭᖅᑖᓗᒃ ᓄᓇᓕᖏᓐᓂ. ᐱᓕᕆᖃᑎᖃᕐᖢᑎᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ, ᐋᓐᓂᐊᓕᕇᒃᑯᓯᓕᖅᑕᐅᓂᕐᓂ ᓘᒃᑖᓕᐊᕐᕖᑦ ᐱᑎᑕᐅᓂᐊᖅᑐᑦ ᑕᒪᑐᒪᓂ ᐱᓇᓱᐊᕈᓯᕐᒥ ᓄᓇᓕᖏᓐᓂ ᑲᖏᕐᑐᒑᐱᒃ, ᒥᑦᑎᒪᑕᓕᒃ ᐊᒻᒪ ᐸᖕᓂᖅᑑᖅ.

ᖁᐃᖅᓱᑰᔨᓐᓇᖅ ᐊᐃᑦᑐᕐᓗᖕᓇᖅᑐᒻᒪᕆᐅᓪᓗᓂ ᐊᓂᖅᓵᕐᓂᒃᑯᑦ ᐋᓐᓂᐊᖑᔪᖅ, ᐱᑎᑕᐅᙱᑦᑐᓐᓇᖅᑐᖅ ᐋᓐᓂᐊᓕᕇᒃᑯᓯᓕᖅᑕᐅᓂᒃᑯᑦ ᒪᒥᓴᒐᒃᓴᐅᓪᓗᓂᓗ ᒪᒥᓴᐅᑎᓄᑦ. ᐋᓐᓂᐊᓕᕇᒃᑯᓯᓕᖅᑕᐅᓂᖅ ᐱᒻᒪᕆᐅᔪᖅ ᓄᑕᖅᑲᓄᑦ ᐅᑭᐅᓕᖕᓄᑦ ᑐᖔᓂ ᒪᕐᕉᒃ ᐊᒻᒪ ᕿᑐᕐᖓᒃᓴᖃᖅᑐᓄᑦ ᐃᕐᓂᕝᕕᒃᓴᖏᓐᓄᑦ ᖃᒃᓕᔪᓄᑦ.

ᑐᓴᖅᑎᑦᑎᔾᔪᑎᒃᑲᓐᓃᑦ ᐱᑎᑕᐅᓂᐊᖅᑐᑦ ᓄᓇᓕᖕᒥ ᓈᓚᐅᑎᒃᑯᑦ. ᑐᓴᕆᐊᒃᑲᓐᓂᕈᑎᓄᑦ, ᐅᖃᓗᒃᕕᒋᓗᒋᑦ ᓄᓇᓕᔅᓯᓐᓂ ᐋᓐᓂᐊᕕᒃ.

###

ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᖅ:

ᐅᕐᒪ ᐊᐅᑲᔅ
ᐊᐅᓚᑦᑎᔨ, ᑐᓴᐅᒪᔪᓕᕆᔨᒃᑯᑦ ᑭᒃᑯᑐᐃᓐᓇᕐᓅᖓᔪᓄᓪᓗ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
iarkus@gov.nu.ca