ᐅᖃᓚᐅᑎᓯᐅᑏᑦ

You are here

ᐳᕙᓪᓗᓐᓇᖅᑐᖅ ᓯᐊᒻᒪᑦᑐᖅ ᐸᓐᓂᖅᑑᕐᒥ

ᓄᕕᐱᕆ 25, 2021

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑐᓴᖅᑎᑦᑎᔾᔪᑎᑦ

ᐳᕙᓪᓗᓐᓇᖅᑐᖅ ᓯᐊᒻᒪᑦᑐᖅ ᐸᓐᓂᖅᑑᕐᒥ

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᖃᐅᔨᒪᖁᔨᕗᖅ ᐸᓐᓂᖅᑑᕐᒥᐅᓂᑦ ᐊᒥᓱᕈᖅᓯᒪᓂᖏᓐᓄᑦ ᐳᕙᓪᓗᓐᓇᖅᑐᒧᑦ ᐋᓐᓂᐊᔪᑦ (TB) ᓄᓇᓕᒻᒥ, ᑖᒃᑯᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᓇᓗᓇᖅᓯᕗᑦ ᓯᐊᒻᒪᔅᓯᒪᓕᕐᓂᖓᓂᑦ ᐳᕙᓪᓗᓐᓇᖅᑐᖅ.

ᒫᓐᓇᒫᖅ ᐋᓐᓂᐊᕕᒻᒥᑦ ᐃᖅᑲᓇᐃᔭᖅᑎᖏᑦ ᑐᑭᑖᕈᓐᓇᖃᑦᑕᓚᐅᕐᒪᑕ ᓇᑭᑦ ᐊᐃᑦᑐᖅᑕᐅᒻᒪᖔᑕ ᐸᓐᓂᖅᑑᕐᒥ ᐊᒻᒪᓗ ᑕᒪᓐᓇ ᐊᐅᓚᑕᐅᔪᓐᓇᖅᓯᒪᑦᑎᐊᓚᐅᖅᑐᓂ ᖃᐅᔨᓴᖅᑕᐅᖏᓐᓇᖃᑦᑕᖅᑐᑦ ᐋᓐᓂᐊᕕᒻᒥ. ᑕᐃᒪᐃᒃᑲᓗᐊᖅᑎᓪᓗᒍᓕ, ᐊᒥᓱᕈᖅᐸᓪᓕᐊᓯᒪᐃᓐᓇᕐᖓᑕ ᐋᓐᓂᐊᓕᖅᓯᒪᔪᑦ ᐊᒻᒪᓗ ᑖᒃᑯᐊ ᖃᓄᖅ ᓇᑭᐅᒻᒪᖔᑕ ᓇᓗᓇᖅᓯᓪᓗᓂ ᐋᓐᓂᐊᔪᑦ ᓇᓪᓕᐊᓐᓂᒃ ᐋᓐᓂᐊᔪᒧᑦ ᐊᐃᑦᑐᖅᑕᐅᓯᒪᒻᒪᖔᑕ ᑕᒪᓐᓇ ᐱᓪᓗᒍ ᐋᓐᓂᐊᕕᒃᑯᓐᓂᑦ ᑖᒃᑯᐊ ᑲᒪᒋᔭᐅᒋᐊᒃᑲᓐᓂᕆᐊᖃᓕᖅᑐᑦ. ᑕᐃᒪᐃᒻᒪᑦ, ᖃᓄᐃᓐᓂᐅᔪᖅ ᐱᓪᓗᒍ ᒫᓐᓇᓇᓗᓇᐃᖅᑕᐅᕗᖅ ᓯᐊᒻᒪᔅᓯᒪᓂᓕᕐᓂᖓᓂᑦ ᓅᕖᕝᕙ 25, 2021ᒥ.

ᓄᓇᓖᑦ ᐃᓄᖏᑦ ᐋᓐᓂᐊᓕᖅᓯᒪᔪᒧᑦ ᐳᕙᓪᓗᓐᓇᖅᑐᓕᒻᒧᑦ, ᐅᕝᕙᓘᓐᓃᑦ ᐳᕙᓪᓗᓐᓇᖅᑐᒧᑦ ᐋᓐᓂᐊᕈᑕᐅᖃᑦᑕᖅᑐᓂᑦ ᐃᑉᐱᓐᓂᐊᒋᔭᖃᖅᐸᑕ ᐋᓐᓂᐊᕕᓕᐊᕆᐊᖃᖅᑐᑦ ᖃᐅᔨᓴᖅᑕᐅᓂᐊᖓᑕ. ᒪᑯᐊᖑᕗᑦ ᐋᓐᓂᐊᕈᑕᐅᖃᑦᑕᖅᑐᖅ ᐳᕙᓪᓗᓐᓇᖅᑐᖃᖅᑎᓪᓗᒋᑦ:

  • ᖁᐃᖅᓱᖃᑦᑕᖅᑐᑦ ᐊᑯᓂᐅᓂᖅᓴᐅᓕᖅᐸᑦ ᐱᓇᓱᐊᕈᓯᑦ ᐱᖓᓱᑦ ᐅᖓᑖᓄᑦ ᑎᑭᓪᓗᒍ;
  • ᑕᖃᒪᐃᓐᓇᖅᑑᔮᕐᓗᑎᑦ;
  • ᓂᕿᒥᑦ ᑲᔾᔮᕆᔭᖃᕈᓐᓃᖅᓯᒪᓗᑎᑦ;
  • ᐆᓇᕐᓗᑎᑦ ᐅᕝᕙᓘᓐᓃᑦ ᐅᓐᓄᐊᒃᑯᑦ ᐊᐅᒃᑲᓐᓂᖓᖃᑦᑕᕐᓗᓂ;

ᑭᓇᑐᐃᓐᓇᖅ ᑖᒃᑯᓂᖓ ᐋᓐᓂᐊᕈᑕᐅᖃᑦᑕᖅᑐᓂᑦ ᓇᓪᓕᐊᓐᓂᑐᐃᓐᓇᖅ ᐃᑉᐱᒋᔭᖃᖃᑦᑕᑉᐸᑦ ᐋᓐᓂᐊᕐᕕᓕᐊᕆᑦᑕᐅᑎᒋᔭᕆᐊᓕᒃ ᖃᐅᔨᓴᖅᑕᐅᒋᐊᖅᑐᕐᓗᓂᔭ. ᐳᕙᓪᓗᖕᓇᖅᑐᖅ ᖃᓄᐃᒍᓐᓃᕈᑕᐅᔪᓐᓇᖅᑐᑦ ᐃᓅᓕᓴᐅᑎᓄᑦ ᐊᑐᐃᓐᓇᐅᓪᓗᑎᓪᓗ ᓄᓇᓕᒻᒥ. ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᐋᓐᓂᐊᕐᕕᖕᒧᑦ ᐅᖄᓚᔪᓐᓇᖅᐳᑎᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᐃᑲᔪᐃᓐᓇᕐᓂᐊᖅᑐᑦ ᐊᒻᒪᓗ ᐃᑲᔪᕈᑎᔅᓴᓂᑦ ᐊᑐᐃᓐᓇᖃᐃᓐᓇᕐᓂᐊᖅᑐᑦ ᑖᒃᑯᐊ ᓈᒻᒪᑦᑐᓂᑦ ᐱᖃᖁᓪᓗᒋᑦ ᖃᐅᔨᓴᕈᑎᓂᑦ, ᐃᓕᓐᓂᐊᖅᑎᑦᑎᓂᕐᒥᑦ, ᐊᒻᒪᓗ ᐃᔭᒐᕐᓂᑦ ᐃᑲᔪᕐᓂᕐᒥᓪᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommervillle1@gov.nu.ca