ᐅᖃᓚᐅᑎᓯᐅᑏᑦ

You are here

ᖃᓂᑦᑎᐊᕆᖕᓂᕐᒧᑦ ᑕᖅᑭᖓ

ᐄᐳᕈ 01, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᖃᓂᑦᑎᐊᕆᖕᓂᕐᒧᑦ ᑕᖅᑭᖓ

ᐊᐃᕆᓕ ᖃᓂᑦᑎᐊᕆᖕᓂᕐᒧᑦ ᑕᖅᑭᕆᔭᐅᕗᖅ. ᑕᒪᑐᒪᓂ ᐊᕐᕌᒍᒥ, ᑲᓇᑕᒥ ᖃᓂᑦᑎᐊᕆᒃᑐᓕᕆᔩᑦ ᑐᓴᖅᑎᑦᑎᓚᐅᖅᐳᑦ ᐱᓕᕆᐊᖑᓂᐊᖅᑐᒥᒃ "Oral Health for Total Health," ᐃᖅᑲᐃᓯᔾᔪᑕᐅᓗᓂ ᖃᓂᕗᑦ ᑲᒪᒋᑦᑎᐊᖃᑦᑕᕈᑦᑎᒍᑦ ᖃᓄᓗᒃᑖᖅ ᖃᓄᐃᙱᑦᑎᐊᕈᓯᑦᑎᓐᓄᑦ ᖃᓄᐃᙱᑦᑎᐊᕈᑕᐅᔪᓐᓇᕐᓂᖓᓄᑦ.

ᑭᒍᑎᓯᐅᑦᑎᐊᖅᐸᒡᓗᓂ ᖃᓂᕐᓗ ᓴᓗᒪᑎᑦᑎᐊᕋᓱᐃᓐᓇᕐᓗᒍ ᓯᐅᕋᐅᔮᖅᑐᓕᓗᐊᖅᓯᒪᔪᓂᒡᓗ ᓂᐅᖅᓯᑲᑕᐃᓐᓇᙱᒃᑲᓗᐊᕐᓗᑕ ᐃᑲᔫᑎᖃᑦᑎᐊᕈᓐᓇᖅᐳᑦ ᖃᓄᓗᒃᑖᖅ ᖃᓄᐃᙱᑦᑎᐊᕈᓯᑦᑎᓐᓄᑦ. ᖃᓃᑦ ᖃᓄᐃᙱᑦᑎᐊᖅᑐᑦ ᑎᒦᓪᓗ ᖃᓄᐃᙱᑦᑎᐊᖅᑐᑦ ᑐᑭᖃᖅᐳᖅ ᓄᓇᕗᒥᐅᑦ ᖃᓄᐃᙱᑦᑎᐊᕐᓂᖏᓐᓂᒃ.

ᖃᓂᑦᑎᐊᕆᖃᑕᐅᔪᒪᕕᑦ? ᐅᑯᐊ ᓇᓕᐊᑐᐃᓐᓇᖅ ᐆᒃᑐᕈᓐᓇᖅᐸᙱᑦ:

  • ᑭᒍᑎᓯᐅᖅᐸᒡᓗᑎᑦ ᑭᒍᑎᓄᑦ ᓴᙱᓕᖅᓴᐅᓯᖅᓯᒪᔪᒧᑦ ᑯᒃᑭᖐᔭᖅᐸᒡᓗᑎᓪᓗ ᐅᓪᓗᕐᒥ ᒪᕐᕈᐃᖅᓱᕐᓗᑎᑦ.
  • ᖃᓂᖅᓯ ᐅᔾᔨᖅᓱᑦᑎᐊᖅᐸᒡᓗᓯᐅ ᐊᓯᔾᔨᖅᑐᖃᙱᒃᑲᓗᐊᕐᒪᖔᑦ.
  • ᓂᕆᔭᒃᓴᑦᑎᐊᕙᖕᓂᒃ ᓂᕆᕙᒡᓗᓯ, ᓲᕐᓗ ᓂᕿᓪᓚᑦᑖᓂᒃ, ᖃᓄᐃᙱᑦᑎᐊᕐᓇᖅᑐᓂᒡᓗ ᓂᐅᖅᑲᒐᕐᓂᒃ ᓲᕐᓗ ᐃᒪᕐᒥᒃ, ᖃᓂᖅᓱᓐᓂᓛᕿᓐᓇᙱᑦᑐᓂᒃ ᐃᕐᕈᖅᑐᕈᑕᐅᔪᓐᓇᖅᖢᑎᒡᓗ ᖁᐱᕐᕈᐊᕐᔪᖕᓄᑦ ᐆᒪᔪᒐᓚᖕᓄᓪᓗ ᐊᐅᓂᖅᑖᕐᓇᖅᑐᓄᑦ.
  • ᐃᒥᐊᓗᒃ, ᑎᐹᒃ ᐊᒻᒪ ᓱᕐᕋᖕᓇᖅᑐᑦ ᐱᑦᑕᐃᓕᒪᕙᒡᓗᒋᑦ.
  • ᖃᓂᑦᑎᐊᕆᒃᑐᓕᕆᔨᓯ ᐅᐸᒐᔪᒡᓗᓯᐅᒃ ᐅᐸᒍᓐᓇᖅᓯᒑᖓᔅᓯᐅᒃ.

ᖃᓂᑦᑎᐊᕆᖕᓇᐅᑎᓪᓗᒍ, ᓄᓇᔅᓯᓐᓂ ᖃᓂᑦᑎᐊᕆᒃᑐᓕᕆᔨᓯ ᐅᐸᒃᐸᒡᓗᓯᐅᒃ, ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨ ᐅᕝᕙᓘᓐᓃᑦ ᑭᒍᑎᓕᕆᔨᒧᑦ ᐃᓚᐅᑲᑕᒡᓗᓯᓗ ᖁᕕᐊᓱᒃᑎᑕᐅᔪᓂᒃ ᖃᓄᑐᐃᓐᓇᖅ ᐅᑭᐅᓕᖕᓄᑦ, ᓵᓚᒃᓴᐅᓯᐊᒃᓴᖃᐅᑦᑎᐊᖅᖢᓂᓗ ᐱᓇᓱᐊᕈᓯᑕᒫᑦ ᓄᒡᓗᒃᑕᐅᖃᑦᑕᕐᓂᐊᖅᑐᓂᒃ. ᖃᓂᑦᑎᐊᕆᖕᓇᖅ ᐅᓪᓗᖅ ᖁᕕᐊᓲᑕᐅᓛᖅᑐᖅ ᐊᐃᕆᓕ 30, 2021−ᖑᓕᖅᐸᑦ. ᑲᓇᑕᒥ ᖃᓂᑦᑎᐊᕆᒃᑐᓕᕆᔨᒃᑯᑦ ᐱᓇᓱᐊᕈᓯᖃᖅᑎᑦᑎᓛᖅᑐᑦ ᐊᐃᕆᓕ 4-ᒥ 10−ᒧᑦ.

ᖃᐅᔨᒋᐊᒃᑲᓐᓂᕈᒪᒍᔅᓯ ᐅᕗᖓ ᑕᑯᒋᐊᕈᓐᓇᖅᐳᓯ: http://www.nunavutsmiles.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᓄᓇᕗᑦ ᒐᕙᒪᖓᑦ
867-975-5949
cpuglia@gov.nu.ca