You are here

ᕿᒻᒥᖅ ᖃᐅᔨᓴᖅᑕᐅᔾᔪᑎᖓ ᖃᐅᔨᑎᑦᑎᔪᖅ ᐱᖦᖤᖏᓴᙱᓐᓂᖓᓂᒃ ᑲᖏᕐᖠᓂᕐᒥ

ᑎᓯᐱᕆ 02, 2022

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᕿᒻᒥᖅ ᖃᐅᔨᓴᖅᑕᐅᔾᔪᑎᖓ ᖃᐅᔨᑎᑦᑎᔪᖅ ᐱᖦᖤᖏᓴᙱᓐᓂᖓᓂᒃ ᑲᖏᕐᖠᓂᕐᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᒃᑲᐃᔪᑦ ᓄᓇᓕᐅᔪᓂ ᑲᖏᕐᖠᓂᕐᒥ ᕿᒻᒥᖅ ᑐᖁᑕᐅᓯᒪᔪᖅ ᒪᓕᒐᕋᓛᓕᕆᔨᒧᑦ ᐱᖦᖤᖏᓴᕋᓱᒋᔭᐅᓪᓗᓂ ᖃᐅᔨᓴᖅᑕᐅᓂᖓᒍᑦ ᐱᖃᙱᑦᑐᖅ ᐋᓐᓂᐊᒥ.

ᐅᓗᕆᐊᓇᕐᓂᖓᓄᑦ ᐱᖦᖤᙱᓴᖅᑐᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᐅᔾᔨᒋᐊᖅᑐᑦ ᓄᓇᓕᐅᔪᓕᒫᑦ ᐅᔾᔨᖅᓱᕐᓗᑎᒃ ᓂᕐᔪᑎᓂᒃ ᐃᓕᖅᑯᓯᕆᙱᑕᖏᓐᓂ ᐊᑐᖅᑰᔨᔪᖃᖅᑐᓂ.

ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐃᓅᓕᓴᖅᑕᐅᓯᑲᐅᑎᒋᔭᕆᐊᖃᖅᐳᖅ ᑮᔭᐅᓐᓂᕈᓂ, ᐱᖦᖤᙱᓴᖅᑐᒧᑦ ᐊᐃᑦᑐᕐᓗᒃᑕᐅᔪᑦ  ᐊᑦᑕᕐᓇᖅᑐᒦᕐᔪᐊᓕᕋᔪᖕᒪᑕ.

ᑎᒍᐊᕆᔭᐅᔪᑦ ᐃᐱᖅᓯᒪᐃᓐᓇᐅᔭᖅᑐᑦ ᓯᓚᒥ ᖃᐅᔨᓴᖅᑕᐅᖃᑦᑕᕆᐊᖃᖅᐳᑦ ᐃᓕᖅᑯᓯᖓ ᐊᓯᔾᔨᖅᓯᒪᖕᒪᖔᑦ ᐊᒻᒪ ᐱᖦᖤᙱᓴᖅᑰᔨᖕᒪᖔᑦ. ᐱᖦᖤᙱᓴᖅᑐᑦ ᐃᒪᐃᑦᑐᓐᓇᖅᐳᑦ ᐃᓕᖅᑯᓯᖅᓱᕈᓐᓃᕐᓗᑎᒃ, ᐱᓱᒡᒐᕐᓗᑎᒃ, ᖃᓂᒃᑯᑦ ᖃᐳᐊᒡᓗᑎᒃ, ᐊᓂᖅᓵᖅᑐᒡᒐᕐᓗᑎᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᓗᑎᒃ.  ᐆᒪᔪᒥᒃ ᑕᐃᒪᐃᓕᖓᔪᒥᒃ ᑕᑯᒍᕕᑦ ᓱᖁᑎᒋᔭᕆᐊᖃᙱᑕᑦ ᐅᖃᐅᓯᕆᓗᒍᓗ ᐊᕙᑎᓕᕆᔨᒃᑯᑦ ᑎᑎᕋᕐᕕᖓᓄᑦ ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒧᑦ. 

ᑎᕆᒐᓂᐊᕐᒥᒃ ᐊᒪᖅᑯᒥᒡᓘᓐᓃᑦ ᓄᓇᓕᖕᒦᑦᑐᒥᒃ ᑕᑯᓐᓂᕈᕕᑦ, ᑐᓴᖅᑎᑦᑕᕆᐊᖃᖅᑐᖅ ᐆᒪᔪᕐᓂᐊᖅᑎ ᐅᖃᓗᒡᕕᐅᓗᓂᓘᓐᓃᑦ ᐅᕗᖓ 867-645-8084. ᕿᒻᒦᑦ ᖃᓂᕝᕕᓯᐅᕐᓂᕈᓂ ᑎᕆᒐᓂᐊᕐᒧᑦ ᐊᒪᖅᑯᒧᓪᓘᓐᓃᑦ, ᐅᖄᓚᓗᑎᑦ ᐊᕕᒃᑐᖅᓯᒪᔪᓂ ᐊᕙᑎᓕᕆᔨᒧᑦ ᐅᕗᖓ 867 975 1163.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
cpuglia@gov.nu.ca