ᐅᖃᓚᐅᑎᓯᐅᑏᑦ

You are here

ᖁᐃᖅᓱᕐᔪᐊᕐᓇᖅᑐᖅ ᓄᕙᖕᓇᖅ ᓴᓂᑭᓗᐊᕐᒥ

ᒪᐃ 28, 2020


ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᖁᐃᖅᓱᕐᔪᐊᕐᓇᖅᑐᖅ ᓄᕙᖕᓇᖅ ᓴᓂᑭᓗᐊᕐᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥᐅᓂᑦ ᐅᔾᔨᖅᓱᖁᔨᕗᑦ, ᐱᓗᐊᖅᑐᒥᑦ ᓄᑕᕋᓛᖃᖅᑐᓂᑦ, ᐊᒻᒪ ᓄᑕᕋᑯᓗᖕᓂᑦ ᓇᓗᓇᐃᖅᑕᐅᓯᒪᔪᖃᓕᕐᒪᑦ ᖁᐃᖅᓱᕐᔪᐊᕐᓇᖅᑐᒥᑦ ᓄᕙᖕᓇᒥᑦ (ᖁᐃᖅᓱᑰᔨᓂᖅ) ᓴᓂᑭᓗᐊᕐᒥ. ᑭᓇᑐᐃᓐᓇᖅ ᖁᐃᖅᓱᕐᔪᐊᕐᓇᖅᑐᒥᑦ ᓄᕙᓕᕈᓐᓇᖅᑐᖅ, ᑭᓯᐊᓂ ᓄᕙᓕᕐᓂᖅᐹᖑᖃᑦᑕᖅᑐᑦ ᓄᑕᕋᐃᑦ ᐅᑭᐅᖅᑖᖅᓯᒪᓐᖏᑦᑐᑦ ᓱᓕ.

ᖁᐃᖅᓱᕐᔪᐊᕐᓇᖅᑐ ᓄᕙᖕᓇᖅ ᐃᒡᒋᐊᕐᓗᓕᕐᓇᖅᑐᖅ ᐳᕙᒃᑯᓪᓗ ᐋᓐᓂᐊᕐᓇᖅᖢᓂ ᐊᒻᒪ ᐊᐃᑦᑐᕐᓘᑕᐅᓴᕋᐃᓐᓇᖅᖢᓂ ᐃᓄᖕᒧᑦ. ᐋᓐᓂᐊᕈᕕᑦ ᕿᑐᕐᖓᐃᓪᓘᓐᓃᑦ ᐋᓐᓂᐊᕈᓂ, ᐊᖏᕐᕋᖅᓯᒪᑐᐃᓐᓇᕐᓂᐊᖅᐳᓯ ᐊᒻᒪ ᐃᓄᖕᓄᐊᑲᑕᙱᓪᓗᓯ ᑭᓯᐊᓂ ᐋᓐᓂᐊᑲᑕᒍᓐᓃᕈᕕᑦ. ᑕᐃᒫᒃ ᖃᓂᒪᓐᓇᒥᒃ ᐊᐃᑦᑐᕐᓗᐃᖏᓐᓂᖅᓴᐅᓂᐊᖅᐳᑦ.

ᖃᐅᔨᔭᐅᓴᕋᐃᓪᓗᓂ ᐋᓐᓂᐊᕈᑎᖓᓂᑦ ᐊᒻᒪ ᐃᓅᓕᓴᐅᑎᒨᖅᑎᑕᐅᓗᓂ ᐱᒻᒪᕆᐅᔪᖅ. ᐋᓐᓂᐊᕐᕕᖕᒧᑦ ᐅᖃᓗᖕᓂᐊᖅᐳᑎᑦ ᑭᓇᑐᐃᓐᓇᖅ ᐃᒡᓗᒥᐅᖃᑏᑦ ᑖᒃᑯᓂᖓ ᐋᓐᓂᐊᑲᑕᓕᖅᐸᑦ:

  • ᖁᐃᖅᓱᑲᑕᒃᑐᖅ ᐱᓇᓱᐊᕈᓯᐅᑉ ᐅᖓᑖᓂ.
  • ᖁᐃᖅᓱᓚᐅᕐᓗᓂ ᐊᒻᒪ ᖁᐃᖅᓱᐊᓂᒃᑯᓂ ᐊᔾᔨᐅᙱᑦᑐᒥᑦ ᓂᐱᖃᖅᐸᑦ ᓲᕐᓗ "ᐆᑉ".
  • ᐊᓂᖅᓵᒡᒐᓕᖅᐸᒡᓗᓂ.
  • ᒥᕆᐊᖃᑦᑕᕐᓗᓂ ᖁᐃᖅᓱᐊᓂᒃᑳᖓᑦ.
  • ᐅᓐᓄᐊᒃᑯᑦ ᖁᐃᖅᓱᕐᓂᖅᓴᐅᖃᑦᑕᕐᓗᓂ.
  • ᐆᓇᕐᓂᖓ ᖁᕙᓯᓗᐊᓕᖅᐸᑦ (39°C ᐅᖓᑖᓂᓗ) ᐅᓪᓗᑦ ᐱᖓᓱᑦ ᐅᖓᑖᓄᑦ.

ᖁᐃᖅᓱᕐᔪᐊᕐᓇᖅᑐᒥᑦ ᓄᕙᖕᓇᒥᑦ ᐊᐃᑦᑐᖅᑕᐅᑦᑕᐃᓕᒪᔪᓐᓇᖅᐳᑎᑦ ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᓕᖕᒧᑦ. ᐃᓄᐃᑦ ᑐᑭᓯᒋᐊᕆᐊᓖᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᕕᒃᓴᖏᓐᓄᑦ ᐊᙳᒻᒪᑎᒐᓗᐊᕐᒪᖔᑕ. ᐅᑯᐊᑦᑕᐅᖅ ᐅᔾᔨᖅᓱᕈᑏᑦ:

  • ᐊᒡᒐᑎᑦ ᐃᕐᕈᖅᑐᐃᓐᓇᖃᑦᑕᕐᓗᒋᑦ.
  • ᐊᐃᕐᓄᑦ ᒪᑐᐊᕐᓗᑎᑦ ᖁᐃᖅᓱᖅᐸᒡᓗᑎ ᐅᕙᓗ ᑲᒃᑭᐅᑎᒃᓴᒧᑦ.
  • ᓂᕆᔭᑎᑦ, ᐃᒥᖅᑕᑎᑦ ᐊᒥᖅᑳᖅᐸᙱᓪᓗᒋᑦ, ᓂᕆᔾᔪᑎᑎᑦ ᐅᕙᓗ ᑭᒍᑎᓯᐅᑎᑎᑦ ᐊᓯᖕᓄᑦ ᐊᑐᖅᑕᐅᑎᑦᑕᐃᓕᓗᒋᑦ.

ᖁᐃᖅᓱᕐᔪᐊᕐᓇᖅᑐᒧᑦ ᓄᕙᖕᓇᐅᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᐊ ᐅᖃᓕᒫᕈᓐᓇᖅᑕᑎᑦ ᐅᕙᓂ ᖁᐃᖅᓱᑰᔨᓐᓇᖅᑑᑉ ᖃᓄᐃᑦᑑᓂᖓ ᐊᑐᐃᓐᓇᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca