ᐅᖃᓚᐅᑎᓯᐅᑏᑦ

You are here

ᖁᓕᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ

ᓄᕕᐱᕆ 15, 2020

ᐱᕙᓪᓕᐊᔪᖅ ᓴᖅᑭᑕᖅ

ᖁᓕᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 15, 2020) − ᐅᓪᓗᒥ ᐅᓛᖅ ᓇᓗᓇᐃᖅᑕᐅᕗᖅ ᓄᓇᕗᒻᒥ 18ᓂᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᓂᑦ ᓄᕙᒡᔪᐊᕐᓇᖅ-19ᒧᑦ ᖃᐅᔨᓴᖅᑕᐅᓯᒪᔪᑦ ᓇᓗᓇᐃᖅᑕᐅᕗᑦ ᐋᓐᓂᐊᓕᖅᓯᒪᓕᔪᑦ. ᓄᑖᑦ ᓯᑕᒪᐅᔪᖅᑐᑦ ᐊᑕᐅᓯᕐᓗ (9) ᖃᐅᔨᔭᐅᔪᑦ ᓇᓗᓇᐃᖅᐅᕗᑦ ᐊᕐᕕᐊᓂᑦ, ᑖᒃᑯᐊ ᓄᓇᖓᓐᓂᒃ ᐊᒥᓲᓂᖏᑦ ᓇᓗᓇᐃᖅᐅᓯᒪᓪᓚᑦᑖᖅᑐᑦ ᐋᓐᓂᐊᓕᖅᓯᒪᓂᖏᑦ 14ᖑᑎᓕᖅᐳᑦ. ᐊᑕᐅᓯᕐᒥᑦ ᐃᓚᔪᑦ ᓇᓗᓇᐃᖅᑕᐅᔪᖅ ᑲᖏᖅᖠᓂᕐᒥᑦ, ᑕᕙᓂ ᓄᓇᓕᖕᒥᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᑦ ᐅᓄᕐᓂᖏᑦ ᒪᕐᕉᓕᖅᐴᒃ. ᓄᑖᖅ ᑲᖏᖅᖠᓂᖅ ᓇᓗᓇᐃᖅᑕᐅᔪᖅ ᐊᕐᕕᐊᕐᒧᑦ ᐊᑦᑐᐊᓂᖃᖅᐳᖅ.

"ᑖᒃᑯᐊ ᐅᓄᕐᓂᖏᑦ ᐊᕐᕕᐊᓂᑦ ᓄᕙᒡᔪᐊᕐᓇᖅ-19ᖃᓕᖅᑐᑦ, ᑭᓇᑐᐃᓐᓇᖅ ᐊᕐᕕᐊᕐᒥᐅᖅ ᐊᐅᓪᓚᖅᑐᕕᓂᐅᑉᐸᑦ ᐱᒋᐊᕐᓗᒍ ᐅᓪᓗᖓ ᓄᕕᐱᕆ 2 ᒫᓐᓇᑲᐅᑎᒋ ᐃᓄᑑᔭᕆᐊᖃᓕᖅᐳᖅ ᐅᓪᓗᓄᑦ 14ᓄᑦ ᓇᒦᑲᓗᐊᖅᐸᑕ," ᐅᖃᖅᑐᖅ ᓘᑦᑖᖅ ᒪᐃᑯ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓘᑦᑖᑦ ᐊᖓᔪᖅᑳᖓ. "ᐊᒻᒪᓗᑦᑕᐅᖅ, ᐊᕐᕕᐊᒻᒥᐅᑦ ᐃᓐᓇᕆᔭᖏᑦ ᓴᐳᔾᔭᐅᓯᒪᖁᓪᓗᒋᑦ, ᑕᐃᒃᑯᓄᖓ ᐊᖏᕐᕋᔭᕆᔭᐅᔪᓄᑦ ᐃᓐᓇᕐᓄᑦ ᐅᒡᓚᕆᐊᖃᕈᓐᓃᖅᑎᑕᐅᕗᑦ ᐃᒻᒪᖄ ᒪᕐᕉᓐᓄᒃ ᐱᓇᓱᐊᕈᓰᓐᓄᑦ. ᐊᔪᙱᑎᑕᐅᔪᓐᓇᕐᓂᐊᖅᑐᑦ ᑖᔅᓱᒧᐊ ᒪᓕᒐᓕᐊᒧᑦ ᐊᖏᖅᑕᐅᓯᒪᓗᑎᑦ ᑭᓯᐊᓂ ᐋᓐᓂᐊᕐᕕᒻᒥᑦ ᓘᑦᑖᒧᑦ ᑲᒪᔪᒧᑦ ᐊᑐᐃᓐᓇᐅᔪᒧᑦ."

ᑕᒪᕐᒥᒃ ᑖᒃᑯᐊ ᐃᓄᐃᑦ ᐃᓄᑑᑎᑕᐅᔪᑦ ᐊᒻᒪ ᖃᓄᐃᙱᑦᑐᑦ. ᑐᐊᕕᕐᓇᑐᖃᖅᑎᓪᓗᒍ ᐃᓗᐊᖅᓴᐃᔩᑦ ᐱᓕᕆᖃᑎᒌᑦ ᑕᐃᑲᓃᑦᑐᑦ ᐱᖓᓱᓂᑦ ᐊᑦᑐᖅᑕᐅᓯᒪᔪᓂᑦ ᓄᓇᓕᖕᓂᑦ, ᐃᑲᔪᕆᐊᖅᓯᒪᔪᑦ ᐊᕕᑦᑐᖅᓱᒪᔪᓂᑦ ᐊᒻᒪ ᓄᓇᕗᒻᒥ ᐋᓐᓂᐊᕐᕕᐅᔪᓂᑦ ᐱᓕᕆᖃᔨᖏᓐᓂᑦ. ᒫᓐᓇᐅᑎᓪᓗᒍ, ᓇᓗᓇᕈᓐᓂᖅᑐᖅ ᑕᑯᒃᓴᐅᓕᖅᑐᖅ ᑕᐃᑲᓂ ᓄᓇᓕᒻᒥᑦ ᐊᐃᑦᑐᐃᖃᑦᑕᐅᓯᒪᔪᑦ ᐊᕐᕕᐊᓂ, ᑲᖏᖅᖠᓂᖅ ᑕᒪᓐᓇ ᑕᐃᒪᓕᖓᖏᑦᑐᖅ ᓴᓂᑭᓗᐊᕐᒥᓪᓗ. ᓄᓇᓕᓐᓂᑦ ᐊᐃᑦᑐᐃᖃᑦᑕᐅᓯᒪᓂᐅᔪᖅ ᐊᑐᖃᑦᑕᖅᐳᖅ ᖃᐅᔨᒪᓇᕈᓐᓃᑎᓪᓗᒍ ᓇᑭ ᐊᐃᑦᑐᖅᑕᐅᓯᒪᓕᕐᒪᖔᖅ ᑭᓇᒃᑯᓐᓂᒃ ᑲᑎᓯᓚᖅᑐᕕᓂᐅᓂᖓᓂ ᐋᓐᓂᐊᔪᒥᑦ.

ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓖᑦ ᑲᑎᓯᓯᒪᔪᕕᓃᑦ ᑲᖏᖅᖠᓂᕐᒥ, ᓴᓂᑭᓗᐊᕐᒥ ᐊᒻᒪ ᐊᕐᕕᐊᓂᑦ ᖃᐅᔨᓴᖅᑕᐅᖏᓐᓇᖅᐳᑦ, ᑕᒪᓐᓇ ᐃᓱᓕᑦᑎᑕᐅᔪᓐᓇᖁᓪᓗᒍ ᑭᓇᒃᑯᑦ ᑲᑎᓯᓯᒪᔪᕕᓃᑦ ᖃᐅᔨᔭᐅᓗᑎᑦ ᐊᒻᒪ ᑖᓐᓇ ᓄᖅᑲᖓᑎᑕᐅᓗᓂ ᐋᓐᓂᐊᓕᕐᓇᖅᑐᖅ.

ᐱᒻᒪᕆᐅᕗᖅ ᓄᓇᕗᒻᒥᐅᑦ ᒪᓕᑦᑎᐊᖏᓐᓇᕐᓗᑎᑦ ᐊᑐᓪᓚᑦᑖᕐᓗᑎᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᓕᐅᖁᔭᐅᔪᑦ ᒪᓕᓪᓗᒋᑦ ᐃᓕᔭᐅᓯᒪᔪᑦ − ᐃᓄᐃᑦ ᑲᑎᖃᑦᑕᖅᑕᑎᑦ ᖃᑦᑏᓐᓇᕈᕆᐊᕐᓗᒋᑦ, ᐊᒡᒐᑎᑦ ᐅᐊᓴᐃᓐᓇᕐᓗᒋᑦ, ᖃᓂᒋᐅᑎᑦᑕᐃᓕᒪᐃᓐᓇᕐᓗᓯ ᖃᖓᓕᒫᖅ ᐊᔪᕐᓇᖏᑉᐸᑦ, ᐅᒡᓚᖅᑕᖏᓪᓗᓯ ᐊᖏᕐᕋᓐᓂᒃ ᐊᐃᓯᒪᐃᓐᓇᕐᓗᓯ ᐋᓐᓂᐊᒍᕕᑦ ᐊᑲᐅᑦᑎᐊᖏᒃᑯᕕᑦ. ᐃᓄᓐᒧᒃ ᐱᓂᐊᕐᓂᐅᔪᑦ ᐊᑦᑐᐃᔪᒻᒪᑕ ᐊᓯᖏᓐᓂ ᑭᒃᑯᑐᐃᓐᓇᓕᒫᓂᑦ ᖃᓄᐃᓐᓂᕆᔭᖏᓐᓂᑦ ᑎᒥᒃᑯᑦ.

ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᑉᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᐅᔾᔨᖁᔭᐅᕗᖅ ᐅᖄᓚᓗᓂ ᓄᕙᒡᔪᐊᕐᓇᖕᒧᑦ ᐅᖄᓚᕕᒻᒧ ᐅᕗᖓ 1-888-975-8601 ᐅᑯᐊ ᐃᑲᕐᕋᖏᓐᓂᑦ 10−ᒥᑦ ᐅᓪᓛᒃᑯᑦ ᐊᒻᒪᓗ 6−ᒧᑦ ᐅᓐᓄᒃᑯᑦ. ᑲᓇᖕᓂᕐᒥᐅᑦ ᖃᐅᔨᓴᐅᑎᖓᑎᒍᑦ, ᖃᐅᔨᑎᓪᓗᒍᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᒃᑎᒃ ᖃᐅᔨᑎᑲᐅᑎᒋᓗᒍ, ᐃᒻᒥᓂᒡᓗ ᐅᐸᒃᑕᐅᑦᑕᐃᓕᒪᑎᓯᑲᐅᑎᒋᓗᓂ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ.

ᓄᑖᖑᕆᐊᖅᓯᒪᔪᓂᑦ ᑐᓴᒐᒃᓴᑦ ᑐᓴᒐᒃᓴᙳᓵᖅᑐᓪᓗ ᓄᕙᒡᔪᐊᕐᓇᖅ-19 ᒥᒃᓵᓄᑦ ᓄᓇᕗᒻᒥ ᐊᑐᐃᓐᓇᐅᖕᒥᔪᑦ ᖃᕆᑕᐅᔭᒃᑯᑦ ᐅᕙᓂ: https://www.gov.nu.ca/iu/aanniaqangnanngittulirijikku/information/aniqsa....

ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᕐᓂᐊᖅᐳᖅ ᖃᐅᔨᓴᐅᑦ 11ᒥ ᐅᓪᓚᒃᑯᑦ ᐱᕙᓪᓕᐊᔪᓄᑦ ᑐᓴᖅᑎᑦᑎᔪᖃᓕᖅᐸᑦ ᓄᕕᐱᕆ 16−ᒥ.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ ᐊ
ᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca