ᐅᖃᓚᐅᑎᓯᐅᑏᑦ

You are here

ᓴᓗᒻᒪᖅᓴᐃᓂᖅ ᐊᒻᒪ ᖁᐱᕐᕈᐃᔭᐃᓂᖅ ᑐᖅᑯᕆᐊᖃᕐᓂᖏᓪᓗ

ᔪᓚᐃ 10, 2020

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓴᓗᒻᒪᖅᓴᐃᓂᖅ ᐊᒻᒪ ᖁᐱᕐᕈᐃᔭᐃᓂᖅ ᑐᖅᑯᕆᐊᖃᕐᓂᖏᓪᓗ

ᓴᓗᒻᒪᖅᓴᐃᓪᓗᓂ ᐊᓪᓚᖅᑎᒐᒃᓴᓂᒃ ᓲᕐᓗ ᐋᓪᓕᕋᐅᔭᐃᑦ ᖄᖏᓐᓂᒃ, ᐹᑦ ᑎᒍᒻᒥᕕᖏᓐᓂᒃ, ᐊᒻᒪ ᐱᙳᐊᓂᒃ, ᓯᐊᒻᒪᒃᑎᓗᐊᕐᓇᙱᑦᑐᖅ ᓄᕙᒡᔪᐊᕐᓇᖅ-19−ᒥ. ᐊᒡᒐᕗᑦ ᐅᐊᓴᑦᑎᐊᖃᑦᑕᕈᑦᑎᒍᑦ ᐊᒻᒪ ᐊᒡᒐᖕᓄᑦ ᖁᐱᕐᕈᐃᔭᐃᔭᐅᑎᓂᒃ ᐊᒡᒐᕗᑦ ᐊᓪᓚᖅᑎᕋᔪᒃᑯᑦᑎᒍᑦ ᖁᐱᕐᕈᐊᕐᔪᖕᓂ ᓯᐊᒻᒪᒃᑎᙱᑦᑐᓐᓇᕐᒥᔪᒍᑦ, ᐱᒻᒪᕆᐊᓘᓪᓗᓂ ᐅᕙᑦᑎᓐᓄᑦ ᐃᓅᖃᑎᑦᑎᓐᓄᓪᓗ ᐊᑦᑕᕐᓇᖅᑐᐊᒧᐊᙱᔾᔪᑎᒋᔪᓐᓇᕋᑦᑎᒍᑦ.
ᖃᐅᔨᒪᑦᑎᐊᕆᐊᖅᐸᒡᓗᓯ ᐊᒡᒐᓯ ᖁᐱᕐᕈᐃᔭᐃᔭᐅᑎᓄᑦ ᐊᓪᓚᖅᑎᕋᔪᒡᓗᒋᑦ ᑐᖅᑯᖅᐸᒡᓗᒋᓪᓗ ᐊᒻᒪ ᐃᒡᓗᒧᑦ ᓴᓗᒻᒪᖅᓴᐅᑎᑦ ᐊᑦᑕᕐᓇᖅᑐᒦᑎᙱᓪᓗᒋᑦ ᐅᑯᐊ ᐃᑲᔫᑎᒃᓴᑦ ᒪᓕᒡᓗᒋᑦ:

ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᓂᒃ ᐊᑐᕐᓂᖅ ᐊᒻᒪ ᑐᖅᑯᖅᓯᓂᖅ:

  • ᐊᒑᖕᒧᑦ ᖁᐱᕐᕈᐃᔭᐃᔭᐅᓯᕈᓐᓇᖅᑐᓯ ᑭᓱᑐᐃᓐᓇᓂᒃ ᐊᒃᑐᖅᓯᐊᓪᓚᓚᐅᕐᓗᓯ, ᐅᕝᕙᓘᓐᓃᑦ ᑕᒋᐅᓚᐅᕐᓗᓯ ᖁᐃᖅᓱᐊᓪᓚᓚᐅᕐᓗᓯᓗ, ᑭᓯᐊᓂ ᐊᒡᒐᖕᒧᑐᐊᖅ ᐊᑐᖅᑕᐅᒋᐊᓕᑦ ᐃᑉᐸᓗᐊᕌᓗᙱᑉᐸᑕ ᐅᕝᕙᓘᓐᓃᑦ ᖃᐅᓯᙱᑉᐸᑕ. ᒥᑭᑦᑐᑯᓗᖕᒥ ᐊᒡᒐᖕᒧᑦ ᑯᓯᖅᑎᑦᑎᒋᐊᖃᖅᐳᓯ ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᒥᒃ ᐃᓪᓕᕆᒋᐊᖃᓕᕌᔅᓯ.
  • ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᑦ ᐅᖁᒻᒥᖅᐸᙱᓪᓗᓯᐅᒃ ᐅᕝᕙᓘᓐᓃᑦ ᐃᔨᖕᓄᐊᖅᐸᙱᓪᓗᓯᐅᒃ. ᒥᑭᑦᑐᒻᒪᕆᐊᓘᒐᓗᐊᒥᒃ ᐊᒡᒐᒃᓯᐅᒻᒥᒃ ᐄᓯᓗᓂ ᓄᑕᖅᑲᓄᑦ ᑐᖁᓐᓇᖅᑐᖅ.
  • ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᓂᒃ ᐊᑐᖅᑎᓪᓗᓯ, ᐊᒡᒐᓯ ᐊᒃᓴᓕᑦᑎᐊᖅᐸᒡᓗᓯᐅᒃ ᐸᓂᑦᑎᐊᖅᐸᑕ ᑭᓯᐊᓂ.
  • ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᑦ ᓄᑕᖅᑲᓄᑦ ᑎᒍᐊᕆᔭᔅᓯᓐᓄᓪᓗ ᒪᓂᒪᑎᑉᐸᙱᓪᓗᒋᑦ. ᓄᑕᖅᑲᑦ ᐱᐅᒃᓴᑐᐃᓐᓇᕆᐊᖃᖅᑐᑦ ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᓄᑦ ᑎᐱᖃᕐᓂᖏᓐᓄᑦ ᐅᕝᕙᓘᓐᓃᑦ ᐴᖏᑦ ᑕᖅᓵᕐᓂᖏᓐᓄᑦ. ᓄᑕᖅᑲᑦ ᐊᒡᒐᖕᒧᑦ ᖁᐱᕐᕈᐃᔭᐃᔭᖃᑕᐅᔪᓐᓇᖅᑐᑦ ᑭᓯᐊᓂ ᐃᓐᓇᕐᓂᒃ ᑲᒪᒋᔭᐅᓗᑎᒃ.


ᐃᒡᓗᒧᑦ ᓴᓗᒻᒪᖅᓴᐅᑎᓂᒃ ᐊᑐᕐᓂᖅ ᐊᒻᒪ ᑐᖅᑯᖅᓯᓂᖅ:

  • ᓴᓗᒻᒪᖅᓴᐅᒻᒥᒃ ᐊᑐᓯᒋᐊᓚᐅᙱᓐᓂᔅᓯᓐᓂᒃ, ᖄᖓᓃᑦᑐᑦ ᓇᓕᖅᑲᑦ ᐅᖃᓕᒫᖅᑳᖅᐸᒡᓗᒋᑦ. ᑎᑎᕋᖅᓯᒪᔪᖃᖅᐸᑦ ᐃᒪᓐᓇ ᐅᔾᔨᖅᑐᑦᑎᐊᕐᓗᒋᑦ ᐃᒪᐃᓕᖓᔪᑦ 'ᐅᔾᔨᖅᓱᕆᐊᓕᒃ', ᐊᑦᑕᕐᓇᖅᑐᖅ', 'ᑐᖁᓐᓇᖅᑐᖅ'. ᐊᓯᖏᓪᓗ ᐅᔾᔨᖅᓱᖁᔨᓪᓗᑎᒃ ᖃᐅᔨᒃᑲᐃᔾᔪᑎᑦ.
  • ᐃᒡᓗᒧᑦ ᓴᓗᒻᒪᖅᓴᐅᑎᑦ ᐊᓯᖏᓐᓄᑦ ᐃᒡᓗᒧᑦ ᓴᓗᒻᒪᖅᓴᐅᑎᓄᑦ ᐃᓚᓕᐅᑎᓚᐅᖅᓯᒪᙱᓪᓗᒋᑦ.
  • ᓴᓗᒻᒪᖅᓴᐅᑎᐅᑉ ᐴᖓ ᑲᒪᒋᔭᐅᙱᓪᓗᓂ ᐃᒃᓯᓐᓇᓚᐅᖅᓯᒪᙱᓪᓗᒍ − ᓈᒻᒪᒋᔭᕐᓂᒃ ᐲᖅᓯᑐᐃᓐᓇᕐᓗᑎᑦ ᓴᓗᒻᒪᖅᓴᐅᑎᒃᓴᕐᓂᒃ, ᒪᑐᓗᒍ ᑐᖅᑯᕐᓗᒍᓗ ᐴᖓ ᐃᕐᖐᓐᓇᖅ.
  • ᐊᒡᒐᓯ ᐅᐊᓴᑦᑎᐊᖅᐸᒡᓗᓯᐅᒃ ᐆᓇᖅᑐᒧᑦ ᐃᒪᕐᒧᑦ ᓴᓗᒻᒪᖅᓴᐅᑎᓂᒃ ᐊᑐᐊᓂᒃᑳᖓᔅᓯ.
  • ᓴᓗᒻᒪᖅᓴᐅᑎᑦ ᐴᖏᓐᓃᑏᓐᓇᖅᐸᒡᓗᒋᑦ − ᓇᓗᓇᐃᒃᑯᑕᖏᑦ ᐲᔭᖅᐸᙱᓪᓗᒋᑦ, ᓂᕐᕆᓰᓪᓗ ᐃᒥᐅᑏᓪᓗ ᓴᓗᒻᒪᖅᓴᐅᓯᖅᐸᙱᓪᓗᒋᑦ.
  • ᓴᓗᒻᒪᖅᓴᐅᑎᑦ ᐳᖅᑐᔪᒥᒃ ᖁᓕᕈᐊᕐᒦᑎᑉᐸᒡᓗᒋᑦ ᓄᑕᖅᑲᓄᑦ ᑎᒍᐊᕆᔭᔅᓯᓐᓄᓪᓗ ᐃᓄᕐᓇᖅᑐᒥᒃ.
  • ᓄᑕᖅᑲᓄᑦ ᒪᒃᐱᖅᑕᐅᔭᙱᑦᑐᓂᒃ ᑮᒃᑕᖅᑐᓂᒃ/ᐊᑦᑕᑎᓂᒃ ᐃᓕᐅᖅᑲᕝᕕᒋᕙᒡᓗᒋᑦ ᒪᒃᐱᖅᑕᖅᑐᑦ ᐃᒡᓗᓯᐅᑎᓂᒃ ᓴᓗᒻᒪᖅᓴᐅᑎᒃᑯᕖᑦ.

ᐃᒡᓗᓯᐅᑎᑦ ᓴᓗᒻᒪᖅᓴᐅᑎᑦ ᐊᑦᑕᕐᓇᙱᑦᑐᑦ ᐊᒥᓲᔪᑦ ᒪᓕᒋᐊᖃᖅᑕᑦ ᒪᓕᒃᑕᐅᑦᑎᐊᑐᐊᕌᖓᑕ, ᑭᓯᐊᓂ ᐃᕝᕕᓪᓘᓐᓃᑦ ᑭᓇᓗᑭᐊᖅ ᐃᒡᓗᒥᐅᖃᑎᑦ ᐄᓯᓐᓂᕈᔅᓯ ᓴᓗᒻᒪᖅᓴᐅᒻᒥᒃ ᐅᕝᕙᓘᓐᓃᑦ ᐊᒡᒐᖕᒧᑦ ᖁᐱᕐᕈᐃᔭᐃᔭᐅᑎᒥᒃ, ᐅᕝᕙᓘᓐᓃᑦ ᑯᕕᓐᓂᕈᔅᓯ, ᐅᓯᕋᕐᓂᕈᔅᓯ, ᐅᕝᕙᓘᓐᓃᑦ ᖃᓄᐃᓕᓐᓇᖅᑐᐊᓗᖕᒥ ᖃᓄᐃᓕᑳᓪᓚᖕᓂᕈᔅᓯ, ᐋᓐᓂᕕᔅᓯᓐᓄᑦ ᐃᕐᖐᓐᓇᖅ ᖃᐅᔨᑎᑦᑎᖃᑦᑕᕐᓂᐊᖅᐳᓯ. ᐊᔪᕐᓇᙱᑉᐸᓪᓗ ᖃᓄᐃᓕᔾᔪᑎᒋᖅᑲᐅᔭᕕᑦ ᐴᖓ ᓇᒃᓴᕐᓗᒍ ᐋᓐᓂᐊᕕᓕᐊᕆᐊᖃᓯᑳᓪᓚᖕᓂᕈᔅᓯ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca