ᐅᖃᓚᐅᑎᓯᐅᑏᑦ

You are here

ᑕᓗᕐᔪᐊᕐᒥ ᐋᓐᓂᐊᕕᒃᑖᓵᒥ ᐱᓕᕆᓯᒋᐊᖅᐸᓪᓕᐊᓂᐊᓕᖅᑐᑦ

ᓯᑎᐱᕆ 16, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ
ᑕᓗᕐᔪᐊᕐᒥ ᐋᓐᓂᐊᕕᒃᑖᓵᒥ ᐱᓕᕆᓯᒋᐊᖅᐸᓪᓕᐊᓂᐊᓕᖅᑐᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖅᑎᑦᑎᔪᒪᕗᑦ ᑕᓗᕐᔪᐊᕐᒥᐅᓂᒃ ᐋᓐᓂᐊᕕᓕᐊᕐᓇᖅ ᐃᑲᕐᕋᕆᔭᒃᑯᑦ ᐱᒋᐊᕐᓂᐊᓕᕐᒥᖕᒪᑕ ᑕᓗᕐᔪᐊᕐᒥ ᐋᓐᓂᐊᕕᒃᑖᓵᒥ ᓯᑎᐱᕆ 19, 2022−ᖑᓕᖅᐸᑦ. ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᑦ ᐱᔨᑦᑎᕋᓗᐊᕈᓐᓃᓚᐅᖅᐳᑦ ᑐᐊᕕᕐᓇᖅᑐᓂᒃ ᑭᓯᐊᓂ ᑲᒪᒋᔭᖃᖅᐸᒃᖢᑎᒃ ᐋᒡᒌᓯ 18, 2022−ᒥ ᐅᖅᓱᐊᓗᖕᒥᑦ ᑯᕕᔪᖃᓚᐅᖅᑎᓪᓗᒍ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᓴᓗᒻᒪᖅᓴᐃᕌᓂᒃᓯᒪᓕᖅᑐᑦ ᑭᐊᒃᓴᐅᑎᖃᕐᕕᖓᓐᓂ ᐅᖅᓱᐊᓗᖕᒥ ᑯᕕᓚᐅᖅᑐᒥᒃ, ᐅᖅᓱᐊᓗᕕᓂᖅ ᐲᔭᖅᑕᐅᓪᓗᓂ ᐃᑭᐊᕐᒥᖓᓐᓃᑦᑐᖅ ᓇᑎᐊᓂ ᒫᓐᓇᓗ ᓇᑎᐊ ᐊᓯᐊᓂᒃ ᐃᑭᐊᕐᒥᓕᖅᓱᖅᑕᐅᕙᓪᓕᐊᓪᓗᓂ. ᐃᓚᖓ ᓴᓗᒻᒪᖅᓴᖅᑕᐅᓚᐅᖅᑐᖅ ᓱᕈᖅᓯᒪᔪᖅ ᐃᔾᔫᓂᖓ ᐊᓂᖅᓵᖅᑐᖅᑕᑦᑎᓐᓄᑦ ᐊᒃᑐᐃᔾᔮᙱᒻᒪᑦ ᐅᕝᕙᓘᓐᓃᑦ ᓈᒻᒪᒃᑐᓄᑦ ᐊᐅᓚᑦᑎᔾᔪᑎᓄᑦ ᐊᒃᑐᐃᓕᒑᙱᒻᒪᑦ ᐋᓐᓂᐊᕕᖕᒥ.

ᖃᐅᔨᓴᖅᑕᐅᒃᑲᓐᓂᓛᖅᑐᖅ ᐊᓂᖅᓵᖅᑐᖅᑎᐊᕐᓇᕋᓗᐊᕐᒪᖔᑦ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᐊᒻᒪ ᐊᕙᑎᓕᕆᔨᒃᑯᓐᓂᙶᖅᑐᒥᒃ ᖃᐅᔨᒃᑲᐃᔨᓂᒃ Tetra Tech Canada Inc−ᑯᓐᓂᙶᖅᑐᑦ., ᑕᑯᑎᑦᑎᕗᑦ ᐃᒡᓗᕐᔪᐊᖅ ᐊᑦᑕᕐᓇᙱᓐᓂᖓᓂ ᐃᖅᑲᓇᐃᔭᖅᑎᑦ ᐋᓐᓂᐊᕕᓕᐊᖅᐸᒃᑐᓪᓗ ᐅᑎᕋᓗᐊᖅᐸᑕ. 

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ     
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca