You are here

ᑎᕆᒐᓂᐊᖅ ᐱᖦᖤᙱᓴᕐᓂᕋᖅᑕᐅᔪᖅ ᖃᐅᓱᐃᑦᑐᒥ

ᔭᓐᓄᐊᓕ 17, 2023

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑐᓴᖅᑎᑦᑎᔾᔪᑎ
ᑎᕆᒐᓂᐊᖅ ᐱᖦᖤᙱᓴᕐᓂᕋᖅᑕᐅᔪᖅ ᖃᐅᓱᐃᑦᑐᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᐅᓱᐃᑦᑐᒥᐅᓂᒃ ᑐᓴᐅᒪᖁᔨᕗᑦ ᕿᒻᒥᖅ ᓄᓇᓕᖕᓂ ᑮᔭᐅᓚᐅᖅᑐᖅ ᑎᕆᒐᓂᐊᕐᒧᑦ ᔮᓄᐊᕆ 8−ᖑᑎᓪᓗᒍ, 2023, ᐱᖦᖤᖏᓴᓚᐅᕐᓂᕋᖅᑕᐅᖕᒪᑦ ᖃᐅᔨᓴᖅᑕᐅᔾᔪᑎᖓ. ᕿᒻᒥᖅ ᒫᓐᓇ ᐅᐸᒃᑕᐅᑦᑕᐃᓕᑎᑕᐅᔪᖅ.

ᑎᕆᒐᓂᐊᒥᒃ ᑮᓯᔪᖃᒃᑲᓐᓂᓚᐅᖅᑐᖅ ᕿᒻᒥᕐᒥᒃ ᔭᓄᐊᕆ 14−ᖑᑎᓪᓗᒍ, 2023, ᓄᓇᓕᖕᓂ ᑎᕆᒐᓂᐊᕐᓗ ᑐᖁᑕᐅᓚᐅᙱᖦᖢᓂ ᐱᔭᐅᓚᐅᙱᖦᖢᓂᓗ. 

ᐱᖦᖤᖏᓴᖅᑐᑦ ᐅᓗᕆᐊᓇᕐᓂᖏᓐᓄᑦ, ᖃᐅᓱᐃᑦᑐᒥᐅᓕᒫᑦ ᐅᔾᔨᖅᓱᖁᔭᐅᕗᑦ ᑎᕆᒐᓂᐊᓂᒃ ᖃᓂᒋᔭᖓᓃᑐᐃᓐᓇᕆᐊᓕᖕᓂᑦ. ᑮᔭᐅᒍᕕᑦ ᑕᓪᓕᒃᑕᐅᒍᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᐅᖃᐅᓯᕆᑲᐅᑎᒋᓗᒍ ᖃᓄᐃᓐᓂᕆᔭᐃᑦ. ᐃᓅᓕᓴᖅᑕᐅᓯᑲᐅᑎᒋᒋᐊᓕᒃ. ᐆᒪᔪᒥᒃ ᑕᑯᒍᕕᑦ ᐃᓕᖅᑯᓯᖅᓱᙱᑦᑐᒥᒃ, ᐅᕐᕈᔮᖅᑐᒥᒃ, ᖃᓂᐊᒍᑦ ᖃᐳᐊᒃᑐᒥᒃ, ᐊᓂᖅᓵᖅᑐᒡᒐᖅᑐᒥᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᔪᒥᒃ, ᓱᖁᑎᒋᑦᑕᐃᓕᒍᒃ ᐅᖃᐅᓯᕆᓗᒍᓗ ᐆᒪᔪᕐᓂᐊᖅᑎᒧᑦ. 

ᑎᕆᒐᓂᐊᖅ ᓂᐊᖅᑭᕆᒐᓗᐊᖅᐸᑦ ᐅᓇᖅᑰᔨᔪᓐᓇᖅᐳᖅ. ᓄᑕᖅᑲᑦ ᐱᙳᐊᖃᑎᖃᕆᐊᖃᙱᑦᑐᑦ ᑎᕆᒐᓂᐊᓂᒃ ᐊᓯᖏᓐᓂᒡᓘᓐᓃᑦ ᐆᒪᔪᓂᒃ. ᕿᒻᒦᑦ ᓯᓚᒥᐅᑕᑦ ᐃᐱᖅᓯᒪᑏᓐᓇᕐᓗᒋᑦ, ᖃᐅᔨᓴᖅᐸᒡᓗᒋᓪᓗ ᐱᐅᓯᖏᑦ ᐊᓯᔾᔨᙱᒃᑲᓗᐊᕐᒪᖔᑕ ᐊᒻᒪ ᐱᖦᖤᙱᓴᓕᙱᒃᑲᓗᐊᕐᒪᖔᑕ.

ᑎᕆᒐᓂᐊᕐᒥᒃ ᐊᒪᖅᑯᒥᒡᓘᓐᓃᑦ ᓄᓇᓕᖕᒦᑦᑐᒥᒃ ᑕᑯᒍᕕᑦ, ᐆᒪᔪᕐᓂᐊᖅᑎ ᑐᓴᖅᑎᑦᑕᕆᐊᖃᖅᑕᐃᑦ ᐅᕗᖓ ᐅᖄᓚᕝᕕᒋᓗᒋᑦ (867) 252-3879. ᕿᒻᒦᑦ ᖃᓂᕝᕕᓯᐅᕐᓂᖅᐸᑦ ᑎᕆᒐᓂᐊᕐᒧᑦ ᐊᒪᖅᑯᒧᓪᓘᓐᓃᑦ, ᐅᖄᓚᓗᑎᑦ ᐊᕕᒃᑐᖅᓯᒪᔪᓂ ᐊᕙᑎᓕᕆᔨᒧᑦ ᐅᕗᖓ (867) 975-1163.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᕕᒃᑑᕆᐊ ᒧᐊᒐᓐ     
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
vmorgan2@gov.nu.ca