ᐅᖃᓚᐅᑎᓯᐅᑏᑦ

You are here

ᑎᕆᒐᓂᐊᑦ ᐃᖃᓗᖕᓂ

ᐊᒃᑐᐸ 22, 2021

ᐋᓐᓂᐊᖃᕐᓇᙱᑦᑐᓕᕆᔨᓂᑦ ᑐᓴᖅᑎᑦᑎᔾᔪᑎ

ᑎᕆᒐᓂᐊᑦ ᐃᖃᓗᖕᓂ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᒃᑲᐃᔪᒪᔪᑦ ᐃᖃᓗᖕᒥᐅᑕᓂᒃ ᐊᒥᓱᕈᕆᐊᖅᓯᒪᓂᖏᓐᓂ ᑎᕆᒐᓂᐊᓂᒃ ᑕᑯᑲᑕᒃᑐᓂ ᓄᓇᓕᖕᒥ ᒫᓐᓇᓵᖅ.

ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᕐᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐃᓅᓕᓴᖅᑕᐅᓯᑲᐅᑎᒋᒋᐊᓕᒃ. ᐆᒪᔪᒥᒃ ᑕᑯᒍᕕᑦ ᐃᓕᖅᑯᓯᖅᓱᙱᑦᑐᒥᒃ, ᐅᕐᕈᔮᖅᑐᒥᒃ, ᖃᓂᐊᒍᑦ ᖃᐳᐊᒃᑐᒥᒃ, ᐊᓂᖅᓵᖅᑐᒡᒐᖅᑐᒥᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᔪᒥᒃ, ᓱᖁᑎᒋᑦᑕᐃᓕᒍᒃ ᐅᖃᐅᓯᕆᓗᒍᓗ ᐆᒪᔪᕐᓂᐊᖅᑎᒧᑦ.

ᑎᕆᒐᓂᐊᖅ ᓂᐊᖅᑭᕆᒐᓗᐊᖅᐸᑦ ᐅᓇᖅᑰᔨᔪᓐᓇᖅᐳᖅ. ᓄᑕᖅᑲᑦ ᐱᙳᐊᖃᑎᖃᕆᐊᖃᙱᑦᑐᑦ ᑎᕆᒐᓐᓂᐊᓂᒃ ᐊᓯᖏᓐᓂᒡᓘᓐᓃᑦ ᐆᒪᔪᓂᒃ. ᕿᒻᒦᑦ ᓯᓚᒥᐅᑕᑦ ᐃᐱᖅᓯᒪᑏᓐᓇᕐᓗᒋᑦ, ᖃᐅᔨᓴᖅᐸᒡᓗᒋᓪᓗ ᐱᐅᓯᖏᑦ ᐊᓯᔾᔨᙱᒃᑲᓗᐊᕐᒪᖔᑕ ᐊᒻᒪ ᐱᖦᖤᙱᓴᓕᙱᒃᑲᓗᐊᕐᒪᖔ.

ᑎᕆᒐᓂᐊᑦ ᐊᒻᒪ ᐊᒪᕈᐃᑦ ᐱᖦᖤᙱᓴᓲᖑᕗᑦ ᓄᓇᕗᒻᒥ, ᓯᐊᒻᒪᒃᑎᕈᓐᓇᖅᖢᑎᒡᓗ ᕿᒻᒥᓄᑦ ᑮᔭᐅᓐᓂᕌᖓᑕ ᐱᖦᖤᙱᓴᖅᑐᒧᑦ ᑎᕆᒐᓂᐊᒧᑦ ᐅᕝᕙᓘᓐᓃᑦ ᐊᒪᖅᑯᒧᑦ. ᐃᓄᐃᑦ ᐱᖦᖤᙱᓴᖅᑐᒧᑦ ᑮᔭᐅᓐᓂᖅᐸᑕ, ᑕᓪᓕᒃᑕᐅᓐᓂᖅᐸᑕ ᐅᕝᕙᓘᓐᓃᑦ ᐊᓗᐱᖅᑕᐅᓐᓂᖅᐸᑕ ᐊᐃᑦᑐᕐᓗᒡᕕᐅᔪᓐᓇᖅᑐᑦ. ᐃᓄᖕᒥ ᐱᖦᖤᙱᓴᖅᑐᖃᓕᕈᓐᓇᕐᒥᔪᖅ ᑲᒪᒋᔭᖃᕐᓂᕈᓂ ᐊᒦᔭᐃᔪᖃᕐᓂᕈᓂᓘᓐᓃᑦ ᐱᖦᖤᖏᓴᖅᑐᒥᒃ ᓂᕐᔪᑎᒥᒃ ᑭᓕᖅᓯᒪᒍᑎᒃ ᐅᕕᓂᖏᑎᒍᑦ.

ᑕᑯᒍᕕᑦ ᑎᕆᒐᓂᐊᕐᒥᒃ ᐊᒪᕈᕐᒥᓘᓐᓃᑦ ᓄᓇᓕᖕᒦᑦᑐᒥᒃ, ᕿᒻᒦᓪᓘᓐᓃᑦ ᐅᐸᒃᑕᐅᓯᒪᓐᓂᖅᐸᑦ ᑎᕆᒐᓂᐊᕐᒧᑦ ᐊᒪᕈᕐᒧᓪᓘᓐᓃᑦ, ᐅᖃᓗᒃᕕᒋᓗᒋᑦ ᐊᕕᒃᑐᖅᓯᒪᔪᓂᒃ ᐊᕙᑎᖃᑦᑎᐊᕋᓱᐊᖅᑐᓕᕆᔨ ᐅᕗᖓ 867-975-1163 ᐅᕝᕙᓘᓐᓃᑦ ᐃᖅᑲᓇᐃᔭᕐᓇᐅᔪᓐᓃᖅᑎᓪᓗᒍ ᐃᖃᓗᐃᑦ ᓄᓇᓕᐸᐅᔭᒃ ᐅᖃᓗᒃᕕᖓ ᐅᕗᖓ 867-979-5650.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommervillle1@gov.nu.ca