ᐅᖃᓚᐅᑎᓯᐅᑏᑦ

You are here

ᑎᕆᒐᓐᓂᐊᖅ ᐱᖦᖤᙱᓴᕋᓱᒋᔭᐅᔪᖅ ᒥᓕᐊᑏᓐ ᐅᔭᕋᓐᓂᐊᕕᐅᑉ ᖃᓂᒋᔮᓂ

ᓯᑎᐱᕆ 23, 2021

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᑎᕆᒐᓐᓂᐊᖅ ᐱᖦᖤᙱᓴᕋᓱᒋᔭᐅᔪᖅ ᒥᓕᐊᑏᓐ ᐅᔭᕋᓐᓂᐊᕕᐅᑉ ᖃᓂᒋᔮᓂ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᖏᖅᖠᓂᕐᒥᐅᓂᑦ ᐅᔾᔨᖅᑐᖁᔨᕗᑦ ᐅᔭᕋᖕᓂᐊᕐᕕᖕᒦᑦᑐᓂᓪᓗ ᐱᓕᕆᔨᖏᓐᓂᑦ ᖃᐅᔨᔭᐅᔪᖃᓚᐅᖅᑎᓪᓗᒍ ᑎᕆᒐᓂᐊᕐᒥᑦ ᐱᖦᖤᙱᓴᕋᓱᒋᔭᐅᔪᒥᒃ ᒪᓕᐊᑏᓐ ᐅᔭᕋᖕᓂᐊᕐᕕᐅᑉ ᖃᓂᒋᔮᓂ ᑕᒪᑐᒪᓂ ᐱᓇᓱᐊᕈᓯᕐᒥᑦ. ᑎᕆᒐᓂᐊᖅ ᐱᔭᐅᓚᐅᙱᑦᑐᖅ ᐊᐃᑦᑐᕐᓗᒃᑕᐅᓯᒪᓇᓱᒋᔭᐅᓪᓗᓂᓗ ᐱᖦᖤᙱᓴᖅᑐᒧᑦ.

ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᕐᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐱᖦᖤᖏᓴᖅᑐᒧᑦ ᑮᔭᐅᒍᕕᑦ ᑲᒪᒋᔭᐅᑲᐅᑎᒋᔭᕆᐊᖃᖅᐳᑎᑦ.

ᑎᕆᒐᓐᓂᐊᖅ ᐋᓐᓂᐊᖃᕋᓗᐊᖅᐸᑦ ᓄᔪᐊᙱᑦᑑᔪᓐᓇᖅᐳᖅ. ᓄᑕᖅᑲᑦ ᐱᙳᐊᖃᑎᖃᕆᐊᖃᙱᑦᑐᑦ ᑎᕆᒐᓐᓂᐊᓂᒃ ᐊᓯᖏᓐᓂᒡᓘᓐᓃᑦ ᐆᒪᔪᓂᒃ. ᕿᒻᒦᑦ ᓯᓚᒥᐅᑕᑦ ᐃᐱᖅᓯᒪᑏᓐᓇᕐᓗᒋᑦ, ᖃᐅᔨᓴᖅᐸᒡᓗᒋᓪᓗ ᐱᐅᓯᖏᑦ ᐊᓯᔾᔨᙱᒃᑲᓗᐊᕐᒪᖔᑕ ᐊᒻᒪ ᐱᖦᖤᙱᓴᓕᙱᒃᑲᓗᐊᕐᒪᖔ.

ᑎᕆᒐᓂᐊᑦ ᐊᒻᒪ ᐊᒪᕈᐃᑦ ᐱᖦᖤᙱᓴᓲᖑᕗᑦ ᓄᓇᕗᒻᒥ, ᓯᐊᒻᒪᒃᑎᕈᓐᓇᖅᖢᑎᒡᓗ ᕿᒻᒥᓄᑦ ᑮᔭᐅᓐᓂᕌᖓᑕ ᐱᖦᖤᙱᓴᖅᑐᒧᑦ ᑎᕆᒐᓂᐊᒧᑦ ᐅᕝᕙᓘᓐᓃᑦ ᐊᒪᖅᑯᒧᑦ. ᐃᓄᐃᑦ ᐱᖦᖤᙱᓴᖅᑐᒧᑦ ᑮᔭᐅᓐᓂᖅᐸᑕ, ᑕᓪᓕᒃᑕᐅᓐᓂᖅᐸᑕ ᐅᕝᕙᓘᓐᓃᑦ ᐊᓗᐱᖅᑕᐅᓐᓂᖅᐸᑕ ᐊᐃᑦᑐᕐᓗᒡᕕᐅᔪᓐᓇᖅᑐᑦ. ᐃᓄᖕᒥᑦ ᐱᖦᖤᙱᓴᖅᑐᖃᓕᕈᓐᓇᖅᐳᖅ ᐱᖦᖤᙱᓴᖅᑐᕕᓂᕐᒥᒃ ᓂᕐᔪᑎᒥᒃ ᓂᕿᓕᕆᒍᓂ ᐊᒥᓕᕆᒍᓂ.

ᐆᒪᔪᒥᒃ ᑕᑯᒍᕕᑦ ᐃᓕᖅᑯᓯᖅᓱᙱᑦᑐᒥᒃ, ᐱᓱᒡᒐᖅᑐᒥᒃ, ᖃᓂᒃᑯᑦ ᖃᐳᐊᒃᑐᒥᒃ, ᐊᓂᖅᓵᖅᑐᒡᒐᖅᑐᒥᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᔪᒥᒃ, ᑕᐃᒪ ᐱᖦᖤᙱᓴᑐᐃᓐᓇᕆᐊᖃᖅᐳᖅ. ᓂᕐᔪᑎ ᐅᐸᒃᑕᐃᓕᓗᒍᑦ ᐅᖄᓚᑲᐅᑎᒋᓗᑎᓪᓗ ᐆᒪᔪᕐᓂᐊᖅᑎᒧᑦ ᐅᕗᖓ 867-645-8083 ᐅᕝᕙᓗ ᐊᕙᑎᑦᑎᓐᓂᒃ ᖃᓄᐃᖏᑦᑎᐊᖅᑐᓕᕆᔨᒧᑦ ᐅᕗᖓ 867-645- 8071.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1k@gov.nu.ca