ᐅᖃᓚᐅᑎᓯᐅᑏᑦ

You are here

ᑎᓴᒪᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᐊᕐᕕᐊᓂᑦ

ᓄᕕᐱᕆ 14, 2020

 

ᑎᓴᒪᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᐊᕐᕕᐊᓂᑦ

 

ᐃᖃᓗᐃᑦ, ᓄᓇᕗᑦ (ᓄᕕᐱᕆ 14, 2020) − ᐅᓪᓗᒥ ᐅᓛᖅ 8ᒥᑦ ᓇᓗᓇᐃᖅᑕᐅᕗᖅ ᓄᓇᕗᒻᒥ 8ᓂᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᓂᑦ ᓄᕙᒡᔪᐊᕐᓇᖅ-19ᒧᑦ ᖃᐅᔨᓴᖅᑕᐅᓯᒪᔪᑦ ᐋᓐᓂᐊᓕᖅᓯᒪᓕᖅᐳᑦ. ᓄᑖᑦ ᑎᓴᒪᑦ ᖃᐅᔨᔭᐅᔪᑦ ᓇᓗᓇᐃᖅᐅᕗᑦ ᐊᕐᕕᐊᓂᑦ, ᑖᒃᑯᐊ ᑕᓪᓕᒪᐅᓕᖅᐳᑦ ᓇᓗᓇᐃᖅᐅᓯᒪᓪᓚᑦᑖᖅᑐᑦ ᐋᓐᓂᐊᓕᖅᓯᒪᓂᖏᑦ ᓄᓇᓕᒻᒥᑦ ᑕᓪᓕᒪᐅᓕᖅᑐᑦ. ᑕᒪᕐᒥᒃ ᑖᒃᑯᐊ ᐃᓄᐃᑦ ᐃᓄᑑᑎᑕᐅᔪᑦ ᐊᒻᒪ ᖃᓄᐃᙱᑦᑐᑦ. 

ᐅᓪᓗᒥᒧᑦ, 63 ᐃᓄᐃᑦ ᖃᐅᔨᓴᖅᑕᐅᓯᒪᓕᖅᑐᑦ ᓴᓂᑭᓗᐊᕐᒥᑦ ᐊᒻᒪ ᑖᒃᑯᐊ ᖃᐅᔨᓴᖅᑕᐅᔾᔪᑎᒋᓯᒪᖏᑦ ᐱᑕᖃᖅᓯᒪᙱᑦᑐᐃᓐᓇᐅᓪᓗᑎᑦ. ᑲᖏᖅᖠᓂᕐᒥ, 22ᓂᑦ ᐃᓚᓯᒪᓕᖅᑐᑦ ᖃᐅᔨᓴᖅᑕᐅᔪᑦ, ᑖᒃᑯᐊ ᑕᒪᕐᒥᒃ ᐱᑕᖃᕐᓂᕋᖅᑕᐅᖏᑦᑐᑦ ᖃᐅᔨᓴᖅᑕᐅᔾᔪᑎᖏᑦ. ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓖᑦ ᑲᑎᓯᓯᒪᔪᕕᓃᑦ ᑲᖏᖅᖠᓂᕐᒥ, ᓴᓂᑭᓗᐊᕐᒥ ᐊᒻᒪ ᐊᕐᕕᐊᓂᑦ ᖃᐅᔨᓴᖅᑕᐅᖏᓐᓇᖅᐳᑦ, ᓄᓇᓕᖕᓂ ᐊᐃᑦᑐᕐᓗᐃᔪᖃᒃᑲᓐᓂᖁᓇᒍ.

ᐱᒻᒪᕆᐅᕗᖅ ᓄᓇᕗᒻᒥᐅᑦ ᒪᓕᑦᑎᐊᖏᓐᓇᕐᓗᑎᑦ ᐊᑐᖁᔭᐅᔪᓂᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᓕᐅᕈᑕᐅᔪᓂᑦ − ᐃᓄᐃᑦ ᑲᑎᖃᑦᑕᖅᑕᑎᑦ ᖃᑦᑏᓐᓇᕈᕆᐊᕐᓗᒋᑦ, ᐊᒡᒐᑎᑦ ᐅᐊᓴᐃᓐᓇᕐᓗᒋᑦ, ᖃᓂᒋᐅᑎᑦᑕᐃᓕᒪᐃᓐᓇᕐᓗᓯ ᖃᖓᓕᒫᖅ ᐊᔪᕐᓇᖏᑉᐸᑦ, ᑎᒎᑎᖃᑦᑕᖏᓪᓗᓯ/ᓴᐃᒨᖃᑦᑕᖏᓪᓗᓯ, ᐊᖏᕐᕋᓐᓂᒃ ᐊᐃᓯᒪᐃᓐᓇᕐᓗᓯ ᐋᓐᓂᐊᒍᕕᑦ ᐊᑲᐅᑦᑎᐊᖏᒃᑯᕕᑦ. ᐃᓄᓐᒧᒃ ᐱᓂᐊᕐᓂᐅᔪᑦ ᐊᑦᑐᐃᔪᓐᓇᖅᑐᑦ ᐊᓯᖏᑕ ᑭᒃᑯᑐᐃᓐᓇᓕᒫᓂᑦ ᖃᓄᐃᓐᓂᕆᔭᖏᓐᓂᑦ ᑎᒥᒃᑯᑦ.

ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᑉᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᐅᔾᔨᖁᔭᐅᕗᖅ ᐅᖄᓚᓗᓂ ᓄᕙᒡᔪᐊᕐᓇᖕᒧᑦ ᐅᖄᓚᕕᒻᒧ ᐅᕗᖓ 1-888-975-8601 ᐅᑯᐊ ᐃᑲᕐᕋᖏᓐᓂᑦ 10−ᒥᑦ ᐅᓪᓛᒃᑯᑦ ᐊᒻᒪᓗ 6−ᒧᑦ ᐅᓐᓄᒃᑯᑦ. ᑲᓇᖕᓂᕐᒥᐅᑦ ᖃᐅᔨᓴᐅᑎᖓᑎᒍᑦ, ᖃᐅᔨᑎᓪᓗᒍᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᒃᑎᒃ ᖃᐅᔨᑎᑲᐅᑎᒋᓗᒍ, ᐃᒻᒥᓂᒡᓗ ᐅᐸᒃᑕᐅᑦᑕᐃᓕᒪᑎᓯᑲᐅᑎᒋᓗᓂ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ.

ᑕᒪᕐᒥᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖁᔭᐅᔪᑦ ᓱᓕ ᒪᓕᑦᑕᐅᔭᕆᐊᓖᑦ ᒫᓐᓇ, ᐊᒻᒪ ᐊᑐᐃᓐᓇᐅᕗᑦ ᑕᑯᔭᐅᔪᒪᑉᐸᑕ: https://www.gov.nu.ca/health/information/chief-public-health-officer-orders.

ᓄᑖᙳᕆᐊᖅᓯᒪᔪᓂᒃ ᐱᑎᑦᑎᔪᖃᕐᓂᐊᖅᐳᖅ ᐱᕙᓪᓕᐊᔪᓄᑦ ᑐᓴᖅᑎᑦᑎᔪᖃᓕᖅᐸᑦ 11−ᒥ ᐅᓪᓗᒥ.

 

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca