ᐅᖃᓚᐅᑎᓯᐅᑏᑦ

You are here

ᑎᓴᒪᑦ ᓂᕿᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᓄᖅᑲᖓᓐᓇᐅᑎᓪᓗᒍ

ᑎᓯᐱᕆ 20, 2019

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᑎᓴᒪᑦ ᓂᕿᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᓄᖅᑲᖓᓐᓇᐅᑎᓪᓗᒍ

ᑕᒪᑐᒪᓂ ᓄᖅᑲᖓᓐᓇᒥ, ᓄᓇᕗᑦ ᒐᕙᒪᖓᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᑎᑦᑎᔪᒪᕗᑦ ᑭᒃᑯᑐᐃᓐᓇᓂᒃ ᐱᒻᒪᕆᐊᓘᓂᖓᓂᒃ ᓂᕿᓄᑦ ᖁᐊᖅᓵᕐᓇᖅᑕᐃᓕᒪᓂᕐᒧᑦ.

ᐅᕝᕙ ᑎᓴᒪᐃᑦ ᐊᔪᕐᓇᙱᑦᑐᑦ ᐊᑐᖅᑕᐅᔪᓐᓇᖅᑐᑦ ᑲᒪᒋᔭᖃᕐᓂᐊᕐᓗᓂ ᓂᕿᒥᒃ ᑲᒪᒋᑦᑎᐊᕐᓗᒍ:

  • ᐅᐊᓴᕐᓗᑎᑦ!
    • ᐊᒡᒐᑎᑦ ᐅᐊᓴᕐᓗᒋᑦ ᐅᐊᓴᐅᑎᒧᑦ ᐆᓇᔪᒃᑐᒥ ᐃᒥᕐᒥ ᓂᕿᓕᕆᓚᐅᙱᓐᓂᕐᓂ ᓂᕿᓕᕆᔭᕇᖅᓯᒪᓕᕈᕕᓪᓗ, ᐊᒃᑐᖅᓯᒍᕕᑦ ᓂᕐᔪᑎᓂ, ᓱᐴᖅᑐᕇᕈᕕᑦ ᐅᕝᕙᓘᓐᓃᑦ ᐊᓇᕐᕕᖕᒦᖔᕇᕈᕕᑦ.
    • ᓴᓗᒻᒪᖅᓴᕐᓗᒋᑦ ᖁᐱᕐᕈᓄᓪᓗ ᑐᖁᓴᐃᔾᔪᑎᓅᕐᓗᒋᑦ ᐊᒡᒍᐃᕝᕖᑦ ᓂᕿᓄᑦ, ᑭᐳᐃᑦ ᖄᖏᑦ ᓂᕿᓕᐅᕈᑏᓪᓗ.
    • ᐱᕈᖅᑐᒥᓃᑦ ᓰᕐᓇᖅᑐᑦ ᓰᕐᓇᙱᑦᑐᓪᓗ ᐱᕈᖅᑐᒥᓃᑦ ᐱᓕᕆᐊᕆᓚᐅᙱᓐᓂᕐᓂ ᓂᕆᔭᐅᓚᐅᙱᓐᓂᖏᓐᓂᓗ ᐃᕐᕈᖅᑐᑦᑎᐊᕐᓗᒋᑦ.
  • ᐊᑐᓃᖓᓗᒋᑦ!
    • ᑕᒪᒃᑯᐊ ᒥᑭᒐᐃᑦ ᓂᖀᑦ, ᐊᕿᒡᒋᖅᔪᐊᓂᙶᖅᑐᑦ, ᐃᒪᕐᒥᐅᑕᐃᑦ ᐃᔅᓯᖏᓪᓗ ᐊᕕᒃᑐᖅᓯᒪᕙᒡᓗᒋᑦ ᓂᕆᔭᐅᑐᐃᓐᓇᕆᐊᓕᖕᓂ.
    • ᑕᐃᒪᐃᑦᑐᓐᓇᖅᐸᑦ, ᐊᑐᖅᐸᒡᓗᑎᑦ ᐊᓯᖏᓐᓂᒃ ᐊᒡᒍᐃᕝᕕᖕᓂ ᐱᕈᖅᑐᕕᓂᕐᓄᑦ ᓄᓇᒥᙶᖅᑐᓄᓪᓗ ᐱᕈᖅᑐᓄᑦ, ᓂᕿᒧᑦ ᒥᑭᒐᕐᒧᑦ, ᑎᖕᒥᐊᓄᑦ ᐃᒪᕐᒥᐅᑕᓄᓪᓘᓐᓃᑦ ᓂᕆᔭᐅᕙᒃᑐᓄᑦ. ᓂᕿᓄᑦ ᐊᒡᒍᐃᑦ ᐊᑐᕇᕐᓂᑕᒫᑦ ᓴᓗᒻᒪᑦᑎᐊᖃᑦᑕᕐᓗᒋᑦ ᐅᐊᓴᐅᑎᓕᒻᒧᑦ ᐃᒥᕐᒧᑦ ᐆᓐᓇᕆᑦᑐᒧᑦ.
  • ᐃᒐᓂᖅ!
    • ᐊᑦᑕᕐᓇᖅᑐᑦ ᖁᐱᕐᕈᕋᓛᑦ ᐃᓚᖏᓐᓂ ᓂᕿᓃᑦᑐᓐᓇᖅᑐᑦ ᐆᑦᑎᔭᐅᑦᑎᐊᙱᑐᐊᕈᑎᒃ.
    • ᓂᐅᕕᕐᕕᖕᒥᙶᖅᑐᑦ ᓂᖀᑦ ᑎᖕᒥᐊᓪᓗ, ᒪᓐᓂᕈᔪᐃᑦ, ᐊᓕᒍᕐᒥ ᐆᑕᐅᔪᑦ ᐊᒥᐊᒃᑯᕐᓗᑯᐃᓪᓗ ᐆᑕᐅᖏᓐᓇᐅᔭᕆᐊᖃᖅᐳᑦ ᖁᐱᕐᕈᐃᑦ ᑐᖁᑎᑦᑐᒪᓪᓗᒋᑦ. ᐆᒃᑑᑎᒋᓗᒍ, ᐃᒐ ᐆᓇᕐᓂᖃᕆᐊᓕᒃ 82°C (180°F) ᐃᓗᐃᑦᑐᕐᒧᑦ ᐊᕿᒡᒋᕐᔪᐊᒧᑦ.
    • ᐆᑦᑎᐊᕐᓗᒋᑦ ᓯᖃᓪᓕᓯᒪᔪᑦ ᓂᖀᑦ ᑭᓯᐊᓂ ᐃᔅᓯᖏᑦ ᐃᓱᕈᓐᓃᖅᐸᑕ.
    • ᒥᓯᕋᐃᑦ, ᖃᔪᒃᓴᐃᑦ ᖃᔪᐃᓪᓗ ᖃᓛᖅᑎᑉᐸᒡᓗᒋᑦ ᐆᓇᓯᖅᑎᖅᑕᐅᒃᑲᓐᓂᓕᕌᖓᑕ.
  • ᓂᒡᓕᑦᑎᕐᓗᒍ!
    • ᓂᕿᓂᒃ ᐃᒡᓗᕈᓯᐅᑉ ᐆᓇᕐᓂᖓᓃᑎᑦᑎᖃᑦᑕᙱᓪᓗᓂ ᖁᐊᖅᓵᕐᓇᖅᑐᓂᒃ ᖁᐱᕐᕈᓂᒃ ᐱᕈᕐᕕᐅᓵᓕᖁᓇᒋᑦ.
    • ᓂᖀᑦ ᓱᕈᑐᐃᓐᓇᕆᐊᓖᑦ ᓂᒡᓕᓇᖅᑐᒃᑯᕕᖕᒧᐊᓯᑲᐅᑎᒋᕙᒡᓗᒋᑦ ᖁᐊᒃᑯᕕᖕᒧᓪᓘᓐᓃᑦ ᓂᐅᕕᖅᑕᐅᕌᓂᒃᓯᓕᑐᐊᕌᖓᑕ.
    • ᓂᖅᖠᐅᑲᐅᑎᒋᕙᒡᓗᒋᑦ ᐊᒻᒪ ᓂᒡᓕᓇᖅᑐᒃᑯᕕᖕᒧᐊᖅᐸᒡᓗᒋᑦ ᖁᐊᖅᑎᑉᐸᒡᓗᒋᓪᓘᓐᓃᑦ ᓱᕈᔭᑦᑐᑦ ᓂᖀᑦ ᐋᖅᑭᒃᓱᖅᓯᒪᕙᒌᖅᑐᓪᓘᓐᓃᑦ ᓂᖀᑦ, ᓲᕐᓗ ᓂᕿᓕᐅᕐᕕᖕᓂ ᐊᓐᓂᔾᔭᐅᕙᒃᑐᑦ ᐊᒥᐊᒃᑯᐃᓪᓘᓐᓃᑦ, ᐃᑲᕐᕌᒃ ᒪᕐᕉᒃ ᐃᓗᐊᓂ.

ᐊᐱᖅᑯᑎᒃᓴᖃᒃᑲᓐᓂᕈᕕᑦ, ᖃᐅᔨᒋᐊᕐᕕᒋᓗᒍ ᐊᕙᑎᑦᑎᓐᓂᒃ ᖃᓄᐃᖏᑦᑎᐊᕋᓱᐊᖅᑐᓕᕆᔨ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
cpuglia@gov.nu.ca