ᐅᖃᓚᐅᑎᓯᐅᑏᑦ

You are here

ᑐᐊᕕᕐᓇᖅᑐᒃᑯᑦ ᑲᒪᒋᐊᖅᑐᖅᑏᑦ ᐊᐅᓪᓚᖅᑎᑕᐅᔪᑦ ᑲᐱᓯᓕᒃᑑᖅ (Hope Bay) ᐅᔭᕋᕐᓂᐊᕐᕕᖓᓄᑦ

ᓯᑎᐱᕆ 28, 2020


ᐱᕙᓪᓕᐊᔪᑦ ᑐᓴᕋᑦᓴᑦ

ᑐᐊᕕᕐᓇᖅᑐᒃᑯᑦ ᑲᒪᒋᐊᖅᑐᖅᑏᑦ ᐊᐅᓪᓚᖅᑎᑕᐅᔪᑦ ᑲᐱᓯᓕᒃᑑᖅ (Hope Bay) ᐅᔭᕋᕐᓂᐊᕐᕕᖓᓄᑦ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 28, 2020) – ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐊᑐᓕᖅᑎᑦᓯᓯᒪᓕᖅᑐᑦ ᓄᕙᔾᔪᐊᕐᓇᖅ ᑐᐊᕕᕐᓇᖅᑐᒃᑯᑦ ᖃᒪᒋᐊᖅᑐᖅᑎᓂᒃ 7-ᓂᒃ ᓄᑖᓂᒃ ᐸᓴᒋᔭᐅᔪᖃᓕᖅᑎᓪᓗᒍ ᓄᕙᔾᔪᐊᕐᓇᖅ 19-ᒥᒃ TMAC Resources ᑲᐱᓯᓕᒃᑑᕐᒥᒃ ᐅᔭᕋᕐᓂᐊᕐᕕᖓᓂ, ᐊᖓᓯᓐᓂᒃ 125 ᑭᓚᒥᑕᐃᑦ ᓂᒋᐊᑕ ᐱᖓᓐᓇᖓᓂ ᐃᖃᓗᑦᑑᑦᑎᐊᖅ. ᒫᓐᓇᐅᔪᖅ, ᓇᓗᓇᐃᖅᑕᐅᓯᒪᙱᑦᑐᑦ ᑐᕌᖓᓂᖃᕐᒪᖔᑕ ᑖᒃᑯᐊ ᓄᑖᑦ ᓄᕙᔾᔪᐊᕐᓇᖅᑐᖃᖅᓱᕆᔭᐅᔪᑦ ᒪᕐᕈᓚᐅᖅᑑᓐᓂᒃ ᓇᓗᓇᐃᖅᑕᐅᓚᐅᖅᑑᓐᓂᒃ ᐅᔭᕋᕐᓂᐊᕐᕕᒻᒥ. ᖃᐅᔨᓴᖅᑕᐅᒍᑎᖏᑦ ᐅᑎᖅᑲᑕ ᓇᓗᓇᐃᖅᑕᐅᓯᒪᓗᑎᒃ ᖃᓪᓗᓈᓂ ᖃᐅᔨᓴᕐᕕᒻᒥᒃ, ᓈᓴᖅᑕᐅᓯᒪᓕᕐᓂᐊᖅᑐᑦ ᓄᓇᕗᒻᒥ ᓯᕗᓪᓕᖅᐹᒥ ᓄᕙᔾᔪᐊᕐᓇᖅᑐᖃᕐᓂᖏᓐᓂᒃ 19-ᒥᒃ.

“ᓄᑖᖑᓂᖅᐹᑦ ᓱᓕᔪᕆᔭᕗᑦ ᐊᐃᑦᑐᕐᓘᑎᓯᒪᓕᕐᓂᖏᓐᓂᒃ ᓄᕙᔾᔪᐊᕐᓇᖅ 19-ᒥᒃ ᑲᐱᓯᓕᒃᑑᖅ ᐅᔭᕋᕐᓂᐊᕐᕕᖓᓂ. ᐊᑦᑕᓇᖅᑐᒦᑦᑕᐃᓕᖁᓪᓗᒋᑦ ᐃᖅᑲᓇᐃᔭᖅᑎᓕᒫᑦ ᐅᔭᕋᕐᓂᐊᕐᕕᒻᒥ, ᐊᑐᓕᖅᑎᑦᓯᓯᒪᓕᖅᑐᒍᑦ ᑐᐊᕕᕐᓇᖅᑐᒃᑯᑦ ᑲᒪᒋᐊᖅᑐᖅᑎᓂᒃ,” ᐅᖃᖅᓯᒪᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ, ᓘᑦᑖᖅ ᒪᐃᑯᓪ ᐸᑐᓴᓐ. “ᐱᓕᕆᖃᑎᒌᑦᑏᑦ, ᐃᓚᒋᔭᐅᓪᓗᑎᒃ ᒪᕐᕈᒃ ᐋᓐᓂᐊᓯᐅᖅᑏᒃ ᐊᒻᒪᓗ ᐸᕐᓇᐃᔨᖓᑦ, ᐱᓕᒻᒪᑦᓴᔭᐅᓯᒪᔪᑦ ᑲᑎᔭᒥᓂᖏᓐᓂᒃ ᖃᐅᔨᓴᕈᓐᓇᓂᕐᒧᑦ, ᖃᐅᔨᓴᖅᐸᓪᓕᐊᖏᓐᓇᓂᕐᒧᑦ ᓯᐊᕐᒪᑦᑕᐃᓕᑎᑦᓯᓂᕐᒧᓪᓗ ᓄᕙᔾᔪᐊᕐᓇᖅᑐᒥᒃ ᐊᐃᑦᑐᓘᑎᐅᕙᓕᐊᑦᑕᐃᓕᒃᑲᓐᓂᖁᓪᓗᒍ.”

TMAC Resources-ᑯᑦ ᖃᐅᔨᒃᑲᐃᓚᐅᖅᑐᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖓᑕ ᐊᓪᓚᕝᕕᖓᓄᑦ ᓯᑎᐱᕆ 26 ᐃᖅᑲᓇᐃᔭᖅᑎᐅᑉ ᒥᑦᓵᓄᑦ ᖃᓄᐃᒍᑎᖃᓕᖅᐸᓪᓕᐊᓂᖓᓂᒃ ᑕᐃᒫᑦᓴᐃᓐᓇᖅ ᓄᕙᔾᔪᐊᕐᓇᖅᑐᓕᑦᑎᑐᑦ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᖃᑎᖃᓚᐅᖅᑐᑦ ᐅᔭᕋᕐᓂᐊᕐᕕᒻᒥ ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔭᖅᑎᖏᓐᓂᒃ ᖃᐅᔨᓴᕋᑦᓴᓂᒃ ᓄᐊᑦᓯᓪᓗᑎᒃ ᖃᓄᐃᒍᑎᖃᖅᑐᒥᒃ ᐃᖅᑲᓇᐃᔭᖅᑎᒥᒃ ᑲᑎᓯᒪᔭᖏᓐᓂᓪᓗ. ᐸᓴᒋᔭᐅᔪᑦ ᓄᕙᔾᔪᐊᕐᓇᖅᑐᖃᕐᓂᖏᓐᓂᒃ ᖃᐅᔨᒪᔭᐅᔪᓕᒫᓪᓗ ᑲᑎᔭᒥᓂᖏᑦ ᐊᓂᑦᑕᐃᓕᒋᐊᖃᖅᑎᑕᐅᓕᖅᑐᑦ. ᑲᑎᒪᔭᒥᓂᖏᓐᓂᒃ ᖃᐅᔨᓴᖅᐸᓪᓕᐊᖏᓐᓇᖅᑐᑦ.

ᑕᒪᓐᓇ ᐱᓪᓗᒍ, ᐊᑕᖏᖅᑐᒋᑦ ᐱᒻᒪᕆᐅᙱᑦᑐᓕᒫᓂᒃ ᑎᑭᑦᑐᖃᕆᐊᖃᕈᓐᓃᖅᑐᖅ ᐊᐅᓪᓚᕆᐊᖃᕋᑎᓪᓗ ᐅᔭᕋᕐᓂᐊᕐᕕᒻᒥᒃ, ᐃᓚᒋᔭᐅᓪᓗᑎᒃ ᐅᓪᓗᖅᓯᐅᑎᒃᑰᖅᑕᐅᓯᒪᔪᑦ ᐃᖅᑲᓇᐃᔭᖅᑎᓄᑦ ᐊᓯᔾᔨᖅᑕᐅᒍᑎᐅᔪᑦ, ᓄᖅᑲᖅᑎᑕᐅᔪᑦ ᖃᐅᔨᒃᑲᖅᑕᐅᒃᑲᓐᓂᓚᐅᙱᓐᓂᖏᓐᓂ. ᑕᒪᓐᓇ ᐊᑦᑐᐃᓂᖃᔾᔮᙱᑦᑐᖅ ᒫᓐᓇᐅᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᑦᑕᐅᒃᑲᖅᑕᐅᔪᓂᒃ, ᓄᓇᕗᑦ ᒪᑐᐃᖅᐸᓪᓕᐊᓂᖓᓄᑦ ᐅᕝᕙᓘᓐᓃᑦ ᐊᐅᓪᓚᖃᑎᒌᕝᕕᐅᒍᓐᓇᖅᑐᓂᒃ ᐊᑦᑐᐃᓂᖃᔾᔮᙱᑦᑐᖅ ᑰᔾᔪᐊᕌᓗᒃ, ᒫᓂᑐᐸᒧᑦ ᓄᓇᑦᓯᐊᕐᒧᓪᓗ.

“ᑕᒪᓐᓇ ᐃᓱᒫᓗᓐᓇᖅᑐᒻᒪᕆᐅᒐᓗᐊᖅᑎᓪᓗᒍ, ᐅᓗᕆᐊᓇᖅᑐᒦᒍᑕᐅᓂᖓ ᓄᓇᕗᒻᒥᐅᓄᑦ ᐊᑉᐸᓯᑦᑐᖅ,” ᐅᖃᖅᓯᒪᔪᖅ ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᒥᓂᔅᑕᖓᑦ ᔪᐊᔾ ᕼᐃᒃᔅ. “ᒫᓐᓇᐅᔪᖅ ᓄᓇᕗᒻᒥᐅᓂᒃ ᐃᖅᑲᓇᐃᔭᖅᑐᖃᙱᑦᑐ
ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐅᐃᕖᑎᑐᓪᓗ ᐅᕙᓂ, www.gov.nu.ca.

ᑲᐱᓯᓕᒃᑑᖅ ᐅᔭᕋᕐᓂᐊᕐᕕᖓᓂ, ᐅᔭᕋᕐᓂᐊᕐᕕᓪᓗ ᐅᐸᑦᑕᐅᒍᓐᓇᕋᓂ ᓄᓇᕗᒻᒥ ᓄᓇᓕᓕᒫᖏᓐᓃᖔᖅᑐᓂᒃ. ᑕᑯᕙᓪᓕᐊᑎᓪᓗᑕ ᐊᒥᓱᕐᖑᐸᓪᓕᐊᔪᓂᒃ ᖃᓪᓗᓈᓂ ᑲᓇᑕᒥ, ᐊᔭᐅᖅᑐᕆᐊᖅᑲᒃᑲ ᓄᓇᕗᒻᒥᐅᓕᒫᑦ ᐅᔾᔪᖅᓱᑦᓯᐊᖁᓪᓗᒋᑦ, ᒪᓕᑦᓯᐊᕐᓗᑎᒃ ᑭᒃᑯᓕᒫᓄᑦ ᐅᖃᐅᔾᔨᒋᐊᕈᑎᒋᓯᒪᔭᕗᑦ ᐅᐸᓗᖓᐃᔭᖅᓯᒪᑦᓯᐊᕐᓗᑎᓪᓗ ᓄᕙᔾᔪᐊᕐᓇᖅ 19-ᒧᑦ.”
ᑭᓇᑐᐃᓐᓇᖅ ᓱᓕᔪᖅᓴᕈᓂ ᑲᑎᓯᓯᒪᔪᒥᓂᐅᒋᐊᒥᒃ ᓄᕙᔾᔪᐊᕐᓇᖅᑐᓕᒻᒥᒃ ᐅᖄᓚᖁᔭᐅᕗᑦ ᓄᕙᔾᔪᐊᕐᓇᖅ ᐅᖄᓚᕕᖓᓄᑦ 1-888-975-8601 ᐊᑯᓐᓂᖓᓂ 10 ᐅᓪᓛᓴᒃᑯᑦ ᐊᒻᒪᓗ 6 ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᕐᖑᔭᖓᒍᑦ, ᖃᐅᔨᒃᑲᐃᓗᑎᓪᓘᓐᓃᑦ ᓄᓇᒥᓐᓂ ᐋᓐᓂᐊᕐᕕᖓᓄᑦ ᕿᓚᒥᐅᔪᒃᑯᑦ ᐅᖄᓚᐅᑎᒃᑯᑦ, ᕿᓚᒥᒃᑯᓪᓗ ᐊᓂᑦᑕᐃᓕᓕᕐᓗᓂ ᐊᖏᕐᕋᒥᓐᓂᒃ ᐅᓪᓗᓂᒃ 14-ᓂᒃ.

ᖃᓄᐃᒍᑕᐅᒍᓐᓇᖅᑐᑦ ᓄᕙᔾᔪᐊᕐᓇᖅ 19-ᒧᑦ ᐃᓚᒋᔭᐅᓪᓗᑎᒃ ᐆᑎᕐᓇᕐᓂᖅ, ᖁᐃᖅᓱᖃᑦᑕᕐᓂᖅ ᐃᐱᓂᐊᖃᑦᑕᕐᓂᕐᓘᓐᓃᑦ. ᓴᐳᒻᒥᓯᒪᑦᓯᐊᕈᓐᓇᖅᑐᑦ ᐊᐃᑦᑐᕐᓗᐃᑦᑕᐃᓕᓂᕐᒧᑦ ᐊᐃᑦᑐᕐᓗᑦᑕᐅᒍᓐᓇᓂᕐᒧᓪᓘᓐᓃᑦ ᓄᕙᔾᔪᐊᕐᓇᕐᒥᒃ ᐃᓅᖃᑎᒌᑦ ᖃᓂᒌᓗᐊᑦᑕᐃᓕᖃᑦᑕᕐᓗᑎᒃ, ᐊᒡᒐᑎᑦ ᐅᐊᓴᖃᑦᑕᕐᓗᒋᑦ 20 ᓴᑲᓐᓯᓂᒃ, ᖁᐃᖅᓱᖃᑦᑕᕐᓗᑎᒃ ᑕᒋᐅᖃᑦᑕᕐᓗᑎᓪᓗ ᐊᐃᕐᒥᓄᑦ ᐊᖏᕐᕋᖅᓯᒪᖃᑦᑕᕐᓗᑎᓪᓗ ᑕᐃᒪᐃᒍᓐᓇᕐᓂᓕᒫᒥᓂ.

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓵᒃ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐳᓕᐊ
ᑐᓴᕋᑦᓴᓕᕆᓂᕐᒧᑦ ᐊᐅᓚᑦᓯᔨᐅᑲᐃᓐᓇᖅᑐᖅ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5949 cpuglia@gov.nu.ca