ᐅᖃᓚᐅᑎᓯᐅᑏᑦ

You are here

ᐅᒃᑑᕙ ᐃᕕᐊᖏᒃᑯᑦ ᐋᓐᓂᐊᓕᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐊᒃᑐᐸ 03, 2019

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐅᒃᑑᕙ ᐃᕕᐊᖏᒃᑯᑦ ᐋᓐᓂᐊᓕᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭᖓ

ᐃᕕᐊᖏᒃᑯᑦ ᐋᓐᓂᐊᖅ ᐱᖓᔪᒋᔭᐅᕗᖅ ᑳᓐᓱᑖᕆᔭᐅᒐᔪᒃᑐᒥᑦ ᐊᕐᓇᓄᑦ ᓄᓇᕗᒻᒥ ᐊᒻᒪ ᑳᓐᓱᑖᕆᔭᐅᒐᔪᖕᓂᖅᐹᖑᓪᓗᓂ ᐊᕐᓇᓄᑦ ᑲᓇᑕᒥᐅᓂᑦ.

ᐃᕕᐊᖏᒃᑯᑦ ᐋᓐᓂᐊᓖᑦ ᐅᔾᔨᕆᔭᐅᒃᑲᓐᓂᖁᓪᓗᒋᑦ ᑕᖅᑭ ᐊᑐᖅᑎᓪᓗᒍ, ᐊᕐᓇᐃᑦ ᑎᓕᐅᖅᑕᐅᕗᑦ ᐃᖢᐊᖅᓴᐃᔨᒥᓂᒃ ᐅᖃᖃᑎᖃᖁᔭᐅᓪᓗᑎᒃ ᐃᕕᐊᙱᒃᑯ ᖃᓄᐃᙱᑦᑎᐊᕐᓂᐅᑉ ᒥᒃᓵᓄᑦ ᐊᒻᒪ ᖃᓄᐃᓕᐅᖅᑎᑦᑎᔪᓐᓇᕐᒪᖔᑦ ᒥᑭᓐᓂᖅᓴᐅᑎᑦᑎᓇᓱᒡᓗᑎᒃ ᐋᓐᓂᐊᖅᑖᖅᐸᓪᓕᐊᑐᐃᓐᓇᕆᐊᓕᖕᒥᒃ.

ᐃᕕᐊᙱᒃᑯᑦ ᐋᓐᓂᐊᕐᑖᕐᓂᖅᓴᐅᓕᕈᓐᓇᖅᐳᑦ 50 ᐅᖓᑖᓂ ᐅᑭᐅᖃᖅᑐᑦ, ᐅᕿᙱᓗᐊᖅᑐᑦ ᐅᕝᕙᓘᓐᓃᑦ ᖃᑕᙳᑎᖕᓂᑦ ᐋᓐᓂᐊᖃᖅᑐᖃᕐᓂᑰᒍᓂ.

ᓇᓗᓇᐃᕈᑕᐅᔪᓐᓇᖅᑐᑦ ᖃᓄᐃᔾᔪᑕᐅᔪᓐᓇᖅᑐᓪᓗ ᐅᑯᐊᖑᕗᑦ:

  • ᐃᕕᐊᖏᒃᑯᑦ ᖃᑦᑎᒃᑐᖃᓕᕐᓗᓂ.
  • ᐃᕕᐊᖏᓕᒫᑦᑎᐊᑦ ᐃᓚᐃᓐᓇᖓᓘᓐᓃᑦ ᐳᕕᓕᕐᓗᓂ.
  • ᐋᓐᓂᐊᖃᑦᑕᕐᓗᓂ, ᐃᖢᐊᖃᑦᑕᙱᓪᓗᓂ ᐅᕝᕙᓘᓐᓃᑦ ᐃᕕᐊᖏᖅᐱᑦ ᐅᕕᓂᖓᒍᑦ ᐃᑎᖅᓴᖄᕐᔪᒡᓗᓂ.
  • ᒧᓕᒃᑯᑦ ᐅᕝᕙᓘᓐᓃᑦ ᐃᕕᐊᖏᖅᐱᑦ ᐅᕕᓂᖓᒍᑦ ᐊᐅᐸᖅᓯᓗᓂ, ᐊᒦᔭᕐᓗᓂ ᐃᔾᔪᖅᑎᓪᓗᓂᓘᓐᓃᑦ.

ᐊᕐᓇᐃᑦ ᓇᓕᐊᖕᓂᑐᐃᓐᓇᖅ ᓇᓗᓇᐃᕈᑎᓂᒃ ᖃᐅᔨᔾᔪᑕᐅᔪᓂᓪᓗ ᐊᑐᖅᑐᑦ ᐋᓐᓂᐊᕐᕕᓕᐊᖁᔭᐅᓪᓚᕆᒃᐳᑦ ᐅᕝᕙᓘᓐᓃᑦ ᐋᓐᓂᐊᖃᕐᓇᖏᑦᑐᓕᕆᔨᒧᑦ ᐃᓂᒃᓴᓕᐅᕐᓗᑎᒃ. ᖃᐅᔨᓴᖅᑕᐅᓵᓕᓗᓂ ᐃᓅᓯᕐᒥᑦ ᓴᐳᔾᔨᔪᓐᓇᖅᐳᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
agriffin@gov.nu.ca