ᐅᖃᓚᐅᑎᓯᐅᑏᑦ

You are here

Estimates of Wolverine Density from Mark-Recapture DNA Sampling – Napaktulik Lake, Kitikmeot Region, Nunavut 2018-2019

ᐅᓇ ᐅᓂᒃᑳᖅ ᓴᖅᑭᑦᑎᕗᖅ ᖃᐅᔨᓴᕈᑎᕕᓂᕐᓂᒃ ᖃᕝᕕᒑᕐᔪᖕᓂᑦ ᓇᑭᙶᕐᓂᖏᓐᓂᑦ ᖃᐅᔨᓴᖅᖢᑎᒃ ᓇᐹᖅᑐᓕᒃ ᑕᓯᐅᑉ ᖃᓂᒋᔮᓂ, ᕿᑎᕐᒥᐅᓂ, ᓄᓇᕗᑦ, ᖃᐅᔨᓇᓱᒃᖢᑎᒃ ᐊᒥᓲᓂᖏᓐᓂᑦ ᑲᑎᙵᐅᖅᐸᖕᓂᖏᓐᓂᒡᓗ ᐊᑯᓂᐅᔪᒧᑦ ᐊᕕᒃᑐᖅᓯᒪᔪᒥᑦ ᖃᐅᔨᓴᕐᓂᕐᒥᑦ. ᐊᒻᒪᓗ, ᖃᐅᔨᓴᖅᖢᒋᑦ ᖃᕝᕕᒑᕐᔪᐃᑦ ᐅᓄᕐᓂᖏᑦ ᐱᒻᒪᕆᐅᖃᑕᐅᖕᒪᑦ ᐃᓚᒋᔭᐅᓪᓗᓂ ᓂᕿᑐᖅᑎᑦ ᖃᐅᔨᓴᖅᑕᐅᔪᓂᒃ ᐊᒻᒪ ᐊᐅᓚᑕᐅᔪᓂᒃ ᑐᓴᖅᑎᑦᑎᑎᓪᓗᒋᑦ ᑐᒃᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ. ᖃᕝᕕᒑᕐᔪᐃᑦ ᓇᓗᓇᐃᖅᑕᐅᖃᑕᐅᓯᒪᖕᒪᑕ ᐃᓱᒫᓗᖕᓇᖅᑐᒦᓐᓂᕋᖅᑕᐅᓪᓗᑎᒃ ᑲᓇᑕᒥ ᐆᒪᔪᐃᑦ ᐊᔾᔨᒌᙱᐊᕐᔪᓐᓂᖏᑕ ᐅᓗᕆᐊᓇᖅᑐᒦᓐᓂᖏᓐᓄᑦ ᐱᖁᔭᕐᒥ ᐱᒻᒪᕆᐅᓪᓗᑎᒃ ᐃᓕᖅᑯᓯᕐᒧᑦ ᐊᒻᒪ ᒪᑭᒪᔾᔪᑎᓄᑦ ᐃᑲᔫᑎᑦ ᐱᖅᑯᓯᕆᔭᐅᔪᒃᑯᑦ ᐊᖑᓇᓱᒃᑕᐅᖃᑦᑕᖅᓯᒪᔪᑦ ᐃᓄᖕᓄᑦ. ᐅᓇ ᐱᓕᕆᐊᖑᓚᐅᖅᑐᖅ ᑲᑐᔾᔨᖃᑎᒌᒍᑕᐅᓪᓗᓂ ᖁᕐᓗᖅᑐᒥ (ᐊᖑᓇᓱᒃᑐᓕᕆᔨᒃᑯᓐᓂ). ᑭᓲᓂᖏᓐᓂᑦ ᖃᐅᔨᓴᖅᖢᑎᑦ ᐊᕐᓇᐅᖕᒪᖔᓪᓘᓐᓃᑦ ᐃᓛᒃᑯᓪᓗ ᓇᓗᓇᐃᔭᐃᕙᒃᖢᑕ ᖃᕝᕕᒑᕐᔪᖕᓂᑦ ᒥᖅᑯᖏᓐᓂᑦ ᓄᐊᑕᑦ ᐸᒡᕕᓴᓗᐊᙱᓐᓂᒃᑯᑦ ᖃᐅᔨᓴᕈᑎᒧᑦ ᐱᓕᕆᔨᖃᖅᖢᑕᓗ ᓄᓇᓕᖕᓂᑦ ᐊᖑᓇᓱᒃᑎᓂᑦ. ᒫᑦᓯᐅᑉ ᐱᒋᐊᕐᓂᖓᓂᑦ ᐊᐃᕆᓕ ᐃᓱᖅᐸᓯᐊᓄᑦ 2018-ᒥ 2019−ᒥᓗ, ᐱᓕᕆᖃᑎᒌᑦ ᐆᒃᑑᑎᖃᓚᐅᖅᐳᑦ 154−ᓂᑦ ᓇᕆᐊᖃᖅᖢᑕ ᑐᒃᑑᑉ ᓂᕿᖓᓐᓂᑦ ᐅᒥᖕᒪᖕᒥᓪᓗ ᑎᐱᓕᖕᓂᓪᓗ. ᑖᒃᑯᐊ ᓇᕆᐊᑦ ᐋᖅᑭᒃᓱᖅᓯᒪᓚᐅᖅᑐᑦ 5x5 ᑭᓚᒦᑕᑦ (25 km2) ᐅᖓᓯᒌᖕᓂᓕᖕᓄᑦ ᐱᖓᓱᐃᖅᖢᑎᒃ ᐅᓪᓗᓄᑦ−ᖁᓕᓄᑦ 4,000 km2 ᐊᖏᓂᓕᖕᒥᑦ ᓇᐹᖅᑐᓕᒃ ᑕᓯᐅᑉ ᐊᑭᓐᓇᖓᓂ.

ᑲᑎᖦᖢᒋᑦ, 22 ᖃᕝᕕᒑᕐᔪᐃᑦ (11ᐊᕐᓇᐃᑦ:11ᐊᖑᑎᑦ) ᑕᑯᔭᐅᓚᐅᖅᐳᑦ 2018−ᒥ ᐊᒻᒪ 27 ᖃᕝᕕᒑᕐᔪᐃᑦ 2019−ᒥ (13ᐊᕐᓇᐃᑦ:14ᐊᖑᑎᑦ), ᐃᓚᐅᓪᓗᑎᒃ ᖁᓕᐅᓪᓗᑎᒃ ᐃᓄᑐᐊᑦ (6ᐊᕐᓇᐃᑦ:4ᐊᖑᑎᑦ) ᓇᓗᓇᐃᖅᑕᐅᖅᑳᖅᖢᑎᒃ 2018−ᒥ ᖃᐅᔨᓴᖅᑕᐅᒃᑲᓐᓂᖅᖢᑎᒡᓗ 2019−ᒥ. ᓇᓗᓇᐃᔭᖅᓯᒪᑦᑎᐊᖅᑐᑦ ᐱᔭᐅᔪᑦ−ᐱᔭᐅᒃᑲᓐᓂᖅᑐᑦ ᐱᓕᕆᔾᔪᑎᑦ ᐊᑐᖅᑕᐅᓚᐅᖅᐳᑦ ᒥᒃᓴᐅᑦᑎᔾᔪᑕᐅᓇᓱᒃᖢᑎᒃ ᖃᕝᕕᒑᕐᔪᐃᑦ ᐅᓄᕐᓂᖏᓐᓂᒃ. ᖃᕝᕕᒑᕐᔪᐃᑦ ᐃᒪᓐᓇ ᐅᓄᕋᓱᒋᔭᐅᓚᐅᖅᐳᑦ 3.10 ᖃᕝᕕᒑᕐᔪᐃᑦ/1,000 km2 (95% CI: 2.00–4.78) 2018−ᒥ ᐊᒻᒪ 4.14 ᖃᕝᕕᒑᕐᔪᐃᑦ/1,000 km2 (95% CI: 2.78–6.18) 2019−ᒥ, ᐅᔾᔨᕐᓇᖅᑐᒥᒃ ᐊᔾᔨᒌᙱᓐᓂᖅᑕᖃᙱᖦᖢᑎᒃ ᐊᕐᕌᒍᓂ. ᐱᔭᐅᕙᒃᑐᑦ−ᐱᔭᐅᒃᑲᓐᓂᖅᐸᒃᑐᓪᓗ ᓇᓚᐅᑦᑖᒐᖏᑦ ᖃᕝᕕᒑᕐᔪᖕᓄᑦ ᖃᐅᔨᓴᕐᕕᐅᔪᓂᑦ ᓇᑭᙶᕐᓂᖏᓐᓄᑦ ᖃᐅᔨᓴᕐᓂᕐᒧᑦ. ᖃᐅᔨᓴᕈᑎᕗ ᐊᒥᓲᓂᖏᑦ ᖃᕝᕕᒑᕐᔪᐃᑦ ᖃᐅᔨᓴᕐᕕᐅᔪᒥᑦ ᐊᔾᔨᒌᒃᐸᙱᓚᑦ ᐃᓂᐊᓃᑲᐃᓐᓇᑐᐃᓐᓇᖅᐸᒃᖢᑎᒡᓗ, ᑲᒪᒋᔭᐅᑐᐃᓐᓇᕆᐊᓕᖕᒧᑦ ᐃᒪᓐᓇᐅᖅᑰᔨᔪᒧᑦ ᐊᕐᕌᒍᓕᒫᒧᑦ ᐊᔾᔨᒌᒃᐸᙱᓐᓂᖏᑦ ᐅᓄᕐᓂᖏᑦ ᒥᒃᓴᐅᑦᑎᓯᒪᔪᑦ. ᐊᕐᓇᐅᓂᖏᑦ ᐊᖑᑕᐅᓂᖏᑦ ᓇᓕᒧᒌᐸᓗᓚᐅᖅᑐᑦ ᓇᕈᓇᒃᑎᓪᓗᒋᑦ ᖃᐅᔨᓴᕐᕕᐅᔪᒥᒃ 2018-ᖑᑎᓪᓗᒍ, ᑭᓯᐊᓂ 2019−ᒥ ᐊᕕᓯᒪᓚᐅᐱᓪᓚᓚᐅᖅᑐᑦ. ᐊᑯᓐᓂᖅᓱᖅᑐᑦ ᖁᙱᐊᖅᑕᐅᔪᑦ ᐊᒥᓱᒻᒪᕆᐅᕗᑦ ᐊᖑᑕᐅᓇᓱᒋᔭᐅᔪᑦ (24 km) ᐊᔾᔨᐸᓗᒋᔭᐅᓪᓗᑎᒃ ᐊᕐᓇᐅᓂᖏᑦ (23 km) 2018−ᒥ, ᑭᓯᐊᓂ ᐅᓄᕐᓂᖅᓴᐅᕌᕐᔪᓚᐅᖅᑐᑦ 2019-ᒥ.

ᖃᕝᕕᒑᕐᔪᐃᑦ ᑕᐅᕙᓃᑦᑐᑦ ᐊᒥᓲᓗᐊᙱᓐᓂᖏᓐᓂᑦ ᓴᖅᑭᔮᖅᑐᑦ ᐃᓄᒋᐊᒃᓯᕙᓪᓕᐊᔪᓄᑦ ᐅᔭᕋᖕᓂᐊᕐᓂᒃᑯᑦ ᐊᖑᓇᓱᒃᑕᐅᓂᒃᑯᓪᓗ. ᑕᐃᒪᐃᓐᓂᖓᓄᑦ, ᐆᒧᖓ ᖃᐅᔨᓴᕐᓂᕐᒥᒃ, ᑭᒡᓕᓕᐅᕈᑕᐅᕙᒃᐳᑦ ᑎᑎᖅᑲᖏᑦ ᖃᕝᕕᒑᕐᔪᐃ ᓇᔪᒐᖏᓐᓂᑦ, ᐊᑐᖅᑕᐅᔪᓐᓇᖅᑐᑦ ᖃᔅᓯᐅᓂᖏᓐᓂᑦ ᓯᕗᓂᒃᓴᒥᑦ ᓄᖑᕋᐃᓗᐊᙱᓐᓂᒃᑯᑦ ᐊᖑᓇᓱᒐᒃᓴᑦ ᑭᒡᓕᖃᕐᓗᑎᒃ ᐊᑑᑎᖃᕋᔭᕐᒥᔪᓪᓗ ᑐᓴᖅᑎᑦᑎᕙᒡᓗᑎᒃ ᓄᓇᕗᑦ ᐊᒃᑐᐃᓂᖃᕐᓂᕐᒧᑦ ᕿᒥᕐᕈᔨᖏᑕ ᑲᑎᒪᔨᖏᓐᓄᑦ ᕿᒥᕐᕈᓕᕌᖓᒥᒃ. ᓇᑭᙶᕐᓂᖏᓐᓄᑦ ᖃᐅᔨᓴᕈᑏᑦ ᐊᑑᑎᖃᖅᑐᑦ ᐊᒻᒪ ᐊᑭᓕᖅᓱᒐᕐᓂᖅᑐᑦ ᖃᐅᔨᓴᕈᓰᑦ ᖃᕝᕕᒑᕐᔪᖕᓂᒃ ᓄᓇᐃᓐᓇᒥ ᓇᑎᕐᓇᒦᑦᑐᑦ. ᑐᑭᓯᑦᑎᐊᒃᑲᓐᓂᕈᒪᓪᓗᒋᑦ ᖃᕝᕕᒑᕐᔪᐃᑦ ᐊᒥᓲᓂᖏᑦ ᑕᐅᕙᓂ, ᐊᑯᓂᐅᔪᒥᑦ ᖃᐅᔨᓴᕐᓂᖃᕐᓗᑎᒃ ᐃᓚᓕᐅᔾᔭᐅᓯᒪᓗᑎᒃ ᓄᓇᓕᖕᓂᑦ ᐊᖑᓇᓱᒃᑐᓕᕆᔩᑦ ᐱᓕᕆᕝᕕᐅᔪᓪᓗ. ᖃᐅᔨᓴᕐᓂᖅ ᑕᑯᒃᓴᐅᑎᑦᑎᕗᖅ ᐊᑲᐅᓂᖓᓂᑦ ᑲᑐᔾᔨᓪᓗᑎᒃ ᖃᐅᔨᓴᕐᓂᖅ ᐊᑐᖅᑕᐅᓇᔭᖅᑐᓂᑦ ᐆᒪᔪᕐᓂᑦ ᐊᐅᓚᑦᑎᓂᕐᒧᑦ.

ᐅᖃᐅᓯᓪᓗᐊᑕᑦ: ᓇᓚᐅᑦᑖᖅᑕᐅᓯᒪᓂᖏᑦ ᓇᓃᓐᓂᖏᑦ, ᓇᑭᙶᖕᓂᖏᑦ, ᓇᐹᖅᑐᓕᒃ ᑕᓯᕐᒥ, ᕿᑎᕐᒥᐅᓂ, ᓄᓇᕗᒻᒥ, ᐅᖓᓯᒌᒃᑕᖅᑐᑦ ᐱᔭᐅᓂᑯᑦ ᐱᔭᐅᒃᑲᓐᓂᖅᑐᑦ, ᖃᕝᕕᒑᕐᔪᐃᑦ.

Category(ies):