ᐅᖃᓚᐅᑎᓯᐅᑏᑦ

You are here

ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᒌᔭᐅᑦ 2023

ᓄᓇᕗᑦ ᒐᕙᒪᖓ ᓴᖅᑭᑎᑦᑎᔪᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑎᒥᑦ 2023-ᒧᑦ

ᓄᓇᕗᑦ ᒐᕙᒪᒃᑯᖏᑦ ᐊᖏᕐᓯᒪᐃᓐᓇᖅᑐᑦ ᐊᒥᓱᕈᕆᐊᖅᓯᓂᖕᒥᑦ ᐃᓄᖕᓂᑦ ᐃᖅᑲᓇᐃᔭᖅᑎᓂᑦ ᐅᑭᐅᖅᑕᖅᑐᓯᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖕᓂᖕᓂᑦ ᑭᒡᒐᖅᑐᐃᓂᐊᕐᓗᓂ ᐃᓄᖕᓂᑦ ᐱᔨᑦᑎᕋᖅᑕᕗᑦ ᓄᓇᕗᒻᒥᑦ ᐊᑐᖕᓂᐊᕐᓗᒍᓗ ᐱᓕᕆᐊᒃᓴᖅ ᐊᑖᓂ 23 ᓄᓇᕗᑦ ᐊᖏᕈᑎᒥᑦ.

ᓄᓇᕗᑦ ᒐᕙᒪᒃᑯᖏᑦ ᐊᕐᕌᒍᒐᓴᖕᓄᑦ ᐃᓄᖕᓂᑦ ᐃᖅᑲᓇᐃᔭᖅᑎᑦᑎᓂᖕᒧᑦ ᐸᖕᓇᐅᑎᖃᐃᓐᓇᖅᑐᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖕᓂᖕᒧᑦ ᓄᓇᕗᑦ ᓴᖅᑭᑕᐅᓚᐅᕐᑎᓪᓗᒍ 1999. ᑖᒃᑯᐊ ᒐᕙᒪᒃᑯᓐᓂᓕᒫᖅ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᖏᑦ ᐊᑐᕐᑕᐅᕙᒃᐳᑦ ᐊᕐᕌᒍᑕᒫᑦ ᖃᓄᐃᓕᐅᕐᑕᓂᑦ ᓇᓗᓇᐃᔭᖅᓯᒪᔪᑦ ᐱᓕᕆᐊᒃᓴᓄᑦ ᐸᖕᓇᐅᑎᓂᑦ ᓄᑖᙳᕆᐊᖅᑕᐅᕙᒃᖢᑎᒃᓗ ᐊᓯᔾᔨᖅᑕᐅᕙᒃᖢᑎᒡᓘᓐᓃᑦ.

ᓄᓇᕗᑦ ᒐᕙᒪᒃᑯᖏᑦ ᑎᑎᕋᙵᓚᐅᖅᑐᑦ ᓄᑖᒥᑦ ᐊᒥᓱᓄᑦ−ᐊᕐᕌᒍᓅᖓᔪᒥᑦ  ᐃᓄᐃᑦ ᐃᖅᑲᓇᐃᔭᖕᓂᖏᓐᓄᑦ ᐸᖕᓇᐅ"ᑎᓪᓚᕆᖕᒥᑦ" 2017-2018−ᖑᑎᓪᓗᒍ ᓄᑖᓂᑦ ᑮᓇᐅᔭᖅᑖᖅᑎᑕᐅᓚᐅᕐᖢᑎᒃ ᐃᓄᐃᑦ ᐃᖅᑲᓇᐃᔭᖕᓂᖏᓐᓄᑦ ᐱᒋᐊᖅᑕᒃᓴᓂᑦ ᐊᑐᐃᓐᓇᐅᓕᖅᐸᑦ 2023−ᒧᑦ. ᓯᕗᓪᓕᖅᐹᒥᑦ, ᐱᓕᕆᕝᕕᐅᔪᑦ ᐊᖏᔪᓪᓗ ᐅᑭᐅᖅᑕᖅᑐᒥᑦ ᑎᒥᐅᔪᑦ ᓴᖅᑭᑦᑎᓚᐅᕆᕗᑦ ᐊᕐᕌᒍᒐᓴᖕᓄᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᒥᑦ. ᑖᒃᑯᐊ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᑦ ᓄᑖᙳᕆᐊᖅᑕᐅᓚᐅᖅᑐᑦ ᐱᐊᓂᒃᑕᐅᓪᓗᑎᒃᓗ 2019.

ᑖᒃᑯᐊ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᑦ ᐅᖃᕐᓯᒪᔪᑦ ᐊᒃᓱᕉᑕᐅᓲᓂᑦ ᐱᕕᒃᓴᓂᒡᓗ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐃᓚᖃᕐᖢᓂᓗ ᐃᓄᐃᑦ ᐃᖅᑲᓇᐃᔭᖕᓂᒃᓴᖏᓐᓄᑦ ᑎᑭᑕᐅᓇᓱᒃᑐᓂᑦ ᖃᓄᐃᓕᐅᕐᓂᕐᒧᑦ ᐸᖕᓇᐅᑎᓂᑦ 2023−ᒧᑦ. ᐊᕐᕌᒍᑕᒫᑦ ᑎᑭᑕᐅᓇᓱᒃᐸᒃᑐᑦ ᓯᕗᓪᓕᐅᔾᔭᒃᓴᓪᓗ ᐱᓕᕆᐊᖑᓂᐊᕐᑐᓄᑦ ᐃᓚᖃᐃᓐᓇᖅᐳᑦ ᐊᕐᕌᒍᑕᒫᒥᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᐊᒃᓴᓄᑦ ᐸᕐᓇᐅᑎᖏᓐᓂᑦ.

ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᓪᓚᕆᐊ ᐱᓕᕆᕝᕖᓪᓗ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᖏᑦ 2023−ᒧᑦ ᐃᓚᖃᖅᑐᑦ ᐊᒥᓱᓂᑦ ᐱᓕᒻᒪᒃᓴᐅᑎᓂᑦ, ᐃᓕᓐᓂᐊᕈᑎᒃᓴᓂᑦ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᑎᓂᖕᓄᓪᓗ ᐱᒋᐊᖅᑕᔪᑦ ᐃᑲᔫᑎᐅᓂᐊᕐᖢᑎᒃ ᐃᓄᖕᓂᑦ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔭᑲᐃᓐᓇᖅᐸᒃᑐᓂᒡᓗ ᐊᔪᕈᓐᓃᖅᐹᓪᓕᕐᓗᑎᒃ ᐃᖅᑲᓇᐃᔮᕆᔪᒪᔭᒥᓂᒡᓗ ᒪᓕᒡᓗᑎᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᑦ.

ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓪᓚᕆᐊ 2023−ᒧᑦ ᓄᓇᕗᑦ ᒐᕙᒪᖓᓐᓂᒃ ᐃᖅᑲᓇᐃᔭᕐᕕᐅᓪᓗᐊᑕᕈᒪᓂᕐᒥᒃ ᐱᓇᔪᒍᑎᖃᕐᒪᑕ ᐃᓄᖕᓄᑦ ᓄᓇᕗᒻᒥᐅᓄᑦ ᐱᒋᐊᖅᑎᑦᑎᖃᑦᑕᕐᓂᒃᑯᑦ ᐱᓕᕆᐊᒃᓴᓂᒃ ᐊᒻᒪᓗ ᓴᖅᑭᑦᑐᒃᓴᓕᐅᕐᓂᒃᑯᑦ ᐊᔪᙱᔾᔪᑎᒋᓪᓗᑎᒍᑦ ᐃᒪᓇ:

  • ᑲᔪᓯᓂᖃᕐᓗᓂ ᑭᒡᒐᖅᑐᐃᓂᖓᑦ ᐃᓄᒋᐊᖕᓂᖓᓂᒃ ᒪᓕᒃᑐᒥᒃ ᐃᖅᑲᓇᐃᔭᖅᑎᖃᕐᓂᖅ;
  • ᓴᙱᔪᒥᒃ ᐊᔪᙱᔾᔪᑎᖃᑦᑎᐊᖅᑐᓂᒡᓗ ᐱᓕᕆᔨᖃᕐᓂᖅ; ᐊᒻᒪᓗ
  • ᑐᙵᓇᖅᑐᒥᒃ ᐊᒻᒪᓗ ᐃᒃᐱᒍᓱᒍᓐᓇᖅᑐᒥᒃ ᐃᖅᑲᓇᐃᔭᕐᕕᖃᕐᓂᖅ.

ᒥᓇᕆᓗᒍ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᖏᑦ

ᐱᓕᕆᕝᕕᐅᔪᓂᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᖏᑦ 2023−ᒧᑦ ᐊᑐᐃᓐᓇᐅᔪᑦ ᐃᑭᐊᖅᑭᕕᒃᑯᑦ ᐱᓕᕆᕝᕕᓕᒫᓂᑦ ᐅᑭᐅᖅᑕᖅᑐᒥᓪᓗ ᑎᒥᐅᔪᓄᑦ.

ᓇᐃᓈᖅᓯᒪᔪᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖏᓇᐅᑎᓪᓚᕆᖏᑦ ᐊᑐᐃᓐᓇᐅᔪᑦ ᖃᕆᑕᐅᔭᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᑭᐊᖅᑭᕕᐊᓂᑦ ᑕᒪᐃᓐᓂᒃ ᑎᓴᒪᓂᒃ ᐃᓕᓴᕆᔭᐅᓯᒪᔪᑎᒍᑦ ᐅᖃᐅᓯᖕᓂᑦ: ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ, ᐊᒻᒪ ᐅᐃᕖᑐᑦ. ᐃᓚᖃᖅᑐᖅ ᐃᓗᐃᑦᑑᓕᖓᔪᒥᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᖕᓇᐅᑎᓪᓚᕆᐊᑕ “ᐅᓂᒃᑳᖅ” ᓇᓗᓇᐃᕐᓯᓯᒪᔪᖅ ᐱᕕᒃᓴᓂᑦ ᐊᒃᓱᕉᑕᐅᔪᓂᒡᓗ ᓴᖅᑭᓯᒪᔪᑦ ᓄᓇᕗᒻᒥᑦ ᐃᖅᑲᓇᐃᔮᖃᕈᓐᓇᖅᑐᓂᑦ, ᓇᓗᓇᐃᕐᑕᐅᔪᖅ ᓄᓇᕗᒻᒥᑦ ᐃᖅᑲᓇᐃᔮᖃᕈᓐᓇᖅᑐᑦ ᖃᐅᔨᓴᒐᓂᑦ ᐋᖅᑭᒃᑕᐅᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ.