ᑐᙵᓱᒃᑎᑦᑎᓂᖓ ᒥᓂᔅᑕᕆᔭᐅᔫᑉ ᐊᕙᑎᓕᕆᓂᕐᒧᑦ

ᑐᙵᓱᒃᑎᑦᑎᓂᖓ ᒥᓂᔅᑕᕆᔭᐅᔫᑉ ᐊᕙᑎᓕᕆᓂᕐᒧᑦ

ᔪᐊᓇ ᖁᐊᓴ ᓂᕈᐊᖅᑕᐅᓚᐅᖅᑐᖅ ᐊᒃᑑᐸ 25, 2021-ᒥ ᓂᕈᐊᕐᓂᕐᔪᐊᖅᑕᖃᖅᑎᓪᓗᒍ, ᑭᒡᒐᖅᑐᐃᓂᐊᖅᖢᓂᓗ ᐊᒡᒎᑉ ᓂᕈᐊᖅᑕᐅᕕᐊᓂ ᓄᓇᕗᒻᒥ 6−ᒋᔭᖓᓐᓂ ᒪᓕᒐᓕᐅᖅᑏᑦ ᐃᒃᓯᕚᕐᓂᖏᓐᓂ. ᔪᐊᓇ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2021-ᖑᑎᓪᓗᒍ, ᑲᑎᒪᓂᖃᖅᑎᓪᓕᒋᑦ ᓄᓇᕗᒻᒥ ᓯᕗᓕᖅᑏᑦ ᑲᑎᒪᔾᔪᑕᐅᓂᖓᓐᓂ. ᐊᖏᖅᑎᑕᐅᓚᐅᖅᐳᖅ ᐃᓂᖓᓄᑦ ᓄᕕᐱᕆ 19, 2021-ᒥ. ᐱᓕᕆᐊᖃᖅᐳᖅ ᒥᓂᔅᑕᐅᓪᓗᓂ ᐱᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᓐᓄᓪᓗ ᐊᒻᒪᓗ ᒥᓂᔅᑕᐅᓪᓗᓂ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᔪᐊᓇ ᖁᐊᓴ ᐃᓕᓴᐃᔨᐅᓂᕐᒥᒃ ᐱᒋᐊᕈᑎᖃᓚᐅᖅᓯᒪᔪᖅ. ᐃᓕᖅᑯᓯᓕᕆᔨᒃᑯᓐᓂ ᐊᖓᔪᖅᑲᐅᑕᐅᖃᑦᑕᖅᓯᒪᔪᖅ ᐊᒻᒪ ᐃᒡᓗᓕᐅᑉ ᕼᐋᒻᓚᒃᑯᖏᓐᓂ. ᒥᔅ ᖁᐊᓴ ᓄᓇᕗᒻᒥ ᓯᓚᑦᑐᖅᓴᕐᕕᐊᓂ ᐃᓕᓴᐃᔨᓐᖑᕆᐅᖅᓴᕐᓂᕐᒥᒃ ᐃᓱᓕᑦᑎᓚᐅᖅᓯᒪᔪᖅ. ᒥᔅ ᖁᐊᓴ ᐃᒡᓗᓕᖕᒥ ᒪᐃᔭᐅᓯᒪᔪᖅ, ᐃᓚᒋᔭᐅᖃᑕᐅᓚᐅᖅᖢᓂᓗ ᐃᒥᐊᓗᓕᕆᓂᕐᒧᑦ ᑲᑎᒪᔨᕋᓛᖏᓐᓄᑦ ᐊᒻᒪ ᑲᓇᑕᒥ ᐸᓖᓯᒃᑯᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔨᑕᖏᑕ ᑲᑎᒪᔨᕋᓛᖏᓐᓄᑦ. ᐊᑭᓕᖅᓱᖅᑕᐅᓐᖏᖢᓂ ᐃᓚᒋᔭᐅᖃᑕᐅᓯᒪᔪᖅ ᐋᖕᓕᑲᒃᑯᑦ ᐃᑲᔪᖅᑎᖏᓐᓂ ᐊᒻᒪ ᓄᓇᓕᖕᓂ ᐱᓐᖑᐊᖅᑐᓕᕆᔨᖏᓐᓂ. ᔪᐊᓇ ᐊᒻᒪ ᓴᐃᒪᓐ ᖁᐊᓴ ᕿᑐᕐᖓᖃᖅᐴᒃ ᑕᐃᕕᑏᓇᒥᒃ ᐊᒻᒪ ᕗᐃᓐᑐᓪᒥᒃ. ᒥᔅ ᖁᐊᓴ ᓴᓇᓐᖑᐊᖅᑎᓪᓚᕆᐅᕗᖅ ᐊᒻᒪ ᖁᕕᐊᒋᔭᖃᖅᖢᓂ ᐊᐅᓪᓛᖅᓯᒪᓂᕐᒥᒃ ᐅᖃᓕᒫᕐᓂᕐᒥᒡᓗ.