2023−ᒥ ᓄᓇᓕᖕᓂ ᓴᓂᕐᓂᕐᒧᑦ ᑕᖅᓴᒃᓴᖓᓂ ᓵᓚᖃᐅᓯᐊᕋᓱᐊᕐᓂᖅ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ

2023−ᒥ ᓄᓇᓕᖕᓂ ᓴᓂᕐᓂᕐᒧᑦ ᑕᖅᓴᒃᓴᖓᓂ ᓵᓚᖃᐅᓯᐊᕋᓱᐊᕐᓂᖅ

ᐅᐱᕐᖔᑕᒫᑦ, ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᑐᐃᕙᒃᐳᑦ ᓴᓂᓕᕌᖓᑕ ᓄᓇᓕᓕᒫᓂᑦ. ᑕᒪᑐᒪᓂ ᐊᕐᕌᒍᒥ ᐃᒪᐃᓕᐅᕐᓂᐊᖅᑐᒍᑦ.

ᐊᕙᑎᓕᕆᔨᒃᑯᑦ ᒪᒃᑯᒃᑐᓂᒃ ᑎᓕᐅᕆᕗᑦ 18-ᓂᒃ ᐅᑭᐅᓕᖕᓂᒃ ᑐᖔᓂᓪᓗ ᑎᑎᕋᐅᔭᖁᔨᓪᓗᑎᒃ ᑕᒪᑐᒪᓂ ᐊᕐᕌᒍᒥ ᓄᓇᓕᖕᓂ ᓴᓂᖅᑎᑦᑎᓕᖅᐸᑕ ᑕᖅᓴᒃᓴᖓᓂᒃ.

ᐊᑕᐅᓯᕐᒥᒃ ᒪᒃᑯᒃᑐᒥ ᑎᑎᕋᐅᔭᖅᑎᒥ ᓵᓚᒃᓴᖅᑐᖃᓛᕐᒪᑦ ᐱᓲᑎᓂ ᓯᓚᒥᓯᐅᑎᓂᓪᓗᑦᑕᐅᖅ ᐊᒻᒪᓗ ᑎᑎᕋᐅᔭᒐᖓ ᓴᖅᑭᔮᕐᓗᓂ ᑕᒪᑐᒪᓂ ᐊᕐᕌᒍᒥ ᓄᓇᓕᖕᓂᑦ ᓴᓂᕐᓂᕐᒧᑦ ᐱᔪᒥᓇᖅᓯᑎᑦᑎᔾᔪᑎᓂᑦ. ᒪᒃᕉᒃᑕᐅ ᓂᕈᐊᖅᑕᐅᓂᐊᕐᒥᔫᒃ ᓵᓚᖃᕐᓂᕐᒧᑦ ᓯᓚᒥ ᐊᑐᖅᑕᐅᔪᓐᓇᖅᑐᓂᒃ.

ᓵᓚᒃᓴᖅᑑᑉ ᑎᑎᕋᐅᔭᒐᖓ ᐊᑐᖅᑕᐅᓂᐊᖅᑐᖅ ᐱᔪᒥᓇᖅᓯᑎᔾᔪᑕᐅᓗᓂ ᓄᓇᕘᓕᒫᒥ ᓄᓇᓕᖕᓂᑦ ᓴᓂᖅᑐᓂᑦ. ᑕᖅᓴᓕᐊᕆᓯᒪᔪᖅ ᓴᖅᑭᔮᖅᑎᑦᑎᔭᕆᐊᓕᒃ ᐊᕙᑎᑦᑎᓐᓂ ᑲᒪᑦᑎᐊᕈᓐᓇᕐᓂᕐᒥᒃ ᑲᒪᒋᔭᖃᕐᓂᕐᒧᓪᓗ ᓴᓂᕐᓂᒃ.

ᓵᓚᒃᓴᕋᓱᒃᑐᓂᒃ ᒪᓕᒃᑕᐅᔭᕆᐊᓖᑦ ᐃᒪᐃᑦᑑᓂᐊᖅᐳᑦ:

• ᑕᖅᓴᓕᐊᕆᓯᒪᔪᖅ ᐃᒪᓐᓇ ᐊᖏᑎᒋᓗᓂ 8.5”x11” ᐊᓕᓚᔪᕐᒦᓪᓗᓂ.
• ᑕᖅᓵᑦᑎᐊᖁᔭᐅᕗᑦ.
• ᐃᓚᐅᖃᑕᐅᓇᓲᑎᑦ ᐊᔾᔨᓕᐅᖅᓯᒪᔭᕆᐊᓖᑦ ᑐᓂᔭᐅᓗᑎᒡᓗ ᑕᐃᓗ ᒫᑭᓐᑕᐃᔭᒧᑦ ᐅᕗᖓ ᑎᑎᕋᕐᕕᒋᓗᒍ tmacintyre@gov.nu.ca.
• ᐃᓚᐅᓂᐊᖅᑐᑦ 18−ᓂ ᐅᑭᐅᖃᕆᐊᓖᑦ ᑐᖔᓂᓪᓗ.
• ᓇᒃᓯᐅᔾᔭᐅᔪᓕᒫᑦ ᓄᓇᕗᑦ ᒐᕙᒪᖓᓄᑦ ᓇᖕᒥᓂᕆᔭᐅᓕᕐᓂᐊᖅᐳᑦ ᐊᑐᖅᑕᐅᑐᐃᓐᓇᕆᐊᖃᖅᖢᑎᒡᓗ ᐊᔾᔨᒌᙱᑦᑐᓄᑦ ᓴᖅᑭᑎᑕᐅᔪᓄᑦ.

ᓵᓚᒃᓴᕋᓱᖕᓂᖅ ᐃᓱᓕᓐᓂᐊᖅᑐᖅ ᐊᐃᕆᓕ 7 2023−ᒥ 5:00−ᒧᐊᖅᐸᑦ ᐅᓐᓄᒃᓴᒃᑯᑦ ᑲᓇᖕᓇᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᐳᑎᑦ ᑕᐃᓗ ᒫᑭᑕᐃᔭᒧᑦ ᐅᕗᖓ tmacintyre@gov.nu.ca ᐅᖄᓚᓗᑎᓪᓘᓐᓃᑦ 867-975-7731-ᒧᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓖᑲᓐ ᑖᒪᔅ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7761
lthomas8@gov.nu.ca