ᐊᒃᑕᑯᖃᓗᐊᖅᑕᐃᓕᒪᓂᕐᒧᑦ ᐱᓇᓱᐊᕈᓯᖅ 2022

ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ ᐱᓪᓗᒍ − ᓄᓇ ᑲᒪᒋᑦᑎᐊᕐᓗᒍ ᐃᒃᐱᒋᑦᑎᐊᕐᓗᒍᓗ, ᓂᕐᔪᑏᑦ ᐊᒻᒪ ᐊᕙᑎᕗᑦ − ᓴᓂᖃᕈᓐᓃᖅᐹᓪᓕᖅᑎᑦᑎᓂᕐᒧᑦ ᐱᓇᓱᐊᕈᓯᕐᒥ 2022 ᑎᓕᐅᖅᑕᐅᕗᒍᑦ ᑕᓪᓕᒪᐅᓪᓗᑎᒃ ᒪᓕᒃᑕᐅᒋᐊᓕᑦ ᐊᔪᕈᓐᓃᖅᓴᐅᑎᒋᕙᒡᓗᑎᒍᑦ: ᒥᒃᖠᑎᓪᓗᒍ, ᐊᑐᒃᑲᓐᓂᕐᓗᒍ, ᐋᖅᑭᒃᑲᓐᓂᕐᓗᒍ, ᐊᑐᓕᖅᑎᒃᑲᓐᓂᕐᓗᒍ ᐊᒻᒪ ᐱᔾᔪᑎᒃᓴᖅᑖᕆᒃᑲᓐᓂᕐᓗᒍ.

ᓂᕆᔭᐅᙱᓐᓂᑯᑦ ᐊᒥᐊᒃᑯᑦ ᓂᕆᔭᒃᓴᓕᐊᕆᒃᑲᓐᓂᖅᐸᒡᓗᒋᑦ, ᓂᐅᕕᕆᐊᕌᖓᕕᑦ ᓇᖕᒥᓂᖅ ᐴᕆᓂᐊᖅᑕᕐᓂᒃ ᓇᒃᓴᖅᐸᒡᓗᑎᑦ, ᐃᑲᔪᖅᓱᖅᐸᒡᓗᒋᓪᓗ ᓄᓇᓕᖕᓂ ᐱᒋᔭᐅᓂᑯᓂᒃ ᐊᑭᑭᑦᑐᖅᑖᕐᕖᑦ ᐊᒻᒪ ᓂᐅᕕᐊᒃᓴᓄᑦ/ᑕᐅᖅᓰᕕᖕᒧᑦ ᒪᒃᐱᖅᑐᒐᖅᑕᖃᕐᓗᓂ. ᐊᑐᖅᑕᐅᓂᑯᑦ ᐱᖁᑎᑦ ᐃᒋᓚᐅᙱᓐᓂᔅᓯᓐᓂᒃ ᑭᓱᒧᑦ ᐊᑐᒃᑲᓐᓂᕈᓐᓇᕐᒪᖔᑕ ᖃᐅᔨᓇᓱᒃᐸᒡᓗᒋᑦ.

ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕈᓐᓇᖅᐳᓯ ᐅᕗᖓ www.gov.nu.ca/iu/environment ᐃᓕᑦᑎᒃᑲᓐᓂᕈᒪᒍᕕᑦ ᖃᓄᐃᓕᐅᕐᓗᑎᑦ ᐊᓯᔾᔩᖃᑕᐅᔪᓐᓇᕐᒪᖔᖅᐱᑦ ᓄᓇᔅᓯᓐᓂ, ᐃᓱᒪᒋᔭᓯᓗ ᑐᓴᖅᑕᐅᑎᓪᓗᒋᑦ ᐃᓄᖕᓄᑦ ᑐᓴᖅᑕᐅᔪᒃᓴᓄᑦ ᐅᓇ ᐊᑐᕐᓗᒍ #WasteReductionWeek.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᔅᑕᓚ ᐊᒍᐃᓚᕐ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨᐅᓚᐅᑲᒃᑐᖅ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᒻᒪ ᑐᓴᐅᒪᑎᑦᑎᔨᒃᑯᓐᓄᑦ
ᐊᕙᑎᓕᕆᔨᒃᑯᑦ
867-975-7746
eaguilar2@gov.nu.ca

Document(s):

2022-10 PSA (ENV) Waste Reduction Week 2022 - INUK

ᒥᓂᔅᑕ ᔪᐊᓇ ᖁᐊᓴ

ᒥᓂᔅᑕ ᐊᕙᑎᓕᕆᔨᒃᑯᓐᓄᑦ

ᔪᐊᓇ ᖁᐊᓴ ᓂᕈᐊᖅᑕᐅᓚᐅᖅᑐᖅ ᐊᒃᑑᐸ 25, 2021-ᒥ ᓂᕈᐊᕐᓂᕐᔪᐊᖅᑕᖃᖅᑎᓪᓗᒍ, ᑭᒡᒐᖅᑐᐃᓂᐊᖅᖢᓂᓗ ᐊᒡᒎᑉ ᓂᕈᐊᖅᑕᐅᕕᐊᓂ ᓄᓇᕗᒻᒥ 6−ᒋᔭᖓᓐᓂ ᒪᓕᒐᓕᐅᖅᑏᑦ ᐃᒃᓯᕚᕐᓂᖏᓐᓂ. ᔪᐊᓇ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2021-ᖑᑎᓪᓗᒍ, ᑲᑎᒪᓂᖃᖅᑎᓪᓕᒋᑦ ᓄᓇᕗᒻᒥ ᓯᕗᓕᖅᑏᑦ ᑲᑎᒪᔾᔪᑕᐅᓂᖓᓐᓂ. ᐊᖏᖅᑎᑕᐅᓚᐅᖅᐳᖅ ᐃᓂᖓᓄᑦ ᓄᕕᐱᕆ 19, 2021-ᒥ. ᐱᓕᕆᐊᖃᖅᐳᖅ ᒥᓂᔅᑕᐅᓪᓗᓂ ᐱᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᓐᓄᓪᓗ ᐊᒻᒪᓗ ᒥᓂᔅᑕᐅᓪᓗᓂ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᔪᐊᓇ ᖁᐊᓴ ᐃᓕᓴᐃᔨᐅᓂᕐᒥᒃ ᐱᒋᐊᕈᑎᖃᓚᐅᖅᓯᒪᔪᖅ. ᐃᓕᖅᑯᓯᓕᕆᔨᒃᑯᓐᓂ ᐊᖓᔪᖅᑲᐅᑕᐅᖃᑦᑕᖅᓯᒪᔪᖅ ᐊᒻᒪ ᐃᒡᓗᓕᐅᑉ ᕼᐋᒻᓚᒃᑯᖏᓐᓂ. ᒥᔅ ᖁᐊᓴ ᓄᓇᕗᒻᒥ ᓯᓚᑦᑐᖅᓴᕐᕕᐊᓂ ᐃᓕᓴᐃᔨᓐᖑᕆᐅᖅᓴᕐᓂᕐᒥᒃ ᐃᓱᓕᑦᑎᓚᐅᖅᓯᒪᔪᖅ.

A-ᒥᑦ Z-ᒧᑦ ᐱᓕᕆᐊᑦ ᐱᔨᑦᑎᕈᑏᓪᓗ