ᐅᖃᓚᐅᑎᓯᐅᑏᑦ

You are here

ᐊᓂᕐᓂᖃᑑᑉ ᐳᔪᕐᓗᐊ ᐋᓂᐊᑕᕈᑕᐅᔪᓐᓇᕐᓂᖓᓄᑦ ᖃᐅᔨᓴᕈᑎ ᓴᕿᑕᐅᔪᖅ ᓄᓇᕗᒻᒥ

ᒪᐃ 10, 2018

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐊᓂᕐᓂᖃᑑᑉ ᐳᔪᕐᓗᐊ ᐋᓂᐊᑕᕈᑕᐅᔪᓐᓇᕐᓂᖓᓄᑦ ᖃᐅᔨᓴᕈᑎ ᓴᕿᑕᐅᔪᖅ ᓄᓇᕗᒻᒥ

ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᐊ ᐊᕙᑎᓕᕆᔨᒃᑯᑦ ᖁᕕᐊᑦᑐᑦ ᐅᖃᐅᓯᖃᕆᐊᑦᓴᖅ ᒐᕙᒪᑐᖃᒃᑯᓐᓂᑦ ᐊᓂᕐᓂᖃᕐᓇᐅᑉ ᖃᓄᐃᑦᑑᓂᖓᓄᑦ ᖃᐅᔨᓴᕈᑎ ᐱᓕᕆᐊᖅ ᓴᕿᑕᐅᓂᐊᕐᒪᑦ ᐃᖃᓗᓐᓂᑦ, ᖁᕐᓗᖅᑐᕐᒥᑦ ᐊᒻᒪᓗ ᐊᕐᕕᐊᓂᑦ ᑕᒫᓂ ᐱᓇᓱᐊᕈᓯᕐᒥᑦ.

ᐊᓂᕐᓂᖃᕐᓇᑐᑉ ᐳᔪᕐᓗᐊ ᐋᓐᓂᐊᑕᕈᑕᐅᔪᓐᓇᕐᓂᖓᓄᑦ ᖃᐅᔨᓴᕈᑎ ᖃᐅᔨᓴᕈᑕᐅᓂᐊᖅᑐᖅ ᐊᒃᑐᐃᓂᖃᕐᓂᖓᓄᑦ ᐊᓂᕐᓂᖃᕐᓇᐅᑉ ᓱᕈᕐᓂᖓᓄ ᐃᓄᓐᓄᑦ ᐋᓂᐊᑖᕈᑕᐅᔪᓐᓇᖅᑐᓄᑦ ᐅᓂᒃᑳᓕᐅᕈᑕᐅᔪᓐᓇᖅᑐᖅ ᖃᐅᔨᓴᖅᑕᐅᓗᓂ ᓇᐃᓴᐅᑎᑎᒍᑦ 1-ᒥ 10+−ᒧᑦ, ᓇᐃᓴᐅᖓ ᖁᑦᑎᓐᓂᖅᓴᐅᑉᐸ ᓇᓗᓇᐃᖅᓯᒐᔭᖅᑐᖅ ᓯᓚᐅᑉ ᓱᕈᕐᓂᖓ ᖁᑦᑎᓐᓂᖓᓂ ᐊᒻᒪᓗ ᐋᓐᓂᐊᑖᕐᓂᕐᒧᑦ ᐅᓗᕆᐊᓇᖅᑐᖅ.

ᐱᓗᐊᖅᑐᒥᑦ ᐃᓄᑐᖃᕐᓄᑦ ᓱᕈᓯᕐᓄᓪᓗ ᐊᒃᑐᖅᑕᐅᓴᕋᐃᒃᐸᑕ ᓯᓚᐅᑉ ᓱᕈᕐᓂᖓᓄᑦ, ᐊᓂᕐᓂᖃᕐᓇᑑᑉ ᐳᔪᕐᓗᐊ ᐋᓐᓂᐊᑕᕈᑕᐅᔪᓐᓇᕐᓂᖓᓄᑦ ᖃᐅᔨᓴᕈᑎ ᐊᑐᐃᓐᓇᐅᑎᑦᑎᓂᐊᖅᑐᖅ ᐱᓕᕆᔾᔪᑎᑦᑎᐊᕙᐅᓂᐊᖅᑐᖅ ᑐᑭᓯᔾᔪᑎᒋᔭᐅᒃᑲᓐᓂᕐᓗᓂᓗ ᖃᓄᐃᓐᓂᐅᔪᓄᑦ, ᓲᕐᓗ ᐃᑭᑦᑐᓄᑦ ᐅᕝᕙᓗᓃᑦ ᐊᑐᕆᐊᑉ ᐳᔪᕐᓗᐊ, ᐊᓯᔾᔩᔪᓐᓇᕐᒪᑦ ᐊᓂᕐᓂᖃᕐᓇᖅᑐᒥᑦ ᐊᓂᖅᑎᕆᕙᒃᑕᑦᑎᓐᓄᑦ. ᑖᓇ ᐱᓕᕆᐊᖅ ᑲᔪᓰᓐᓇᕐᓂᐊᖅᑐᖅ ᐊᒻᒪᓗᑦᑕᐅᖅ ᖃᐅᔨᒋᐊᕈᑎᐅᔪᓐᓇᕐᒥᔪᖅ ᓯᓚᒥ ᖃᓄᐃᓕᐅᕐᓂᐅᕙᑦᑐᓄᑦ ᐋᕿᒋᐊᕈᑎᐅᓗᓂ ᐊᓂᕐᓂᖃᕐᓇᖅᑑᑉ ᐳᔪᕐᓗᐊ ᐊᓯᔾᔨᖅᐸᑦ.

ᖃᐅᔨᓴᕈᑎᒃᓴᐃᑦ ᖁᕐᓗᖅᑑᒧᑦ, ᐊᕐᕕᐊᓄᑦ ᐃᖃᓗᖕᓄᓪᓗ ᐊᑐᐃᓐᓇᐅᔪᖅ ᑲᓇᑕᐅᑉ ᒐᕙᒪᒃᑯᖏᑦᑕ ᐃᑭᐊᖅᑭᕕᐊᓂ ᐅᕙᓂ https://ec.gc.ca/cas-aqhi/ ᐊᓂᕐᓂᖃᕐᑑᑉ ᐳᔪᕐᓗᐊ ᐋᓐᓂᐊᑖᕈᑕᐅᔪᓐᓇᕐᓂᖓᓄᑦ ᖃᐅᔨᓴᕈᑎᒥᑦ ᑲᓇᑕᐅ ᐅᖄᓚᐅᑎᕋᓛᖓᑦᑎᒍᓪᓗ.

ᑭᓇᑐᐃᓐᓇᖅ ᐊᐱᖁᑎᒃᓴᖃᕈᓂ ᐋᓂᐊᖃᖅᑕᐃᓕᓂᐅᑉ ᒥᒃᓵᓄᑦ ᖃᐅᔨᒋᐊᕈᓐᓇᖅᑐᖅ ᐊᕕᒃᑐᖅᓯᒪᔪᓂᒃ ᐊᕙᑎᖃᑦᑎᐊᕋᓱᐊᖅᑐᓕᕆᔨᒧᑦ. ᖃᐅᔨᒋᐊᕐᕕᐅᔪᓐᓇᖅᑐᑦ ᐊᑐᐃᓐᓇᐅᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᕿᕕᐊᓂᑦ ᐅᕙᓂ https://www.gov.nu.ca/environmental-health.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᐱ ᐴᕐᕕᔅ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᒻᒪ ᑐᓴᐅᒪᑎᑦᑎᔨᒃᑯᓐᓄᑦ
ᐊᕙᑎᓕᕆᔨᒃᑯᑦ
867-975-7761
DPurvis@gov.nu.ca