ᐅᖃᓚᐅᑎᓯᐅᑏᑦ

You are here

ᐃᖅᑲᐃᓯᔾᔪᑎ ᐅᖅᑰᓴᐅᑎᐅᑉ ᐅᖅᓱᖃᐅᑎᖓᓂᒃ ᖃᐅᔨᓴᖁᔨᕐᒧᑦ

ᔫᓂ 07, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᖅᑲᐃᓯᔾᔪᑎ ᐅᖅᑰᓴᐅᑎᐅᑉ ᐅᖅᓱᖃᐅᑎᖓᓂᒃ ᖃᐅᔨᓴᖁᔨᕐᒧᑦ

ᓇᖕᒥᓂᖃᖅᑎᐅᔪᑦ ᐊᒻᒪ ᐱᖁᑎᓄᑦ ᐊᐅᓚᑦᑎᔨᐅᔪᑦ ᐅᖅᓱᐊᓗᖕᒥᑦ ᑯᕕᔪᒥᑦ ᓴᓗᒻᒪᖅᓴᐃᔾᔪᑎᖓᓄᑦ ᐊᑭᓖᔭᕆᐊᖃᙱᓐᓂᖅᓴᐅᔪᓐᓇᖅᐳᑦ ᓈᒻᒪᒃᓯᔭᕌᖓᑦ ᖃᐅᔨᓴᖃᑦᑕᕈᑎᒃ ᐊᒻᒪ ᐋᖅᑭᐅᒪᑎᑦᑎᑦᑎᐊᖃᑦᑕᕈᑎᒃ ᐅᖅᑰᔾᔪᑎᖓᑕ ᐅᖅᓱᖃᐅᑎᖓᓂᒃ.

ᐃᒪᖅ ᑲᑎᑉᐸᓪᓕᐊᒃᐸᑦ ᐅᖅᓲᑉ ᐊᖅᑯᑎᖓᒍᑦ, ᖁᐊᕐᓂᐊᐳᖅ ᓱᓪᓗᓕᖓᒍᓪᓗ ᓄᑎᒍᑕᐅᓗᓂ. ᓯᓚ ᐅᖅᑰᓯᕙᓪᓕᐊᓕᖅᐸᑦ ᓯᑯᓗ ᐊᐅᒃᐸᓪᓕᐊᓕᕐᓗᓂ, ᐅᖅᓱᖅ ᓄᑎᒃᓯᒪᔪᒃᑯᑦ ᐊᓂᕙᓪᓕᐊᓕᕐᓂᐊᖅᐳᖅ, ᑯᕕᓕᕐᓗᓂᓗ. ᐊᕙᑎᓕᕆᔨᒃᑯᑦ ᓇᖕᒥᓂᖃᑎᓕᒫᓂᒃ ᐊᒻᒪ ᐱᖁᑎᓄᑦ ᐊᐅᓚᑦᑎᔨᓂᒃ ᑎᓕᐅᕆᕗᑦ ᐅᖅᑰᓴᐅᑎᖓᑕ ᐅᖅᓱᖃᐅᑎᖓᓂᒃ ᖃᐅᔨᓴᖁᔨᓪᓗᑎᒃ ᐱᕕᖃᓕᖅᐸᑕ.

ᐅᖅᓱᖃᐅᑏᑦ ᐅᖅᑯᒃᓯᒪᔪᑦ ᐅᕝᕙᓘᓐᓃᑦ ᐊᕐᕌᒍᑦ ᖁᓕᑦ ᐅᖓᑖᓂ ᐅᖅᓱᖃᐅᑎᒋᔭᐅᓕᖅᑐᑦ ᐊᓯᔾᔨᖅᑕᐅᔭᕆᐊᖃᖅᐳᑦ. ᐊᕐᕌᒍᑕᒫ ᐱᔨᑦᑎᕋᖅᑕᐅᖃᑦᑕᕆᐊᖃᖅᐳᑦ ᐱᔪᓐᓇᕐᓂᖃᖅᑐᒧᑦ ᐱᓕᕆᔨᒧᑦ ᐅᖅᓲᑉ ᐊᖅᑯᑎᖓᑕ ᐃᒪᕈᔪᖓᓂ ᐲᔭᐃᔪᓐᓇᖅᑐᒥᑦ (ᐃᒪᖅ ᓄᖅᑲᖅᐸᓪᓕᐊᔪᖅ).

ᑎᑎᕋᐅᔭᖅᓯᒪᔪᖅ ᓇᖕᒥᓂᓕᖕᓄᑦ ᐊᔪᕆᖅᓲᔾᔨᓯᒪᔪᖅ ᐅᖅᑰᓴᐅᑎᖓᑕ ᐅᖅᑰᓴᐅᑎᖓᓂᑦ ᑐᑭᓯᒋᐊᕈᑎᒃᓴᓂᒃ ᑎᑎᕋᖅᓯᒪᕗᑦ ᖃᓄᖅ ᐅᖅᓱᖃᐅᑎᖕᓂᑦ ᖃᐅᔨᓴᑦᑎᐊᕈᓐᓇᕐᒪᖔᖅᐱᑦ ᐊᒻᒪ ᖃᓄᖅ ᖃᐅᔨᔪᓐᓇᕐᒪᖔᖅᐱᑦ ᑯᕕᑐᐃᓐᓇᕆᐊᖃᓕᖅᑐᓂᑦ. ᐊᔪᕆᖅᓲᔾᔨᓯᒪᔪᑦ ᐊᑐᐃᓐᓇᐅᑎᑕᐅᕗᑦ ᑕᒪᐃᓐᓂᒃ ᐅᖃᐅᓯᕐᓂᑦ ᐃᓕᓴᕆᔭᐅᓯᒪᔪᓂᑦ:

https://www.gov.nu.ca/environment/documents

ᐊᕙᑎᓕᕆᔨᒃᑯᓐᓄᑦᑕᐅᖅ ᖃᐅᔨᒋᐊᕈᓐᓇᕐᒥᔪᑎᑦ ᐅᖄᓚᕝᕕᒋᓗᒋᑦ ᐅᕗᖓ 867-975-7700 ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒃᑯᑦ ᑎᑎᕋᕐᕕᖓᓄᑦ ᓄᓇᔅᓯᓐᓂ ᐅᖅᓱᖃᐅᑎᓯ ᖃᐅᔨᓴᖅᑕᐅᕝᕕᒃᓴᖓᓂ ᐋᖅᑭᒃᓯᖃᑎᒋᓗᒍ ᐊᑭᖃᙱᑦᑐᒥᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᐱ ᐴᕐᕕᔅ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᒻᒪ ᑐᓴᐅᒪᑎᑦᑎᔨᒃᑯᓐᓄᑦ
ᐊᕙᑎᓕᕆᔨᒃᑯᑦ
867-975-7761
dpurvis@gov.nu.ca