ᒫᓐᓇᑲᐅᑎᒋ ᐱᒋᐊᕐᓗᓂ: ᕿᑭᖅᑖᓘᑉ ᑐᒃᑐᖏᑦ ᐊᖑᓇᓱᑦᑕᐅᒋᐊᖃᒍᓐᓃᖅᑐᑦ

ᑐᒃᑐᑦᑐᖃᕆᐊᖃᕈᓐᓃᖅᑐᖅ 350-ᓂᕕᖓᑖᑦ ᓴᖅᑭᑕᐅᓯᒪᔪᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓄᑦ ᐋᕿᑦᑕᐅᓯᒪᔪᑦ ᐊᕌᒍᒧᑦ 2022-ᒥ–2023-ᒧ ᐃᓱᓕᕝᕕᖓ ᑎᑭᐅᑎᒻᒪᑦ. ᓂᕕᖓᑖᑦ ᐊᒥᐊᒃᑯᔪᑦ ᐃᕐᖐᓇᑲᐅᑎᒋ ᐊᑐᕈᓐᓃᖅᑐᑦ ᐊᒻᒪᓗ ᐅᑎᖅᑎᑕᐅᑲᐅᑎᒋᔭᕆᐊᓖᑦ ᓄᓇᓕᓐᓂᑦ ᐆᒪᔪᕐᓂᐊᖅᑎᒧᑦ ᐅᕝᕙᓗᓃᑦ ᐊᖑᓇᓱᒃᑐᓕᕆᔨᒃᑯᓐᓄᑦ/ᐆᒪᔪᕐᓂᐊᖅᑎᒃᑯᓐᓄᑦ.

ᕿᑭᖅᑖᓘᑉ ᑐᒃᑐᖓᓂᑦ ᑐᒃᑐᓐᓇᓱᓐᓇᐅᑎᓐᓇᒍ 2022-ᒥ–2023-ᒧ ᑐᒃᑐᑦᑐᖃᖅᐸᑦ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᕐᒥᑦ ᐊᑐᕐᓂᕐᓗᑲᔭᖅᑐᖅ. ᐊᑐᕐᓂᕐᓗᒃᑐᑲᖅᐸᑦ ᖃᐅᔨᓴᖅᑕᐅᒐᔭᖅᑐᖅ ᐊᒻᒪᓗ ᐃᖅᑲᖅᑐᒐᒃᓴᖑᑎᑕᐅᑐᐃᓇᕆᐊᓕᒃ.

ᑲᑎᓪᓗᒋᑦ ᐊᖑᓇᓱᒃᑕᐅᔪᓐᓇᖅᑐᑦ ᓴᖅᑭᑕᐅᓯᒪᔪᑦ ᐃᑲᔪᖅᑐᐃᓪᓗᑎᒃ ᕿᑭᖅᑖᓘᑉ ᑐᒃᑐᖏᑦ ᐊᒥᓲᓂᖏᑦ ᐅᑎᖅᐸᓪᓕᐊᓕᖅᑎᓪᓗᒋᑦ, ᐊᒻᒪᓗ ᐱᕕᔾᔪᐊᖑᓪᓗᓂ ᐊᐅᓚᑦᑎᖃᑎᒌᖕᓂᕐᒧᑦ ᐊᔪᐃᓈᖑᔪᒧᑦ ᐃᓛᑰᓕᖓᓂᖏᑦ ᐅᓄᖅᓯᒋᐊᓂᖏᑦ ᐊᒻᒪᓗ ᐊᖑᓇᓱᖕᓂᖅ ᓂᕐᔪᑎᓂᒃ ᐱᕕᓴᖃᖅᑎᑕᐅᓗᓂ ᓯᕗᓂᑦᓴᑦᑎᓐᓄᑦ ᐊᖑᓇᓱᒍᓐᓇᕐᓂᐊᕐᒪᑕ ᓂᕐᔪᑎᓂᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓚᐃᑳᓐ ᑖᒪᔅ
ᑐᓴᒐᒃᓴᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7761
lthomas8@gov.nu.ca

Document(s):

2023-04 PSA (ENV) Closing Baffin Island Caribou harvest - INUK

ᒥᓂᔅᑕ ᔪᐊᓇ ᖁᐊᓴ

ᒥᓂᔅᑕ ᐊᕙᑎᓕᕆᔨᒃᑯᓐᓄᑦ

ᔪᐊᓇ ᖁᐊᓴ ᓂᕈᐊᖅᑕᐅᓚᐅᖅᑐᖅ ᐊᒃᑑᐸ 25, 2021-ᒥ ᓂᕈᐊᕐᓂᕐᔪᐊᖅᑕᖃᖅᑎᓪᓗᒍ, ᑭᒡᒐᖅᑐᐃᓂᐊᖅᖢᓂᓗ ᐊᒡᒎᑉ ᓂᕈᐊᖅᑕᐅᕕᐊᓂ ᓄᓇᕗᒻᒥ 6−ᒋᔭᖓᓐᓂ ᒪᓕᒐᓕᐅᖅᑏᑦ ᐃᒃᓯᕚᕐᓂᖏᓐᓂ. ᔪᐊᓇ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2021-ᖑᑎᓪᓗᒍ, ᑲᑎᒪᓂᖃᖅᑎᓪᓕᒋᑦ ᓄᓇᕗᒻᒥ ᓯᕗᓕᖅᑏᑦ ᑲᑎᒪᔾᔪᑕᐅᓂᖓᓐᓂ. ᐊᖏᖅᑎᑕᐅᓚᐅᖅᐳᖅ ᐃᓂᖓᓄᑦ ᓄᕕᐱᕆ 19, 2021-ᒥ. ᐱᓕᕆᐊᖃᖅᐳᖅ ᒥᓂᔅᑕᐅᓪᓗᓂ ᐱᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᓐᓄᓪᓗ ᐊᒻᒪᓗ ᒥᓂᔅᑕᐅᓪᓗᓂ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᔪᐊᓇ ᖁᐊᓴ ᐃᓕᓴᐃᔨᐅᓂᕐᒥᒃ ᐱᒋᐊᕈᑎᖃᓚᐅᖅᓯᒪᔪᖅ. ᐃᓕᖅᑯᓯᓕᕆᔨᒃᑯᓐᓂ ᐊᖓᔪᖅᑲᐅᑕᐅᖃᑦᑕᖅᓯᒪᔪᖅ ᐊᒻᒪ ᐃᒡᓗᓕᐅᑉ ᕼᐋᒻᓚᒃᑯᖏᓐᓂ. ᒥᔅ ᖁᐊᓴ ᓄᓇᕗᒻᒥ ᓯᓚᑦᑐᖅᓴᕐᕕᐊᓂ ᐃᓕᓴᐃᔨᓐᖑᕆᐅᖅᓴᕐᓂᕐᒥᒃ ᐃᓱᓕᑦᑎᓚᐅᖅᓯᒪᔪᖅ.

A-ᒥᑦ Z-ᒧᑦ ᐱᓕᕆᐊᑦ ᐱᔨᑦᑎᕈᑏᓪᓗ