ᐅᖃᓚᐅᑎᓯᐅᑏᑦ

You are here

ᓂᕐᔪᑏᑦ ᕿᒥᕆᖃᑦᑕᖏᓪᓗᒋᑦ

ᔪᓚᐃ 21, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓂᕐᔪᑏᑦ ᕿᒥᕆᖃᑦᑕᖏᓪᓗᒋᑦ

ᐊᕙᑎᓕᕆᔨᒃᑯᑦ ᐱᓕᕆᕝᕕᖓ ᐃᖅᑲᐃᑎᑦᑎᒋᐊᕈᒪᔪᑦ ᐃᓄᓐᓄᑦ ᑭᒃᑯᑐᐃᓐᓇᕐᓂᑦ ᓄᓇᕗᒻᒥ ᓂᕐᔪᑎᓂᑦ ᕿᒥᕆᖃᑦᑕᕆᐊᖃᙱᒻᒪᑦ ᒪᓕᓪᓗᒍ ᐆᒪᔪᓕᕆᓂᕐᒧᑦ ᐱᖁᔭᖅ.

ᕿᒥᕆᔭᐅᖃᑦᑕᖅᑎᓪᓗᒋᑦ ᑕᒪᒃᑯᐊ ᓂᕐᔪᑏ ᐊᑦᑐᐃᓂᕐᓗᔅᓯᒪᔪᓐᓇᕐᒪᑦ ᖃᓄᐃᖏᑦᑎᐊᕐᓂᕆᔪᓐᓇᖅᑕᖏᓐᓂᑦ, ᑐᖁᔾᔪᑎᒋᔪᓐᓇᑐᐃᓐᓇᕆᐊᖃᖅᑐᒍᓪᓗ. ᐊᒻᒪᓗᑦᑕᐅᖅ ᓂᕐᔪᑏᑦ ᐃᓄᓐᓂᑦ−ᑕᑎᖃᕋᓱᖔᓕᑐᐃᓐᓇᕆᐊᓖᑦ ᓂᕆᔭᔅᓴᖏᓐᓂᑦ, ᑕᒪᓐᓇ ᐱᔾᔪᑕᐅᓕᕈᓐᓇᖅᑐᓂ ᑖᒃᑯᐊ ᓇᒻᒥᓂᖅ ᐊᓐᓇᐅᒪᓇᓱᒍᓐᓇᕐᓂᕆᔭᖏᓐᓂᑦ ᐆᒪᓇᓱᐊᓐᓂᕐᒧᑦ ᓯᓚᑐᐃᓐᓇᕐᒥᑦ. ᑕᒪᓐᓇᑦᑕᐅᖅ ᓴᖅᑭᑎᑦᑎᔾᔪᑕᐅᔪᓐᓇᖅᑐᓂ ᐃᓄᐃᓪᓗ ᓂᕐᔪᑏᓪᓗ ᓄᓇᓕᓐᓂᑦ ᐊᑲᐅᙱᓕᐅᕈᑎᖃᓕᕈᑕᐅᓗᓂ ᐊᐅᓪᓛᖅᓯᒪᕕᐅᔪᓄᑦ, ᑕᒪᒃᑯᐊ ᓂᕐᔪᑏᑦ ᑕᒪᒃᑯᓂᖓ ᓄᓇᖃᕐᕕᐅᔪᓂᑦ ᓂᕿᖃᕐᕕᐅᓱᒋᑦᑎᓕᕈᓐᓇᕐᒪᑕ.

ᓂᕐᔪᑏᑦ ᕿᒥᕆᔭᐅᓯᒪᔪᓂᖏᓐᓄᑦ ᐃᓄᓐᓄᑦ ᓄᔪᐃᑦᑑᓕᕈᓐᓇᖅᑐᑦ ᐊᒻᒪᓘᓐᓃᑦ ᐃᖅᓯᓇᖅᓯᓗᑎᑦ. ᑕᒪᓐᓇᑦᑕᐅᖅ ᐋᓐᓂᐊᓕᕐᓇᖅᑐᓂᑦ ᐊᐃᑦᑐᖅᑕᐅᔪᓐᓇᑐᐃᓐᓇᕆᐊᓖᑦ ᐃᓄᐃᑦ, ᓲᕐᓗ ᓯᖏᖅᓯᓇᖅᑐᒥᑦ.

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᓗᕆᐊᓇᖅᑑᓂᖏᓐᓂᑦ ᕿᒥᕆᖃᑦᑕᕐᓂᕐᒧᑦ ᓂᕐᔪᑎᓂᑦ, ᖃᐅᔨᒋᐊᕐᕕᒋᔪᓐᓇᖅᑕᑎᑦ ᐆᒪᔪᓕᕆᔨᒃᑯᑦ ᑎᑎᕋᕐᕕᖓ ᐅᕙᓂ http://www.gov.nu.ca/environment/information/contact-us.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᓯ ᓚᓱᑦ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7761
clessard3@gov.nu.ca