ᓄᓇᓕᖕᓂ ᐊᑦᑕᕐᓇᖅᑕᐃᓕᒪᑎᑦᑏᓐᓇᖅᑕ ᓇᓄᕐᓄᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᓕᖕᓂ ᐊᑦᑕᕐᓇᖅᑕᐃᓕᒪᑎᑦᑏᓐᓇᖅᑕ ᓇᓄᕐᓄᑦ

ᐊᕙᑎᓕᕆᔨᒃᑯᑦ ᑭᒃᑯᓕᒫᓂᒃ ᐃᖅᑲᐃᓯᒋᐊᖅᑎᑦᑎᕗᑦ ᐆᒪᔪᒥᒃ ᐅᐸᒍᑎᖃᑦᑕᖁᔭᐅᙱᖦᖢᑎᒃ ᕿᒥᕐᕆᖃᑦᑕᙱᓪᓗᑎᒡᓗ, ᐱᖃᓯᐅᑎᓪᓗᒋᑦ ᓇᓄᐃᑦ, ᐃᓄᖕᓂᑦ ᑕᑎᖃᓕᕈᓐᓇᕐᒪᑕ ᐃᖅᓯᓇᖅᓯᔪᓐᓇᖅᖢᑎᒡᓗ ᓂᕿᒃᓴᖅᓯᐅᕐᓗᑎᒃ.

ᓇᓄᐃᑦ ᐊᑦᑕᕐᓇᖅᑐᒻᒪᕆᐊᓘᕗᑦ ᓂᕆᐅᓇᙱᑉᐸᒃᖢᑎᒡᓗ, ᑕᐃᒪᓕ ᐱᒻᒪᕆᐅᕗᖅ ᐅᖓᓯᒋᔭᖓᓃᙱᓐᓇᖅᐸᒡᓗᑕ.

ᐆᒪᔪᒥᒃ ᕿᒥᕆᔪᑎᑦ ᐅᐃᒪᓵᕆᔪᑎᓪᓘᓐᓃᑦ ᐊᖑᔭᐅᒍᕕᑦ ᐱᔮᕆᓗᑎᑦ, ᐅᕝᕙᓘᓐᓃᑦ ᑭᒃᑯᑐᐃᓐᓇᐃᑦ ᐊᑦᑕᕐᓇᖅᑐᒦᖁᓇᒋᑦ ᒪᑐᔭᐅᓯᒪᔪᒥᑦ ᓄᓇᒦᑦᑐᑎᑦ ᑕᑯᔭᐅᒍᕕᑦ, ᐊᑭᓕᒐᒃᓴᖅᑖᖅᑎᑕᐅᑐᐃᓐᓇᕆᐊᖃᖅᑐᑎᑦ ᐆᒪᔪᓕᕆᓂᕐᒧᑦ ᐱᖁᔭᖅ ᒪᓕᒃᖢᒍ.

ᓇᓄᕐᓂᒃ ᑎᑭᕌᖅᑕᐅᑎᑦᑎᑦᑕᐃᓕᒪᓗᑎᒃ ᓄᓇᓕᖕᓄᑦ, ᐊᖑᓇᓱᒃᑏᑦ ᓂᕿᕕᓂᕐᓂᒃ ᐊᖑᔭᐅᔪᕕᓂᕐᓂᓪᓘᓐᓃᑦ ᐃᒃᓯᖕᓇᐃᖃᑦᑕᖁᔭᐅᙱᑉᐳᑦ ᓇᓂᑐᐃᓐᓇᑦᑎᐊᖅ ᓄᓇᓕᖕᓂ.

ᓄᓇᕗᑦ ᒐᕙᒪᒃᑯᑦ ᐃᑲᔪᕈᓐᓇᑐᐃᓐᓇᕆᐊᓖᑦ ᓂᕿᒃᑯᕕᑦ ᐊᑭᓕᐅᑎᖓᓄᑦ ᓇᓄᕐᓄᑦ ᐱᔭᐅᔾᔭᐃᖅᓯᒪᔪᓂᑦ ᐆᒪᔪᓄᑦ ᓱᕋᒃᑎᕆᑎᑦᑎᑦᑕᐃᓕᒪᓂᕐᒧᑦ ᐱᓕᕆᐊᖑᔪᖅ ᐊᑐᕐᓗᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓇᓄᕐᓂᒃ ᐊᑦᑕᕐᓇᖅᑕᐃᓕᒪᑎᑦᑎᓂᐅᑉ ᒥᒃᓵᓄᑦ, ᓄᓇᔅᓯᓐᓂ ᐆᒪᔪᕐᓂᐊᖅᑎᒃᑯᑦ ᑎᑎᕋᕐᕕᖓᓄᑦ ᐊᐱᕆᔪᓐᓇᖅᐳᑎᑦ. ᖃᐅᔨᒋᐊᕐᕕᐅᔪᓐᓇᖅᑐᑦ ᓇᓂᔭᐅᔪᓐᓇᖅᐳᑎᑦ ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓂ.

###

Media contact:

Estela Aguilar
A/Manager of Communications, Education and Outreach
Department of Environment
867-975-7746
eaguilar2@gov.nu.ca