ᐅᔾᔨᖅᓱᖁᔭᐅᕗᓯ ᑎᕆᒐᓂᐊᕐᓄᑦ ᑮᔭᖃᑦᑕᓂᒃ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐅᔾᔨᖅᓱᖁᔭᐅᕗᓯ ᑎᕆᒐᓂᐊᕐᓄᑦ ᑮᔭᖃᑦᑕᓂᒃ

ᓄᓇᐃᓐᓇᕐᒥ ᐱᓱᒃᑎᓪᓗᓯ, ᑕᓯᒃᑯᑦ, ᐅᕝᕙᓘᓐᓃᑦ ᓯᑯᒃᑯᑦ − ᐱᓗᐊᖅᑐᒥ ᕿᒻᒥᓯ ᐱᖃᑎᒋᓗᓯᐅᒃ ᓄᑕᖅᑲᓂᒡᓘᓐᓃᑦ ᒥᑭᑦᑐᓂᒃ − ᐳᐃᒍᖅᑕᐃᓕᕙᒡᓗᓯ ᑎᕆᒐᓂᐊᓄᑦ ᑮᔭᖃᑦᑕᒃᑕᖃᑐᐃᓐᓇᕆᐊᖃᕐᒪᑦ.

ᐃᓕᔅᓯ ᑲᒪᒋᔭᒃᓴᖃᕋᔅᓯ ᑎᒍᐊᖅᓯ ᕿᑐᕐᖓᓯᓗ ᐊᑦᑕᕐᓇᖅᑐᒧᐊᖅᑎᑦᑕᐃᓕᓗᒋᑦ. ᕿᒻᒦᑦ ᑕᓯᒍᐊᖓ ᐲᕈᖕᓂ, ᑕᐃᒪᓕ ᐃᕝᕕᑦ ᑭᓯᐊᓂ ᐱᑎᓐᓂᐊᖅᐸᑦ ᐅᓗᕆᐊᓇᖅᑐᒦᓕᕐᓗᓂ. 

ᑮᔭᖃᑦᑕᖃᖅᐸᒃᑐᑦ ᑮᔭᖃᑦᑕᓂᒃ ᐃᓕᐅᖅᑲᐃᖃᑦᑕᖁᔭᐅᙱᒻᒥᔪᑦ ᐃᓄᖕᓂᒃ ᐱᓱᔪᒡᕕᐅᓲᓂᒃ ᐊᓃᕐᕕᐅᓲᓂᒡᓗ. ᐅᖃᖅᓯᒪᔪᖅ ᒪᓕᒃᖢᒍ ᐆᒪᔪᓕᕆᓂᕐᒧᑦ ᐱᖁᔭᕐᒥ ᐊᒻᒪ ᓄᓇᕗᒻᒥ ᐊᖏᖃᑎᒌᒍᑎᒥ, ᐊᖅᑯᑎᖃᖅᑎᑕᐅᔪᓐᓇᕐᓂᖅ ᑮᔭᖃᑦᑎᖅᓱᐃᓂᐊᕐᓗᓂ ᐃᓚᖃᙱᒻᒪᑦ ᓇᓂᑐᐃᓐᓇᖅ ᐃᓂᐅᔪᒥᒃ 1.6 ᑭᓚᒦᑕᑦ, ᐅᕝᕙᓘᓐᓃᑦ 1 ᒪᐃᓕᒥᒃ ᐅᖓᓯᒃᑎᒋᔪᒥᒃ, ᓇᓕᐊᖕᓄᑐᐃᓐᓇᖅ ᐃᒡᓗᕐᔪᐊᓄᑦ, ᓇᑉᐸᖅᑎᑕᐅᓯᒪᔪᓄᑦ ᐊᓯᖏᓐᓄᓪᓘᓐᓃᑦ ᐃᓂᒋᔭᐅᔪᓄᑦ. ᑮᔭᖃᑦᑎᖅᓱᐃᖃᑦᑕᕆᐊᖃᙱᓚᑦ ᑖᒃᑯᓇᓂ ᐃᓂᒋᔭᐅᔪᑦ ᖃᓂᒋᔭᖏᓐᓂᒃ.

ᖃᐅᔨᒪᖁᔭᐅᕗᓯ ᒪᓕᒐᕐᒥᒃ ᓱᕋᐃᓂᐅᖕᒪᑦ ᐲᔭᐃᓂᐊᕐᓗᓂ ᐸᒡᕕᓵᖃᕐᓂᐊᕐᓗᓂᓘᓐᓃᑦ ᑮᔭᖃᑦᑕᓂᒃ ᐊᐃᑦᑕᖅᑎᑕᐅᓯᒪᔪᓂᒃ.

ᖃᐅᔨᒋᐊᕐᕕᒋᕙᒡᓗᓯᐅᒃ ᓄᓇᔅᓯᓐᓂ ᐆᒪᔪᕐᓂᐊᖅᑎᒋᔭᓯ ᑐᑭᓯᒋᐊᒃᑲᓐᓂᕈᒪᒍᔅᓯ. ᖃᐅᔨᒋᐊᕐᕕᐅᔪᓐᓇᖅᑐᑦ ᓇᓂᔭᐅᔪᓐᓇᖅᐳᑎᑦ ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᖃᓘᑎᓯᐅᑎᒥᓪᓘᓐᓃᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐋᓕᒃᓵᑐᕆᐊ ᐅᐊᑉ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᕐᓂᕐᒧᑦ ᑐᓴᐅᒪᑎᑦᑎᔨᓄᓪᓗ ᐊᕙᑎᓕᕆᔨᒃᑯᑦ
ᐊᕙᑎᓕᕆᔨᒃᑯᑦ
867-975-7761
awebb6@gov.nu.ca