Businesses

Are You an Apprentice or an Employer of Skilled Trades People?

ᐃᓕᖅᑯᓯᓕᕆᔨᒃᑯᑦ ᑲᒪᒋᔭᖃᖅᐳᑦ ᐊᑐᑦᑎᐊᕐᓂᕐᒥᑦ, ᓴᐳᒻᒥᒃᖠᓂᕐᒥᑦ, ᐱᕚᓪᓕᖅᑎᑦᑎᓂᕐᒥᑦ ᓄᓇᕘᑉ ᐃᓕᖅᑯᓯᒐᓴᖏᓐᓂᑦ. ᑖᒃᑯᐊ ᑐᕌᒐᕆᔭᐅᔪᑦ ᑲᔪᓯᑦᑎᐊᖃᑦᑕᕐᐳᑦ ᐱᕚᓪᓕᕐᓂᒃᑯᑦ ᐱᔨᑦᑎᕐᑕᐅᓂᖏᑦ ᐃᑦᑕᕐᓂᓴᓕᕆᓃᑦ, ᐊᑦᑎᕐᓱᐃᓂᕐᓂᑦ ᓄᓇᓂᑦ, ᐃᑦᑕᕐᓂᓴᒃᑯᕖᑦ ᑕᑯᓐᓇᒐᒃᓴᓂ, ᑐᖅᑯᖅᑕᐅᓯᒪᔪᓂ ᐊᒻᒪᓗ ᐅᖃᓕᒫᒐᐃᑦ ᐊᑐᐊᒐᖏᓐᓂᑦ ᐱᔨᑦᑎᕈᑎᖏᓐᓂᒃᓗ. ᐅᕘᓇ ᓇᕿᓪᓗᒍ ᖃᐅᔨᒋᐊᒃᑲᓐᓂᕈᒪᒍᕕ!

ᐃᖅᑲᓇᐃᔮᖃᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒧᑦ ᐱᔨᑦᑎᕐᓃᑦ ᐃᑲᔫᑎᖃᑦᑕᕐᒪᑕ ᐃᓄᑐᐊᖑᒐᓗᐊᑦ ᐱᔪᓐᓇᖅᓯᓪᓗᑎᒃ ᐊᒥᓱᓂᑦ ᐃᖅᑲᓇᐃᔮᖅᑖᖅᐸᓪᓕᐊᓂᕐᒧᑦ ᐱᕕᒃᓴᐅᔪᓂᑦ. 
ᑎᑎᕋᕐᕖᑦ ᐊᑐᓂ ᐊᕕᒃᓯᒪᓂᐅᔪᓂ ᐱᑎᑦᑎᖃᑦᑕᕐᒪᑕ ᓱᓕᑦᑎᐊᖅᑐᓂᒃ ᐊᒻᒪᓗ ᒫᓇᓕᓴᕐᓂᒃ ᐃᖅᑲᓇᐃᔭᕐᓂᕐᒧᑦ ᑐᕌᖅᑐᓂᒃ ᐊᒻᒪᓗ ᐃᖅᑲᓇᐃᔮᖃᕈᒪᓂᕐᒧᑦ ᐱᕙᓪᓕᐊᓂᕐᒧᑦ ᖃᐅᔨᒪᔭᐅᔭᕆᐊᓕᖕᓂᒃ ᐃᑲᔪᕋᓱᒃᖢᒋᑦ ᐃᓕᓐᓂᐊᖅᑏᑦ ᐃᓕᓐᓂᐊᑦᑎᐊᖁᓪᓗᒋᑦ ᐊᑑᑎᓕᖕᒥᒃ, ᐃᖅᑲᓇᐃᔮᖅᑖᕋᓱᖕᓂᕐᒧᑦ ᐊᒻᒪᓗ ᐃᖅᑲᓇᐃᔮᒃᓴᓂᒃ ᓂᕈᐊᕈᓐᓇᕐᓂᕐᒥᒃ. ᐅᕘᓇ ᓇᕿᓪᓗᒍ ᖃᐅᔨᒋᐊᕐᕕᒋᔪᓐᓇᖅᑕᕐᓂᒃ ᖃᐅᔨᓂᐊᕋᕕᑦ ᐃᖅᑲᓇᐃᔮᖅᑖᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒧᑦ ᑎᑎᕋᕐᕕᖕᒧᑦ ᐊᕕᒃᓯᒪᓂᕆᔭᔅᓯᓐᓂ.

ᑭᓇᑐᐃᓇᓕᒪᖅ ᐅᕝᕙᓗᓂᑦ ᐃᒻᒥᓂᖅᓱᖅᑐᑦ ᐱᓕᕆᐊᖃᒃᑐᑦ ᐅᔭᕋᒡᓂᐊᒐᒃᓴᓂᒃ ᕿᓇᔭᒡᓗᑎᒃ ᐱᔪᓐᓇᖅᑎᑕᐅᔪᓐᓇᕐᒥᔪᑦ ᐅᖅᓱᒃᓴᑦ ᑖᒃᓯᔭᕈᑎᖏᑕ ᐅᑎᖅᑎᑦᑎᔪᑎᖏᓂᑦ ᐅᖅᓱᒃᓴᑦ ᐊᑐᖅᑕᐅᓐᓂᖅᐸᑕ ᐱᔪᓇᐅᑎᖃᖏᑐᓄᑦ ᐊᐅᓚᐅᑎᓕᖕᓄᑦ, ᐱᓕᕆᔪᑎᓄᑦ ᐊᒻᒪᓗ ᑎᑎᕋᒃᑕᐅᓯᒪᔪᑦ ᖃᒧᑕᐅᔭᓄᑦ ᐊᒻᒪᓗ ᓇᐅᑯᑐᐃᓇᖃᑦᑕᐅᑎᑦ ᑎᓴᒪᓕᖕᓄᓪᓘᓐᓂ ᐊᑐᖅᑕᐅᑎᓗᒋᑦ ᐅᔭᒐᓂᐊᒐᒃᓴᓂᒃ ᕿᓇᔭᖕᒥᕐᒧᑦ. ᐅᑎᖅᑎᑦᑎᔪᑎᑦ ᐊᑐᕈᓐᓇᖅᐳᑦ ᐅᖅᓱᒃᓴᓄᑦ ᓂᐅᕕᐊᖑᔪᒥᓂᕐᓄᑦ ᐊᒻᒪᓗ ᐊᑐᖅᑕᐅᓗᑎᒃ ᐅᓇᐅᑎᓗᒍ ᐊᒻᒪᓗ ᑭᖑᓂᖓᒍᑦ ᐊᐃᕆᓕ 1, 2006. ᐱᔪᓐᓇᖅᑎᑕᐅᓂᐊᕈᕕᑦ: • ᑐᒃᓯᕋᐅᑎᓕᒃ ᐱᓯᒪᔭᕆᐊᖃᒃᐳᖅ ᐊᑐᖅᑐᒥᒃ ᐅᔭᕋᒃᓯᐅᕈᓇᕈᑎᒥᒃ ᐱᔪᓐᓇᐅᑎᖃᕐᓕᓂ, ᐊᒻᒪᓗ • ᐅᖅᓱᒃᓴᖅ ᓂᐅᕕᐊᖑᓯᒪᔭᕆᐊᖃᒃᐳᖅ ᓄᓇᕗᒻᒥ ᐅᕝᕙᓗᓂᑦ ᑎᑭᑎᑕᐅᓯᒪᓗᓂ ᑕᒪᐅᖓ ᓄᓇᕗᒻᒧᑦ ᑕᐃᒪᓇᐃᓕᓯᒪᓂᖓᑐᑦ ᑎᑎᕋᒃᓯᒪᔪᑦ 3-ᒥ, 4-ᒥ ᐊᒻᒪᓗ 5-ᒥ ᑕᒃᑯᓇᓂ ᐅᖅᓱᐊᓗᓕᕆᔨᒃᑯᑦ ᐅᖅᓱᒃᓴᓕᕆᔨᑦ ᑖᒃᓯᔭᕈᑎᖏᑕ ᒪᓕᒐᖏᓂ (ᓄᓇᕗᑦ).