You are here

ᓄᓇᕗᑦ ᒐᕙᒪᒃᑯᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓐᓂᖓᓂ − ᐃᖃᓗᐃᑦ

ᐊᒐᓯ 19, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᓇᕗᑦ ᒐᕙᒪᒃᑯᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓐᓂᖓᓂ − ᐃᖃᓗᐃᑦ

ᐃᖃᓗᐃᑦ, ᓄᓇᕗᑦ (ᐋᒡᒌᓯ 19, 2022) − ᓄᓇᕗᑦ ᒐᕙᒪᖓ ᒥᓂᔅᑕᐅᑲᐃᓐᓇᕐᑐᖅ ᓄᓇᓕᖕᓂᑦ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓂᑦ, ᐃᓕᓴᕆᔭᐅᓯᒪᔪᖅ ᔪᐊᓇ ᖁᐊᓴ, ᓇᓗᓇᐃᕐᓯᖅᑲᐅᕗᖅ ᑐᐊᕕᕐᓇᖅᑐᒦᓐᓂᖓᓂ ᓄᓇᕗᑦ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐱᖁᔭᖅ ᐊᑐᖅᑕᐅᓕᖅᑐᖅ ᒫᓐᓇᐅᔪᖅ ᐃᖃᓗᖕᓂᑦ.

“ᓇᓗᓇᐃᕐᓯᒐᒪ ᐅᓇ ᑐᐊᕕᕐᓇᖅᑐᖅ ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᑐᕈᓐᓇᖁᓪᓗᒋᑦ ᒪᓕᒃᑕᐅᔭᕆᐊᓕᑦ ᐊᖏᕐᑕᐅᓂᖏᑦ ᐃᒻᒥᕐᑕᐅᕙᓪᓕᐊᓕᕐᓗᓂ ᐃᒥᖅᑕᕐᕕᖓ ᑭᖑᕙᙱᓪᓗᑎᒃ.” ᐅᖃᖅᑐᖅ ᒥᓂᔅᑕ ᖁᐊᓴ. “ᐱᓕᕆᖃᑎᒋᑦᑎᐊᕐᑕᕗᑦ ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᖏᕐᖢᑕᓗ ᐱᖁᑎᖃᕐᑎᓐᓂᐊᕐᓗᑎᒍ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᕐᑎᒃᑯᑦ ᑐᐊᕕᖕᓇᖅᑐᓕᕆᓂᖕᒧᑦ ᐱᖁᑎᖏᓐᓂᑦ ᐃᑲᔪᖅᑐᐃᓂᐊᕐᓗᑎᒃ ᒥᓪᓗᐊᕈᑎᓂ. ᐊᖏᕐᓯᒪᕗᒍ ᐱᓕᕆᖃᑎᒋᓗᑎᒍ ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᒪᖓ ᓈᒻᒪᖕᓂᐊᕐᓗᓂ ᐃᖃᓗᖕᒥᐅᓄᑦ ᐊᒡᒋᖅᑐᒧᑦ ᐅᑭᐅᒧᑦ.”

ᐅᓇ ᓇᓗᓇᐃᕆᓂᖅ ᐊᓯᔾᔩᙱᑦᑐᖅ ᖃᓄᐃᓕᖓᓕᕐᓂᖓ ᐅᕝᕙᓘᓐᓃᑦ ᐊᑦᑕᕐᓇᕐᓂᖅᓴᐅᓕᕐᓂᖓ ᐃᓄᖕᓄᑦ ᐃᖃᓗᖕᓂᑦ. ᓇᓗᓇᐃᕐᓯᓂᖅ ᑐᐊᕕᖕᓇᕐᑐᒥᑦ, ᒫᓐᓇᐅᔪᖅ, ᓱᒃᑲᓂᕐᓴᐅᓂᐊᕐᑐᖅ ᐊᖏᕐᑕᐅᔭᕆᐊᖃᕐᓂᖓ ᖃᓄᐃᓕᐅᕐᓂᐊᕐᓗᑎᒃ ᐃᒥᖅᑕᕐᕕᒃ ᖁᐊᓚᐅᙱᓐᓂᖓᓂ ᐅᑭᐊᒃᓵᖅ, ᐃᑲᔪᖅᑐᐃᕕᖃᑦᑎᐊᕐᓗᑎᒃᓗ ᐊᑐᐃᓐᓇᐅᓗᓂ. ᐅᓇᑦᑕᐅᖅ ᓄᓇᕗᑦ ᒐᕙᒪᒃᑯᖏᓐᓂᑦ ᐱᔪᓐᓇᕐᓂᕐᑖᕈᑎᒋᒃᑲᓐᓂᕐᓂᐊᕐᑕᖓ ᐊᐅᓚᓐᓂᐊᕐᓗᒍ ᐋᖅᑭᒃᓱᐃᓂᖕᒥᓪᓗ ᐱᖁᑎᓂ ᐊᑐᒐᒃᓴᓂᓪᓗ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᕝᕕᖏᓐᓂᑦ ᑐᑦᑕᕕᖏᓐᓂᓪᓗ, ᐊᐅᓚᔾᔭᖕᓂᐊᕐᓗᒍ ᑐᐊᕕᖕᓇᖅᑐᓕᕆᓂᖕᒧᑦ ᐱᖁᔭᖅ.

ᓄᓇᕗᒻᒥᑦ ᓇᓗᓇᐃᕐᑕᐅᓂᖓ ᑐᐊᕕᕐᓇᖅᑐᒦᓐᓂᖓ ᐃᖃᓗᐃᑦ ᐊᑐᕐᓂᐊᕐᑐᖅ ᐅᓪᓗᓄᑦ 14−ᓄᑦ, ᐋᒡᒌᓯ 18−ᒥᑦ ᓯᑎᐱᕆ 1, 2022−ᒧᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓱᓕᑳ ᑐᐊᐃᐅᓪ

ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

867-975-5406

sduale1@gov.nu.ca