ᐅᖃᓚᐅᑎᓯᐅᑏᑦ

You are here

ᓴᓇᖑᐊᕐᓂᒃ

ᓄᓇᕘᒻᒥ ᐱᑕᖃᐅᒻᒪᕆᒃᐳᖅ ᐱᖅᑯᓯᖏᓐᓂᒃ ᓴᓇᑐᔪᓂᒃ ᓴᓇᔪᓐᓇᖅᑐᓪᓗ ᐱᓕᕆᓂᕐᒧᑦ. ᐃᓄᐃᑦ ᐃᓕᖅᑯᓯᖏᑦ, ᐅᓂᒃᑳᖅᑐᐊᖏᑦ ᐅᑭᐅᖅᑕᖅᑑᓪᓗ ᓄᓇᖓ ᐱᑕᖃᐅᖅᐳᑦ ᐊᔾᔨᐅᙱᑦᑐᒥᒃ ᑕᑯᒥᓇᖅᑐᒥᒃ ᐊᔾᔨᒌᖏᑦᑐᓪᓗ ᐃᓕᓐᓂᐊᕈᑎᒋᔪᓐᓇᖅᑐᑦ. ᐃᓄᐃᑦ ᐊᑐᖅᐸᒃᑐᑦ ᖃᐅᔨᒪᔭᒥᖕᓂᒃ ᐊᑐᖅᖢᑎᒃ ᓴᖅᑭᓂᕐᒥᒃ ᓴᓇᐅᒐᕐᓂᒃ ᓯᕗᓂᕆᔭᑦᑎᓐᓄᑦ.

ᑕᐃᔅᓱᒪᓂ ᐱᒋᐊᕐᖓᖅᐹᕆᓚᐅᖅᑕᖓᑦ ᐃᓄᐃᑦ ᓴᓇᐅᒐᖏᑦ ᐱᒋᐊᓚᐅᖅᓯᒪᕗᑦ ᐱᐊᓂᒃᐸᓪᓕᑎᓪᓗᒍ 1940-ᖏᓐᓂᑦ. ᐃᓄᐃᑦ ᑕᖅᓴᕆᒃᑐᑦ ᒥᖅᓱᒐᖏᑦ, ᑎᑎᖅᑐᒐᑦ ᓇᕿᓯᒪᔪᑦ, ᓴᓇᖑᐊᒐᖏᑦ, ᐅᔭᒦᑦ ᓯᐅᑎᕈᑏᑦ, ᐱᐅᔪᐃᓪᓗ ᓴᓇᔭᐅᒐᓪᓚᕇᑦ ᐱᒋᔭᐅᓂᖅᐸᖑᓕᖅᑐᑦ ᓄᓇᕐᔪᐊᓕᒫᒥ. ᐅᓂᒃᑳᖅᑐᐊᑦ, ᑲᑕᔾᔭᖅᑐᑦ ᕿᓚᐅᔾᔭᖅᑐᓪᓗ ᓄᓇᕘᒻᒥᐅᑕᐅᔪᓄᑦ ᐱᒻᒪᕆᐅᒋᔭᐅᒋᓪᓗᑎᒃ ᐱᖅᑯᓯᖏᓐᓄᑦ.

ᓴᓇᐅᒐᐃᑦ ᓄᓇᕘᒻᒥ ᐱᖃᓯᐅᔾᔨᕙᒃᑐᑦ ᖃᐅᔨᒪᔭᑐᖃᖏᓐᓂᒃ ᒫᓐᓇᐅᓕᖅᑐᒧᓪᓗ ᐊᑐᖅᑕᐅᕙᒃᑐᑦ ᐱᓕᕆᔪᓐᓇᖅᑕᒥᖕᓂᒃ. ᑕᒪᐃᓐᓄᑦ ᒫᓐᓇᐅᓕᖅᑐᖅ ᑕᐃᓱᒪᓂᐅᓚᐅᖅᑐᕐᓗ ᑲᑎᑦᑎᕙᒃᑐᖅ ᐱᓕᒻᒪᒃᓴᐃᓂᕐᒥᒃ ᐃᓇᕐᓄᑦ ᒪᒃᑯᒃᑐᓄᓪᓗ ᓴᖅᑭᓂᕐᒥᒃ ᖁᕕᐊᓇᓪᓚᕆᒃᑐᓂᒃ, ᐃᓱᒪᒃᓴᖅᓯᐅᕈᑎᐅᔪᓐᓇᖅᑐᓄᑦ ᓴᓇᐅᒐᕐᓂᒃ ᓱᓕᔪᓂᒃ ᐊᔾᔨᐅᖏᑦᑐᒥᒡᓗ ᓄᓇᕘᒻᒧᑦ.

ᐊᔾᔨᙳᐊᓄᑦ ᕿᒥᕐᕈᐊᕆᐊᖅᑐᕐᕕᒃ 

ᐅᐃᓂᐱᐊᖕᒥ ᓴᓇᙳᐊᒐᖃᕐᕕᒃ

ᐃᓕᖅᑯᓯᓕᕆᔨᒃᑯᑦ ᐃᑭᐊᖅᑭᕕᖓᓅᖅᑐᒃᓴᖅ, ᔮᓐᓄᐊᓕ 2017

2015-ᖑᑎᓪᓗᒍ ᐊᖏᖃᑎᒋᓚᐅᖅᑑᒃ ᑖᒃᑯᐊ ᐃᓕᖅᑯᓯᓕᕆᔨᒃᑯᑦ ᐱᓕᕆᕝᕕᖓ ᐊᒻᒪ ᐅᐃᓂᐱᒡᒥ ᓴᓇᙳᐊᒐᖃᕐᕕᐅᔪᖅ ᐊᐅᓪᓚᖅᑎᑦᓯᓗᑎ 7,000-ᖏᓐᓃᐸᓗᒃᑐᓂ ᓄᓇᕘᑉ ᓴᓇᙳᐊᒐᖁᑎᖏᓐᓂᒃ ᑕᐃᑲᓂ ᑐᖅᑯᖅᑕᐅᓯᒪᔪᑦ ᐳᕆᓐᔅ ᐅᐊᐃᔪᔅ ᐅᑭᐅᖅᑕᖅᑐᒥ ᐃᑦᑕᕐᓂᓴᓕᕆᔨᒃᑯᓐᓂ. ᓄᐊᑕᐅᓯᒪᔪᑦ ᐊᑯᓂᐊᓗᒃ ᐊᑐᖅᑐᐊᖅᑕᐅᓂᐊᖅᑐᑦ ᐅᐃᓂᐱᒡ ᓴᓇᙳᐊᒐᖃᕐᕕᖓᓂ ᐊᕐᕌᒍᓄᑦ ᑕᓪᓕᒪᓄᑦ.

ᑕᐃᒪᙵᓂ ᓄᓇᕗᑦ ᓴᖅᑭᑕᐅᔪᒻᒪᑦ ᑖᒃᑯᐊ ᓴᓇᐅᒐᑦᑎᐊᕚᓗᐃᑦ ᓴᖅᑭᑕᐅᓂᐊᓕᑕᐃᓐᓇᖅᑐᑦ ᑐᖅᑯᖅᑕᐅᓯᒪᔭᒥᓂᒃ, ᐱᕕᖃᖅᑎᑦᓯᒻᒪᕆᑦᑐᖅ ᑲᑐᔾᔨᖃᑎᒌᓂᕐᒥᑦ ᐃᓄᓐᓂ ᓴᓇᙳᐊᖅᑎᓂ, ᐃᓕᖅᑯᓯᓕᕆᔨᒃᑯᓐᓂ ᐊᒻᒪ ᐅᐃᓂᐱᒡᒥ ᓴᓇᙳᐊᒐᖃᕐᕕᖓᓂ.

ᓴᓇᙳᐊᒐᑦ ᓄᐊᑕᐅᓯᒪᔪᑦ 1960-ᖏᓐᓂᙶᖅᑐᑦ ᐅᓪᓗᒥᒧᑦ, ᑕᐅᓴᓐᑎᖏᓐᓃᑦᑐᑦ ᓴᓇᙳᐊᒐᑦ, ᐊᒥᐊᖅᓯᒪᔪᑦ ᐊᒻᒪ ᑎᑎᖅᑐᒐᑦ ᓄᓇᕐᔪᐊᓕᒫᒥ ᖃᐅᔨᒪᔭᐅᔪᒻᒪᕆᑐᓐᓄᑦ ᓲᕐᓗ; ᕿᓐᓄᐊᔪᐊᒃ ᐋᓯᕙᒃ, ᐅᓱᐃᑦᑐᖅ ᐊᐃᐱᓕ, ᔭᓯ ᐅᓈᖅ, ᑲᓈᖏᓐᓈᖅ ᐳᑐᒍᖅ, ᐸᕐ, ᐸᐅᑕ ᓴᐃᓕ, ᐊᒻᒪ ᐊᐃᕇᓐ ᐊᕚᓛᕿᐊᖅ ᑎᒃᑖᓛᖅ. ᐊᑐᐃᓐᓇᖃᕐᕕᐅᓂᖅ ᓄᐊᑕᐅᓯᒪᔪᓂ ᐱᕕᖃᖅᑎᑦᓯᓂᐊᖅᑐᖅ ᐃᓄᐃᑦ ᓴᓇᙳᐊᕙᑦᑎᐊᕚᓗᖏᑦ ᑕᑯᑦᓴᐅᑎᑕᐅᓗᑎ, ᐱᕙᓪᓕᐊᑎᑦᓯᓗᑎ ᐃᓕᓐᓂᐊᕈᑎᒃᓴᓂ, ᐊᒻᒪ ᐱᕕᖃᖅᑎᑦᓯᓗᑎ ᐃᓄᓐᓂᒃ ᓴᓇᙳᐊᖅᑎᓂ ᐃᓕᓐᓂᐊᕈᓐᓇᕐᓗᑎ ᓴᓇᙳᐊᕙᓪᓗᑎᓗ ᐅᓪᓗᒥᓯᐅᑎᓂ ᓴᓇᐅᒐᕐᓂᒃ.

ᐅᐃᓂᐱᐊᖕᒥ ᓴᓇᙳᐊᒐᖃᕐᕕᒃ

ᐃᑦᑕᕐᓂᓴᓕᕆᔨᒃᑯᑦ

ᑐᑭᒧᐊᒃᑎᑎᔨ ᐃᑦᑕᕐᓂᓴᓕᕆᓂᕐᒧᑦ
ᐋᓕᒃᔅ  ᓴᑕᑉᐱᖕ
ᐅᖄᓚᐅᑎᖓ: (867) 975-5524
ᐃᕐᖏᓇᑯᑦ: AStubbing@gov.nu.ca

 

Contact Name: 
ᐋᓕᒃᔅ ᓴᑕᑉᐱᖕ, ᑐᑭᒧᐊᒃᑎᑎᔨ ᐃᑦᑕᕐᓂᓴᓕᕆᓂᕐᒧᑦ
Phone: 
867-975-5524