ᑲᓇᑕᐅᑉ ᓄᓇᕗᓪᓗ ᒐᕙᒪᒃᑯᖏᒃ ᐱᓕᕆᖃᑎᒌᖕᒪᑎᒃ ᓄᓇᒋᔭᐅᔪᕕᓂᑐᖃᐃᑦ ᐱᓕᕆᔭᐅᕙᓪᓕᐊᖁᓪᓗᒋᑦ ᐃᑲᔪᖅᑐᐃᒋᐊᕈᑎᐅᓪᓗᑎᒃ ᓄᓇᓕᖕᓄᑦ ᓄᓇᒋᔭᕗᑦ ᓴᐳᑎᒋᐊᕐᓂᐊᕋᑦᑎᒍᑦ ᐱᖁᑎᑦᑎᐊᕙᐅᒋᓛᕗᑦ-ᓄᓇᕕᓂᑐᖃᕗᑦ.
ᓄᓇᕗᒻᒥ ᓄᓇᒋᔭᐅᔪᑐᖃᕕᓃᑦ ᐱᒻᒪᕆᐅᒋᒐᑦᑎᒍ ᐱᔾᔪᑎᖃᖅᖢᑕ ᐅᓄᖅᑐᓂᒃ. ᓯᕗᒧᐊᒍᑎᒋᔪᓐᓇᕐᓂᑦᑎᓐᓄᑦ ᑕᑯᒋᐊᕈᑎᒋᔪᓐᓇᕐᓂᑦᑎᓐᓄᓪᓗ ᕿᒻᒪᑯᒋᔭᑐᖃᕕᓂᕐᓂᒃ ᐅᕙᑦᑎᓐᓄᓪᓗ ᖃᐅᔨᒪᓂᖅᑖᕈᑎᐅᕙᒃᖢᑎᒃ, ᐅᐱᔾᔪᑎᒋᕚᓪᓕᕈᑎᒋᓪᓗᑎᒍᓗ ᐃᒃᐱᒍᓱᓕᖅᐹᓪᓕᕈᑎᒋᓪᓗᑎᒃᑯᓪᓗ. ᐊᒃᑐᐃᔾᔪᑎᒋᔭᕗᑦ ᓯᕗᓪᓕᖅᑕ ᐃᑦᑕᕐᓂᓴᖁᑎᖏᓐᓂᒃ ᐱᒻᒪᕆᐅᔪᓂᒡᓗ ᐅᓂᒃᑳᖅᑐᐊᓕᐅᖅᓯᒪᓪᓗᑎᒃ. ᓄᓇᒋᔭᐅᔪᕕᓂᑐᖃᐃᑦ ᑲᑎᔾᔪᑎᒋᖕᒥᔭᕗᑦ ᓯᓚᕐᔪᐊᕐᒥᐅᖃᑎᑦᑎᓐᓄᑦ ᑕᑯᔪᒪᖕᒥᖕᒪᑕ ᐅᓄᖅᑐᑦ ᓯᓚᕐᔪᐊᕐᒥᓐᖔᖅᓯᒪᓪᓗᑎᒃ ᐃᓕᓐᓂᐊᕈᒪᖕᒥᔪᑦᑕᐅᖅ ᓯᕗᓪᓕᕆᓚᐅᖅᑕᑦᑎᓐᓂ ᐱᖅᑯᓯᑦᑎᓐᓂᓪᓗ.
ᓄᓇᒋᔭᐅᔪᕕᓂᑐᖃᐃᑦ ᐃᓕᓴᕆᔭᐅᔭᕆᐊᖃᕐᒪᑕ, ᓇᒡᓕᒋᔭᐅᑦᑎᐊᕆᐊᖃᕐᒪᑕ ᓴᐳᔾᔭᐅᔭᕆᐊᖃᓪᓚᕆᖕᒪᑕᓗ ᓯᕗᓪᓕᕗᑦ ᐃᖅᑲᐅᒪᐃᓐᓇᕈᒪᓂᐊᕈᑦᑎᒍᑦ, ᓄᓇᕗᒻᒥᐅᓄᑦ ᓯᕗᒧᐊᒍᑎᐅᔪᑦ ᐅᓪᓗᒥᒧᑦ ᓯᕗᓂᒃᓴᒧᓐᖓᐅᓂᐊᕋᑦᑕ ᐊᔪᖏᑦᑎᐊᕐᓗᑕᓗ ᐅᕙᑦᑎᓐᓂᒡᓗ ᐃᓕᓴᕆᐅᒪᑦᑎᐊᕐᓗᑕ.
ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᖅ: http://www.historicplaces.ca
Contact Name:
ᑕᒃ ,ᐊᐅᓚᑦᑎᔨ ᐃᑦᑕᕐᓂᓴᓕᕆᔨᒃᑯᓐᓄ
Email:
Phone:
867-934-2044