ᓇᑭᑦ ᐊᖁᑦᑐᓇᐅᑎᑖᕈᓐᓇᖅᐳᖓ ᓚᐃᓴᓐᓯᒥᒃ?

ᓄᓇᕗᒻᒥᑦ ᐊᖁᑦᑐᓐᓇᐅᑎᒥᒃ ᓚᐅᓴᓐᓯᑕᕈᒪᓗᑎᑦ ᑐᒃᓯᕋᕈᓐᓇᖅᐳᑎᑦ ᓄᓇᑰᔪᓕᕆᔨᒃᑯᑦ ᑎᑎᕋᕐᕕᖓᓐᓂᑦ ᓚᐃᓴᓐᓯᑖᖅᑎᑦᑎᕕᖏᓐᓂᑦ ᓄᓇᓖᑦ ᐅᑯᓇᓂ:

ᐃᖃᓗᐃᑦ

ᑲᖏᖅᖠᓂᖅ

ᐃᖃᓗᒃᑑᑦᓯᐊᖅ

ᐅᖅᓱᖅᑑᖅ

ᑎᑎᕋᕐᕕᖏᓐᓄᑦ ᐅᖄᓚᔪᓐᓇᑦᑐᑎᑦ ᐊᑭᖃᖏᑦᑐᒃᑯᑦ ᓇᐃᓴᐅᑎᖓᓄᑦ ᓯᕙᓂᕐᓗᑎᑦ 1-888-975-5999. ᐊᓯᖏᑦᑦ ᓄᓇᓖᑦ, ᑐᒃᓯᕋᐅᑎᓕᐅᕈᓐᓇᖅᑐᐃᑦ ᓄᓇᕕᑦ ᒧᓂᓯᐹᓕᑎᒃᑯᑦ ᑎᑎᕋᕐᕕᖓᑕ ᑲᒪᔨᖓᒍᑦ ᐅᕝᕙᓘᓐᓃᑦ ᒐᕙᒪᒃᑯᑦ ᑎᑎᕋᕐᕕᖓᓂᑦ ᑲᒪᔨᐊᒍᑦ.

ᑕᑯᒋᐊᕐᕕᒋᓗᑎᒃ​ ᓇᓂᓯᕕᒃ ᓄᓇᒃᑰᔪᓕᕆᔨᒃᑯᑦ ᑎᑎᕋᕐᕕᖏᓐᓂ ᓇᓗᓇᐃᒃᑯᑕᖅᑕᖅᑎᑦᑎᔨᓂ ᐊᒻᒻᒪᓗ ᐊᑎᖏᓐᓂᒃ​ ᒐᕙᒪᒃᑯᑦ ᑎᑎᕋᕐᕕᖓᓂᑦ ᑲᒪᔩᑦ ᐃᓂᒋᔭᖏᑦ.

ᓄᓇᕗᒻᒥᑦ ᐊᖁᑦᑐᓐᓇᐅᑎ ᓚᐃᓴᓐᓯᒥᒃ ᐊᑐᕈᓐᓇᖅᓯᑎᑦᑎᑲᓐᓂᕈᒪᓗᓂ ᐊᑭᓕᒃ $68.40 ($38.40 60-ᓂᒃ ᐅᑭᐅᓖᑦ ᐊᖓᔪᒃᓰᓪᓗ).

ᑲᓇᑕᒥ ᓄᓇᐃᑦ ᐊᕕᒃᑐᖅᓯᒪᓂᖏᑦᑎᒍ ᐅᕝᕙᓘᓐᓃᑦ ᓄᓇᒋᔭᐅᔪᐃᑦ ᐊᓯᐊᓄᑦ ᐊᖁᑦᑐᓐᓇᐅᑎᒥᒃ ᓚᐃᓴᓐᓯᒥᒃ ᓅᑦᓯᓂᖅ ᐊᑭᓕᒃ $68.40 ($38.40 60-ᓂᒃ ᐅᑭᐅᓖᑦ ᐊᖓᔪᒃᓰᓪᓗ).

ᑎᒡᓕᒃᑕᕕᓂᐅᒃᐸᑦ/ᐊᓯᐅᔨᔪᕕᓂᐅᒍᕕᑦ/ᓱᕋᒃᑐᕕᓂᐅᒃᐸᓪᓗᓃᑦ ᓄᓇᕗᒻᒥᑦ ᐊᖁᑦᑐᓐᓇᐅᑏᑦ ᐊᔾᔨᒋᐊᓪᓚᖓᓂᒃ ᐱᑖᕈᒪᒍᕕᑦ ᐊᑭᖓ $15.40 ($12.40 60-ᓂᒃ ᐅᑭᐅᓖᑦ ᐊᖓᔪᒃᓰᓪᓗ).

ᓄᓇᕗᒻᒥᑦ ᐊᖅᑯᑎᒃᑯᑦ ᖃᐅᔨᓴᖅᑕᐅᓗᑎᒃ ᐊᖁᑦᑐᓐᓇᕐᒪᖔᖅᐱᑦ ᐱᔭᖃᕈᓐᓇᖅᓯᔪᕕᓂᐅᒍᕕᑦ, ᓄᑕᐅᓯᓕᕆᐊᕈᑎᖓ ᐊᑭᓕᒃ $15.40 ($12.40 60ᓂᒃ ᐅᑭᐅᓖᑦ ᐊᖓᔪᒃᓰᓪᓗ).

ᓄᓇᕗᒻᒥᑦ ᐊᖁᑦᑐᓐᓇᐅᑏᑦ ᓚᐃᓴᓐᓰᑦ ᖁᑦᑎᒡᓕᒋᐊᕈᒪᒍᖕᓂᑦ ᐊᖁᑦᑐᓐᓇᐅᑎᓪᓚᑖᕐᒥᑦ 5-ᒥᑦ ᐅᑯᓇᖓᑦ ᓇᓕᐊᖕᓂᑐᐃᓐᓇᖅ ᐳᖅᑐᓂᓕᒃ 1, 2, 3 ᐅᕝᕙᓘᓐᓃᑦ 4, ᐊᑭᓕᒃ $15.40 ($12.40 60-ᓂᒃ ᐅᑭᐅᓖᑦ ᐊᖓᔪᒃᓰᓪᓗ).

ᖃᐅᔨᒪᔭᐅᓕ:

ᑕᑯᑎᑦᑎᔭᕆᐊᖃᖅᐳᑎᑦ ᒪᕐᕉᖕᓂᒃ ᒐᕙᒪᒃᑯᓐᓄᑦ ᓇᓗᓇᐃᒃᑯᑕᖅᑖᖅᑎᑕᐅᔾᔪᑏᖕᓂᒃ, ᐊᑕᐅᓯᖅ ᐃᓅᕝᕕᕕᑦ ᐅᓪᓗᖓᓂᒃ ᓴᕿᔮᖅᑐᖃᕆᐊᓕᒃ.

ᓄᓇᕗᒻᒥᑦ ᐊᖁᑦᑐᓐᓇᐅᑎ ᓚᐃᓴᓐᓯ ᐊᑐᖅᑕᐅᔪᓐᓇᖅᑐᖅ ᐊᕐᕌᒍᓄᑦ ᑕᓪᓕᒪᓄᑦ.